ساپيەۆ پەن ارتاەۆ گولوۆكيننىڭ جەكپە-جەگى كورسەتىلىمىنىنە ساراپشى بولادى

ورتا سالماقتا WBA (Super), IBO, WBC جانە IBF نۇسقالارى بويىنشا الەم چەمپيونى گەننادي گولوۆكين مەن ءدال وسى سالماقتا WBA (Regular) بەلبەۋىنىڭ يەگەرى امەريكالىق دەنيەل دجەيكوبس اراسىنداعى كەزدەسۋ 18 ناۋرىزدا نيۋ-يورك قالاسىنداعى Madison Square Garden ارەناسىندا وتەدى. ەلىمىزدە بۇل ايقاستى «قازاقستان» مەن «KazSport» تەلەارنالارى 19 ناۋرىزدا 08:00-دە تىكەلەي ەفيردە كورسەتەدى. بۇل بوكس كەشىن ساراپشى رەتىندە ەلىمىزدىڭ بۇرىنعى بىلعارى قولعاپ شەبەرلەرى سەرىك ساپيەۆ پەن باقتيار ارتاەۆ جۇرگىزەدى. ءوز كەزەگىندە افينا وليمپياداسىنىڭ چەمپيونى «قازاقستان» ارناسىنا قاتىسسا, لوندون وليمپياداسىنىڭ جەڭىمپازى «KazSport»-تا جۇرگىزەدى. سونىمەن قاتار, «KazSport» گولوۆكين-دجەيكوبس جەكپە-جەگى ءۇشىن ارنايى ەكى باعدارلاما ۇيىمداستىرۋى مۇمكىن. مۇندا قوس ساراپشى ايقاس جايلى ءوز پىكىرلەرىن بىلدىرەدى. ونىڭ العاشقىسى ەفيرگە سول كۇنى 07:30-دا, ال ەكىنشىسى بوكس كەشى اياقتالا سالىسىمەن وتەدى. بۇل كەزدە وليمپيادا چەمپيوندارى جەكپە-جەك بارىسىنداعى باستى ساتتەردى تالقىلايدى.