«Tengri Bank» جانە «Capital Bank Kazakhstan» بىرىگەتىن بولدى

2017 جىلعى 13 ناۋرىزدا «Tengri Bank» اق پەن «Capital Bank Kazakhstan» اق اكتسيونەرلەرى اراسىندا ەكى قارجى ينستيتۋتىن بىرىكتىرۋ نيەتى تۋرالى مەموراندۋمعا قول قويىلدى, دەپ جازادى «Tengri Bank» اق ءباسپاسوز قىزمەتى. بىرىككەن بانك قازاقستان رەسپۋبليكاسىنىڭ قارجى نارىعىندا ءوز ۇستانىمدارىن ايتارلىقتاي نىعايتادى دەگەن بولجام بار. بانكتەردىڭ شوعىرلاندىرىلعان كاپيتالى 43,2 ملرد تەڭگەنى قۇرايدى, بۇل ەدب رەيتينگىندە 17 ورىنعا كوتەرىلۋگە مۇمكىندىك بەرەدى. بىرىكتىرىلگەن بانك كاپيتالىنىڭ جەتكىلىكتىلىك ءنورماتيۆى 19% جەتەدى, بۇل ەڭ تومەنگى رۇقسات ەتىلگەن-دەڭگەيدەن 2,4 ەسە جوعارى. بۇل وقيعا ەڭ الدىمەن ەكى بانك دەپوزيتارلارىنىڭ مۇددەسى ءۇشىن جاسالىپ وتىر جانە جالپى بيزنەستى دامىتۋ ءارى بانكتەر مالىمدەگەن ستراتەگيالىق مىندەتتەردى ورىنداۋ ءۇشىن ۇلكەن سينەرگەتيكالىق ناتيجەگە قول جەتكىزەدى. قازاقستان رەسپۋبليكاسىنىڭ نارىعىندا بانكتىك ينستيتۋتتاردى شوعىرلاندىرۋ ەسەبىنەن ىرىلەندىرۋ ەكى بانكتىڭ دە ستراتەگياسىندا كوزدەلگەن بولاتىن. كەلىسسوزدەردىڭ ناتيجەلى اياقتالۋى بولاشاقتا وسى باعىتتى ءارى قاراي دامىتۋعا مۇمكىندىك بەرەدى. قارجى ينستيتۋتتارىن قايتا ۇيىمداستىرۋ قازاقستان رەسپۋبليكاسىنىڭ زاڭناماسى جانە حالىقارالىق ستاندارت تالاپتارىنا سايكەس جۇرگىزىلەتىن بولادى. قازىرگى ساتتە «Tengri Bank» اق پەن «Capital Bank Kazakhstan» اق كورپوراتيۆتىك قارجىلاندىرۋ جانە جەكە تۇلعالارعا قىزمەت كورسەتۋ بويىنشا بانك قىزمەتتەرىنىڭ تولىق كەشەنىن كورسەتەدى. 2016 جىلعى جەلتوقساندا S&P Global Ratings حالىقارالىق رەيتينگ اگەنتتىگى «Tengri Bank» اق-تىڭ «B+" دەڭگەيىندە ۇزاق مەرزىمدى كرەديت رەيتينگىن راستادى, ال 2016 جىلعى ناۋرىزدا «Capital Bank Kazakhstan» اق-تىڭ «B-" دەڭگەيىندە ۇزاق مەرزىمدى كرەديت رەيتينگىن راستادى. بۇل رەيتينگتەر بانكتەردىڭ تۇراقتى قارجىلىق احۋالىن كورسەتەدى.