استانادا ناۋرىز مەيرامى اياسىندا وتەتىن مەرەكەلىك شارالار ءتىزىمى

قازاقستان حالقى ناۋرىز مەيرامىنا دايىندىقتى باستاپ كەتتى. استانادا حالىقتىق سەرۋەن 21-23 ناۋرىز كۇندەرى وتەدى. قالاداعى بىرنەشە الاڭدا مەرەكەلىك شارالار ۇيىمداستىرىلادى, دەپ حابارلايدى قالا اكىمىنىڭ ءباسپاسوز قىزمەتى. 19-23 ناۋرىز – دەمالىس كۇندەرى, سول سەبەپتى قالا تۇرعىندارىنىڭ دەمالىسىنا ەرەكشە كوڭىل بولىنگەن. باستى شارا 21 ناۋرىز كۇنى «سارىارقا» ۆەلوترەگىندە ۇيىمداستىرىلادى, 21-23 ناۋرىز كۇندەرى «حان شاتىر» ماڭىنداعى الاڭدا ەتنواۋىل قانات جايىپ, حالىقتىق سەرۋەن وتەدى. سونداي-اق 21-22 ناۋرىز كۇندەرى «قازاق ەلى» مونۋمەنتى الاڭىندا, قالالىق الاڭدا, «ستۋدەنتتەر» ساياباعىندا, 22 ناۋرىزدا «جاستار» تەاترىنىڭ اۋماعىندا وتەدى. بارلىق الاڭداردا مازمۇندى كونتسەرتتىك باعدارلامالار, سپورتتىق جارىستار ۇيىمداستىرىلادى, كيىز ۇيلەر تىگىلىپ, التىباقاندار ورناتىلادى, كەلۋشىلەر ءداستۇرلى تاعامداردان ءدام تاتا الادى. ناۋرىزدىڭ 18-ىنەن 22-سىنە دەيىن كۇيگەنجار, ميچۋرينو, پرومىشلەننىي, ينتەرناتسيونالنىي, جەلەزنودوروجنىي, پريگورودنىي, ۇركەر, كوكتال-1, ءوندىرىس تۇرعىن الاپتارىندا ناۋرىز مەيرامىنا وراي حالىقتىق سەرۋەن وتەدى. وندا دا كيىز ۇيلەر تىگىلىپ, جارمەڭكەلەر, كونتسەرتتەر ۇيىمداستىرىلادى.