كونكۋرستىق كوميسسيانىڭ وتىرىسى بولدى

پارلامەنت سەناتىنىڭ دەپۋتاتى داريعا نازارباەۆانىڭ تورايىمدىعىمەن رەسپۋبليكالىق كونكۋرستىق كوميسسيانىڭ مەملەكەتتىك 6 جوعارى وقۋ ورنىنىڭ رەكتورلارىن سايلاۋ جونىندەگى وتىرىسى بولدى, دەپ حابارلادى سەناتتىڭ ءباسپاسوز قىزمەتى. ولار ق.جۇبانوۆ اتىنداعى اقتوبە وڭىرلىك مەملەكەتتىك ۋني­ۆەر­سيتەتى, قاراعاندى مەملەكەت­تىك يندۋستريالىق ۋنيۆەرسيتەتى, ش.ەسەنوۆ اتىنداعى كاسپي مەم­لەكەتتىك تەحنولوگيا جانە ينجي­نيرينگ ۋنيۆەرسيتەتى, م.قوزى­باەۆ اتىنداعى سولتۇستىك قازاق­ستان مەملەكەتتىك ۋنيۆەرسيتەتى, تاراز مەملەكەتتىك پەداگوگيكالىق ينستيتۋتى جانە م.ح.دۋلاتي اتىن­داعى تاراز مەملەكەتتىك ۋني­ۆەر­سيتەتى. رەسپۋبليكالىق كونكۋرستىق كوميسسياسىنىڭ قاراۋىنا وسى 6 جوعارى وقۋ ورنىنىڭ باي­قاۋ­شىلار كەڭەسى ۇسىنعان, كونكۋرسقا ءوتىنىش بەرگەن 45 ادامنىڭ 11-ءى ۇسىنىلدى. ۇمىتكەرلەرمەن اڭگىمەلەسۋ جانە ولاردىڭ جوعارى وقۋ ورىن­دارىن دامىتۋ ءجونىن­دەگى باع­دار­لامالارىن تالقىلاۋ قورى­تىندىسى بويىنشا ق.جۇبانوۆ اتىنداعى اقتوبە وڭىرلىك مەم­لە­كەتتىك ۋنيۆەرسيتەتىنە باۋىر­جان ەردەمبەكوۆتى, قاراعان­دى مەملەكەتتىك ين­دۋس­تريالىق ۋنيۆەرسيتەتىنە باقىت ءجاۋتى­كوۆتى, م.قوزىباەۆ اتىنداعى سولتۇستىك قازاقستان مەملەكەتتىك ۋني­ۆەر­سيتەتىنە سەرىك ءومىر­باەۆتى, تاراز مەملەكەتتىك پەداگو­گيكالىق ينستيتۋتىنا داريا­كۇل قوجامجاروۆانى رەكتور ەتىپ تاعايىنداۋ ۇسىنىلدى. ش.ەسەنوۆ اتىنداعى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتى مەن م.ح.دۋلاتي اتىنداعى تاراز مەملەكەتتىك ۋنيۆەرسيتەتى بويىن­شا كونكۋرس وتپەگەن بولىپ سانالدى, ءبىلىم جانە عىلىم مينيستر­لىگىنە كونكۋرستى قايتا وتكىزۋ جونىندە ۇسىنىس ايتىلدى. رەكتورلاردىڭ سايلانۋى مەن ەسەپتىلىگى قاعيداسىنىڭ ەنگىزىلۋى جوعارى وقۋ ورىندارىنىڭ اكا­دەميالىق جانە باسقارۋ دەربەس­تىگىن كەزەڭ-كەزەڭمەن ۇلعايتۋ ايا­سىن­داعى «100 ناقتى قادام» ۇلت جوسپارىنىڭ 78-قادامىنا سايكەس كەلەدى.