بۇگىن نيدەرلاندتا پرەمەر-مينيستر سايلانادى

بۇگىن, 15 ناۋرىز كۇنى ەۋروپاداعى بيىلعى جىلدىڭ ەڭ ماڭىزدى سايلاۋلارىنىڭ ءبىرى وتەدى. ياعني, نيدەرلاند حالقى پرەمەر-ءمينيسترىن تاڭدايدى, دەپ جازادى Business Insider. ءبىر ەرەكشەلىگى, سايلاۋعا بيىل 28 پارتيا قاتىسادى. ال 2012 جىلى 11 پارتيا پارلامەنتكە ەنىپ, ەكى پارتيا كواليتسيالىق ۇكىمەت قۇرعان بولاتىن. پارتيالار سانى كوپ بولعاندىقتان, ۇكىمەت قۇرۋ ءۇشىن ەكى نەمەسە ودان دا كوپ پارتيالار كواليتسيا قۇرۋلارىنا بولادى. وعان بىرنەشە اپتا كەتەدى. نيدەرلاند پارلامەنتىندە 150 ورىن بار. ال سايلاۋ ناتيجەلەرى ەرتەڭ بەلگىلى بولادى. بيىل سايلاۋدا ەڭ كوپ ورىن الادى دەپ بولجام جاسالعان 6 پارتيا: بوستاندىق پەن دەموكراتيانىڭ حالىقتىق پارتياسى (VVD). قازىرگى پرەمەر-مينيستر مارك رۋتتەنىڭ پارتياسى. ول 2012 جىلعى سايلاۋدا 40 ورىن جەڭىپ العان. بوستاندىق پارتياسى (PVV). سوڭعى ەكى اپتاداعى ساۋالناما ناتيجەسىندە الدا كەلە جاتقان پارتيا. لەيبوريستىك پارتيا (PvdA). سوڭعى سايلاۋدا ەكىنشى ورىن العان. بىراق سوڭعى كەزدەرى ەكونوميكاعا قاتىستى قاتاڭ شارالاردى قولداپ جۇرگەندىكتەن, كوپشىلىك تاراپىنان سىنعا ۇشىرادى. حريستيان داۋىسى (CDA). گوللانديانىڭ ەڭ باستى ءارى ەڭ كونسەرۆاتيۆتى پارتيالارىنىڭ ءبىرى. D66. 1966 جىلى قۇرىلعان دەموكراتيالىق پارتيا. جاسىل سولشىلدار. ەلدەگى ەڭ جاس ساياساتكەرلەردىڭ ءبىرى (دجەسسي كلاۆەر, 30 جاستا) باسقاراتىن پارتيا.