وسى زاڭ قازاقستان رەسپۋبليكاسىنداعى سوت-ساراپتاما قىزمەتىن جۇزەگە اسىرۋ جونىندەگى قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا قامتىلعان كەيبىر ۇعىمداردى ءتۇسىندىرۋ وسى زاڭدا قامتىلعان ۇعىمدار مىناداي ماعىنادا قولدانىلادى: 1) ارنايى عىلىمي ءبىلىم – مازمۇنىن سوت-ساراپتامالىق زەرتتەۋلەردىڭ ادىستەمەلەرىندە ىسكە اسىرىلعان عىلىمي ءبىلىم قۇرايتىن ارنايى ءبىلىم سالاسى; 2) ۆاليداتسيا – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جۇرگىزىلەتىن, سوت-ساراپتامالىق زەرتتەۋدىڭ ادىستەرى مەن ادىستەمەلەرىن پايدالانۋدىڭ جارامدىلىعىن باعالاۋ; 3) ساراپتاما ماماندىعى – قازاقستان رەسپۋبليكاسىنىڭ زاڭناماسىندا بەلگىلەنگەن سوت ساراپتاماسىنىڭ بەلگىلى ءبىر ءتۇرىن جۇرگىزۋ سالاسىنداعى سوت ساراپشىسىنىڭ بىلىكتىلىگىن بەرۋمەن راستالعان سوت ساراپشىسىنىڭ عىلىمي قۇزىرەتى; 4) ساراپشىنىڭ قورىتىندىسى – قازاقستان رەسپۋبليكاسى زاڭناماسىنىڭ تالاپتارىنا سايكەس رەسىمدەلگەن, سوت-ساراپتامالىق زەرتتەۋدىڭ بارىسى مەن ناتيجەلەرىن كورسەتەتىن جازباشا قۇجات; 5) سوت-ساراپتاما قىزمەتى – سوت ساراپتاما ورگاندارىنىڭ جانە سوت ساراپشىلارىنىڭ سوت ساراپتاماسىن ۇيىمداستىرۋ جانە جۇرگىزۋ جونىندەگى قىزمەتى; 6) سوت-ساراپتامالىق زەرتتەۋ ادىستەمەسى – سوت ساراپتاماسىنىڭ نىساناسىنا قاتىستى ناقتى دەرەكتەردى انىقتاۋ ءۇشىن سوت ساراپتاماسى وبەكتىلەرىن زەردەلەۋ كەزىندە قولدانىلاتىن ادىستەر جۇيەسى; 7) سوت-ساراپتامالىق زەرتتەۋ ءادىسى – سوت ساراپتاماسىنىڭ نىساناسىنا قاتىستى ناقتى دەرەكتەردى انىقتاۋ ءۇشىن سوت ساراپتاماسى وبەكتىلەرىن زەردەلەۋ كەزىندە قولدانىلاتىن لوگيكالىق جانە (نەمەسە) اسپاپتىق وپەراتسيالار (تاسىلدەر, ادىستەر) جۇيەسى; 8) سوت ساراپتاماسى – شەشىلۋى ءۇشىن ماڭىزى بار ناقتى دەرەكتەردى انىقتاۋ ماقساتىندا ارنايى عىلىمي ءبىلىم نەگىزىندە جۇرگىزىلەتىن قىلمىستىق, ازاماتتىق ءىستىڭ نە اكىمشىلىك قۇقىق بۇزۋشىلىق تۋرالى ءىستىڭ ماتەريالدارىن زەرتتەۋ; 9) سوت ساراپتاماسىنىڭ نىساناسى – سوت ساراپتاماسىن جۇرگىزۋ ارقىلى انىقتالاتىن قىلمىستىق, ازاماتتىق ءىستى نە اكىمشىلىك قۇقىق بۇزۋشىلىق تۋرالى ءىستى شەشۋ ءۇشىن ماڭىزى بار ناقتى دەرەكتەر; 10) سوت ساراپتاماسىنىڭ وبەكتىلەرى – زاتتاي دالەلدەمەلەر, قۇجاتتار, ادامنىڭ دەنەسى, ادامنىڭ پسيحيكالىق جاي-كۇيى, مايىتتەر, جانۋارلار, ۇلگىلەر, سونداي-اق سوت ساراپتاماسى جۇرگىزىلەتىن ءىس ماتەريالدارىندا قامتىلعان, سوت ساراپتاماسىنىڭ نىساناسىنا قاتىستى مالىمەتتەر; 11) سوت ساراپتاماسى ورگانى – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوت-ساراپتاما قىزمەتىن جۇزەگە اسىراتىن مەملەكەتتىك زاڭدى تۇلعا; 12) سوت ساراپشىسى – ارنايى عىلىمي ءبىلىمى بار جانە زاڭدا بەلگىلەنگەن وزگە دە تالاپتارعا ساي كەلەتىن, وزىنە سوت ساراپتاماسىن جۇرگىزۋ تاپسىرىلعان, ىسكە مۇددەلى ەمەس جەكە تۇلعا; 13) سوت ساراپشىسىن اتتەستاتتاۋ – سوت ساراپشىسىنىڭ زاڭدا بەلگىلەنگەن بىلىكتىلىك تالاپتارىنا سايكەس كەلۋىن ايقىنداۋ بويىنشا مەرزىمدى تۇردە جۇزەگە اسىرىلاتىن ءراسىم; 14) سوت ساراپشىسىنىڭ بىلىكتىلىگى – ساراپتامانىڭ بەلگىلى ءبىر ءتۇرىنىڭ وبەكتىلەرىن زەرتتەۋ ماقساتىندا كاسىبي ءبىلىمى بار ادامنىڭ ماقساتتى دايارلىقتان ءوتۋى ارقىلى العان ءبىلىمىنىڭ, ماشىقتارى مەن داعدىلارىنىڭ كەشەنى; 15) ۇلگىلەر – سوت ساراپتاماسىن جۇرگىزۋ ءۇشىن قاجەتتى ءتىرى ادامنىڭ, ءمايىتتىڭ, جانۋاردىڭ, وسىمدىكتىڭ, بۇيىمنىڭ, ماتەريالدىڭ نەمەسە زاتتىڭ قاسيەتتەرىن كورسەتەتىن ماتەريالدىق وبەكتىلەر.
2-باپ. قازاقستان رەسپۋبليكاسىنىڭ سوت-ساراپتاما قىزمەتى تۋرالى زاڭناماسى 1. قازاقستان رەسپۋبليكاسىنىڭ سوت-ساراپتاما قىزمەتى تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى. 2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى. 3-باپ. سوت-ساراپتاما قىزمەتىنىڭ مىندەتى سوت-ساراپتاما قىزمەتىنىڭ مىندەتى قىلمىستىق, ازاماتتىق ىستەر بويىنشا, سونداي-اق اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋدى سوت ساراپتاماسىنىڭ ناتيجەلەرىمەن قامتاماسىز ەتۋ بولىپ تابىلادى. 4-باپ. سوت-ساراپتاما قىزمەتىنىڭ مازمۇنى سوت-ساراپتاما قىزمەتىنىڭ مازمۇنى: 1) قىلمىستىق, ازاماتتىق ىستەر, سونداي-اق اكىمشىلىك قۇقىق بۇزۋشىلىق تۋرالى ىستەر بويىنشا سوت ساراپتاماسىن جۇرگىزۋدى; 2) سوت ساراپتاماسى سالاسىنداعى عىلىمي زەرتتەۋلەردى ۇيىمداستىرۋدى جانە جۇرگىزۋدى; 3) سوت ساراپتاماسىن عىلىمي-ادىستەمەلىك جانە اقپاراتتىق قامتاماسىز ەتۋدى ۇيىمداستىرۋدى جانە جۇزەگە اسىرۋدى; 4) سوت-ساراپتاما قىزمەتىن جۇزەگە اسىراتىن ادامداردى ىرىكتەۋدى, دايارلاۋدى, قايتا دايارلاۋدى جانە ولاردىڭ بىلىكتىلىگىن ارتتىرۋدى; 5) سوت ساراپتاماسى سالاسىنداعى حالىقارالىق ىنتىماقتاستىقتى قامتيدى. 5-باپ. سوت-ساراپتاما قىزمەتىنىڭ قاعيداتتارى سوت-ساراپتاما قىزمەتى: 1) زاڭدىلىق; 2) ادامنىڭ جانە ازاماتتىڭ قۇقىقتارىن, بوستاندىقتارى مەن زاڭدى مۇددەلەرىن, زاڭدى تۇلعانىڭ قۇقىقتارى مەن زاڭدى مۇددەلەرىن ساقتاۋ; 3) سوت ساراپشىسىنىڭ تاۋەلسىزدىگى; 4) سوت-ساراپتامالىق زەرتتەۋلەردىڭ جان-جاقتىلىعى, تولىقتىعى, وبەكتيۆتىلىگى جانە عىلىمي نەگىزدىلىگى; 5) سوت-ساراپتامالىق زەرتتەۋلەردى جۇرگىزۋ كەزىندە عىلىمي-تەحنيكالىق قۇرالداردى, ادىستەر مەن ادىستەمەلەردى پايدالانۋعا جول بەرۋشىلىك; 6) سوت ساراپشىسىنىڭ ادەبىن ساقتاۋ قاعيداتتارىنا نەگىزدەلەدى. 6-باپ. سوت-ساراپتاما قىزمەتىن جۇزەگە اسىرۋ كەزىندەگى زاڭدىلىق سوت-ساراپتاما قىزمەتى قازاقستان رەسپۋبليكاسى كونستيتۋتسياسىنىڭ جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنىڭ تالاپتارى ءدال ورىندالعان جاعدايدا جۇزەگە اسىرىلادى. 7-باپ. سوت-ساراپتاما قىزمەتىن جۇزەگە اسىرۋ كەزىندە ادامنىڭ جانە ازاماتتىڭ قۇقىقتارىن, بوستاندىقتارى مەن زاڭدى مۇددەلەرىن, زاڭدى تۇلعانىڭ قۇقىقتارى مەن زاڭدى مۇددەلەرىن ساقتاۋ 1. سوت-ساراپتاما قىزمەتى قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ زاڭدارىنا, حالىقارالىق قۇقىقتىڭ جالپىعا بىردەي تانىلعان قاعيداتتارى مەن نورمالارىنا سايكەس ادامنىڭ جانە ازاماتتىڭ قۇقىقتارى, بوستاندىقتارى مەن زاڭدى مۇددەلەرى, زاڭدى تۇلعانىڭ قۇقىقتارى مەن زاڭدى مۇددەلەرى ساقتالعان جاعدايدا جۇزەگە اسىرىلادى. 2. ادامنىڭ قۇقىقتارى مەن بوستاندىقتارىن ۋاقىتشا شەكتەۋدى تالاپ ەتەتىن سوت-ساراپتامالىق زەرتتەۋلەر زاڭدا بەلگىلەنگەن نەگىزدەردە جانە تارتىپپەن عانا جۇرگىزىلەدى. 3. سوت ساراپتاماسى ورگانىنىڭ نەمەسە سوت ساراپشىسىنىڭ ارەكەتتەرى (ارەكەتسىزدىگى) ادامنىڭ جانە ازاماتتىڭ قۇقىقتارىن, بوستاندىقتارى مەن زاڭدى مۇددەلەرىن نە زاڭدى تۇلعانىڭ قۇقىقتارى مەن زاڭدى مۇددەلەرىن شەكتەۋگە الىپ كەلدى دەپ پايىمدايتىن ادام كورسەتىلگەن ارەكەتتەرگە (ارەكەتسىزدىككە) زاڭدا بەلگىلەنگەن تارتىپپەن شاعىم جاساۋعا قۇقىلى. 8-باپ. سوت ساراپشىسىنىڭ تاۋەلسىزدىگى 1. سوت ساراپشىسى سوت ساراپتاماسىن جۇرگىزۋ كەزىندە سوت ساراپتاماسىن تاعايىنداعان ورگاننان (ادامنان), سوت ساراپتاماسى ورگانىنىڭ باسشىسىنان جانە باسقا ادامداردان تاۋەلسىز بولادى. 2. سوت ساراپشىسى جۇرگiزiلگەن زەرتتەۋلەردىڭ ناتيجەلەرi نەگiزىندە ونىڭ ارنايى عىلىمي بىلىمىنە سايكەس ءوز اتىنان قورىتىندى بەرەدى. 3. سوت ساراپشىسى زەرتتەۋدىڭ عىلىمي-تەحنيكالىق قۇرالدارىن, ادiستەرi مەن ادىستەمەلەرىن تاڭداۋدا دەربەس بولادى, ولاردىڭ جارامدىلىعى زاڭدا ايقىندالادى. 4. سوت ساراپشىسىنا قۇقىققا سىيىمسىز ىقپال ەتۋگە جانە ونىڭ زاڭدى قىزمەتىنە كەدەرگى كەلتىرۋگە جول بەرىلمەيدى جانە ولار زاڭدا بەلگىلەنگەن جاۋاپتىلىققا الىپ كەلەدى. 9-باپ. سوت-ساراپتامالىق زەرتتەۋلەردىڭ جان-جاقتىلىعى, تولىقتىعى, وبەكتيۆتىلىگى جانە عىلىمي نەگىزدىلىگى 1. سوت ساراپتاماسىن جۇرگىزۋ كەزىندە سوت ساراپشىسى وبەكتىلەردى ارنايى عىلىمي بىلىمگە نەگىزدەلگەن جان-جاقتى, تولىق جانە وبەكتيۆتى زەرتتەۋ ءۇشىن بارلىق شارالاردى قابىلداۋعا مىندەتتى. 2. ساراپشىنىڭ قورىتىندىسى جالپىعا بىردەي قابىلدانعان عىلىمي جانە پراكتيكالىق دەرەكتەر نەگىزىندە جاسالعان تۇيىندەردىڭ نەگىزدىلىگى مەن انىقتىعىن تەكسەرۋگە مۇمكىندىك بەرەتىن ەرەجەلەرگە نەگىزدەلۋگە ءتيىس. 10-باپ. سوت-ساراپتامالىق زەرتتەۋلەردى جۇرگىزۋ كەزىندە عىلىمي-تەحنيكالىق قۇرالداردى, ادىستەر مەن ادىستەمەلەردى پايدالانۋعا جول بەرۋشىلىك 1. سوت-ساراپتامالىق زەرتتەۋلەردى جۇرگىزۋ كەزىندە عىلىمي-تەحنيكالىق قۇرالداردى, ادىستەر مەن ادىستەمەلەردى قولدانۋعا, ەگەر ولار: 1) زاڭدا تiكەلەي كوزدەلسە نەمەسە ولاردىڭ نورمالارى مەن قاعيداتتارىنا قايشى كەلمەسە; 2) عىلىمي جاعىنان دالەلدى بولسا; 3) ءىس بويىنشا ءىس جۇرگىزۋدىڭ تيىمدىلىگىن قامتاماسىز ەتەتىن بولسا; 4) قاۋىپسىز بولسا, جول بەرىلەدى. 2. سوت ساراپشىسى سوت ساراپتاماسىن جۇرگىزگەن كەزدە قازاقستان رەسپۋبليكاسىنىڭ سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك تىزىلىمىنە ەنگىزىلگەن ادىستەمەلەردى قولدانادى. ەگەر وزگە ادىستەمەلەر وسى باپتىڭ 1-تارماعىنىڭ تالاپتارىنا ساي كەلسە, ولاردى قولدانۋعا جول بەرىلەدى. بۇل رەتتە, ولاردى قولدانۋدىڭ عىلىمي نەگىزدەمەسى ساراپشىنىڭ قورىتىندىسىندا كورسەتىلۋى ءتيىس. 11-باپ. سوت ساراپشىسىنىڭ ادەبىن ساقتاۋ سوت ساراپشىسى سوت-ساراپتاما قىزمەتىن جۇزەگە اسىرعان كەزدە سوت ساراپشىسىنىڭ ادەپ كودەكسىن ساقتاۋعا مىندەتتى.2-تاراۋ. سوت-ساراپتاماسى قىزمەتى سالاسىنداعى مەملەكەتتىك رەتتەۋ
12-باپ. قازاقستان رەسپۋبليكاسى ادىلەت مينيسترلىگىنىڭ قۇزىرەتى قازاقستان رەسپۋبليكاسى ادىلەت مينيسترلىگىنىڭ قۇزىرەتىنە: 1) سوت-ساراپتاما قىزمەتى سالاسىنداعى مەملەكەتتىك ساياساتتى ىسكە اسىرۋ; 2) سوت-ساراپتاما قىزمەتى سالاسىنداعى مەملەكەتتىك باقىلاۋدى جۇزەگە اسىرۋ; 3) سوت ساراپتاماسى ورگاندارى جۇرگىزەتىن سوت ساراپتامالارى تۇرلەرىنىڭ جانە بىلىكتىلىگىن قازاقستان رەسپۋبليكاسىنىڭ ادىلەت مينيسترلىگى بەرەتىن ساراپتاما ماماندىقتارىنىڭ تىزبەسىن ازىرلەۋ جانە بەكىتۋ; 4) سوت ساراپتاماسى ورگاندارىندا سوت ساراپتامالارى مەن زەرتتەۋلەردى ۇيىمداستىرۋ جانە جۇرگىزۋ قاعيدالارىن ازىرلەۋ جانە بەكىتۋ; 5) سوت ساراپتاماسى وبەكتىلەرىمەن جۇمىس ىستەۋ قاعيدالارىن ازىرلەۋ جانە بەكىتۋ; 6) سوت ساراپتامالارىنىڭ كۇردەلىلىك ساناتتارىن ايقىنداۋ قاعيدالارىن, سوت ساراپتامالارىنىڭ كۇردەلىلىك ساناتتارىنا قاراي ولاردى جۇرگىزۋ مەرزىمدەرىن ەسەپتەۋ ءتارتىبىن, سونداي-اق سوت ساراپتامالارىن جۇرگىزۋدى توقتاتا تۇرۋدىڭ جانە مەرزىمىن ۇزارتۋدىڭ نەگىزدەرى مەن ءتارتىبىن ازىرلەۋ جانە بەكىتۋ; 7) سوت ساراپتاماسى ورگاندارى سوت ساراپشىلارىنىڭ جۇكتەمەلەرى نورماتيۆتەرىن ازىرلەۋ جانە بەكىتۋ; 8) سوت ساراپتاماسى ورگاندارىندا سوت ساراپتاماسىن جۇرگىزۋدىڭ قۇنىن ايقىنداۋ قاعيدالارىن ازىرلەۋ جانە بەكىتۋ; 9) سوت-ساراپتامالىق زەرتتەۋلەردىڭ ادىستەرى مەن ءادىستەمەلەرى ۆاليداتسياسىنىڭ قاعيدالارىن ازىرلەۋ جانە بەكىتۋ; 10) سوت-ساراپتامالىق زەرتتەۋلەردىڭ ادىستەمەلەرىن ازىرلەۋ, سىنامادان وتكىزۋ جانە ەنگىزۋ قاعيدالارىن ازىرلەۋ جانە بەكىتۋ; 11) قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ, جۇرگىزۋ جانە پايدالانۋ قاعيدالارىن ازىرلەۋ جانە بەكىتۋ; 12) قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن جۇرگىزۋ; 13) سوت ساراپتاماسىن جۇرگىزۋگە ارنالعان ارنايى جاراقتاندىرىلعان ءۇي-جايلارعا قويىلاتىن ستاندارتتار مەن تالاپتاردى ازىرلەۋ جانە بەكىتۋ; 14) سوت ساراپشىلارىنىڭ بىلىكتىلىك دايارلىعى قاعيدالارىن ازىرلەۋ جانە بەكىتۋ; 15) سوت ساراپشىسى بىلىكتىلىگىن بەرۋ ءۇشىن ەمتيحانداردى قابىلداۋ قاعيدالارىن ازىرلەۋ جانە بەكىتۋ; 16) سوت ساراپشىسى بىلىكتىلىگىن بەرۋ جونىندەگى كوميسسيا تۋرالى ەرەجەنى جانە ونىڭ قۇرامىن ازىرلەۋ جانە بەكىتۋ; 17) سوت ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ; 18) سوت ساراپشىلارىن اتتەستاتتاۋ قاعيدالارىن ازىرلەۋ جانە بەكىتۋ; 19) سوت ساراپشىلارىن اتتەستاتتاۋدى وتكىزۋ جونىندەگى كوميسسيا تۋرالى ەرەجەنى جانە ونىڭ قۇرامىن ازىرلەۋ جانە بەكىتۋ; 20) سوت ساراپشىلارىن اتتەستاتتاۋ; 21) سوت ساراپشىلارىنىڭ بىلىكتىلىگىن ارتتىرۋ قاعيدالارىن ازىرلەۋ جانە بەكىتۋ; 22) قازاقستان رەسپۋبليكاسى سوت ساراپشىلارىنىڭ مەملەكەتتىك ءتىزىلىمىن قالىپتاستىرۋ, جۇرگىزۋ جانە پايدالانۋ قاعيدالارىن ازىرلەۋ جانە بەكىتۋ; 23) قازاقستان رەسپۋبليكاسى سوت ساراپشىلارىنىڭ مەملەكەتتىك ءتىزىلىمىن جۇرگىزۋ; 24) سوت-ساراپتاما قىزمەتىن ليتسەنزيالاۋ جونىندەگى كوميسسيا تۋرالى ەرەجەنى جانە ونىڭ قۇرامىن ازىرلەۋ جانە بەكىتۋ; 25) سوت-ساراپتاما قىزمەتى سالاسىندا ليتسەنزيالاۋدى جۇزەگە اسىرۋ; 26) سوت ساراپشىسىنىڭ ادەپ كودەكسىن ازىرلەۋ جانە بەكىتۋ; 27) وسى زاڭدا, قازاقستان رەسپۋبليكاسىنىڭ وزگە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەر جاتادى. 13-باپ. سوت-ساراپتاما قىزمەتىمەن اينالىسۋعا ارنالعان ليتسەنزيانى بەرۋدىڭ, قايتا رەسىمدەۋدىڭ, بەرۋدەن باس تارتۋدىڭ ءتارتىبى مەن شارتتارى, سونداي-اق ليتسەنزيانىڭ نەگىزىندە سوت-ساراپتاما قىزمەتىمەن اينالىساتىن ادامداردىڭ قىزمەتىن باقىلاۋ 1. سوت-ساراپتاما قىزمەتىمەن اينالىسۋعا ارنالعان ليتسەنزيا جەكە تۇلعالارعا بەرىلەدى. 2. سوت-ساراپتاما قىزمەتىمەن اينالىسۋعا ارنالعان ليتسەنزيانى بەرۋدىڭ, قايتا رەسىمدەۋدىڭ, بەرۋدەن باس تارتۋدىڭ ءتارتىبى مەن شارتتارى, سونداي-اق ليتسەنزيانىڭ نەگىزىندە سوت-ساراپتاما قىزمەتىمەن اينالىساتىن ادامداردىڭ قىزمەتىن باقىلاۋ «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا بەلگىلەنەدى. 14-باپ. سوت-ساراپتاما قىزمەتىمەن اينالىسۋعا ارنالعان ليتسەنزيانىڭ قولدانىسىن توقتاتا تۇرۋ, قايتا جالعاستىرۋ, توقتاتۋ جانە ودان ايىرۋ 1. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە جانە «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا كوزدەلگەن جالپى نەگىزدەردەن باسقا, ادامنىڭ سوت-ساراپتاما قىزمەتىمەن اينالىسۋعا ارنالعان ليتسەنزياسىنىڭ قولدانىسى: 1) ول مەملەكەتتىك قىزمەتتە بولعان; 2) ول قازاقستان رەسپۋبليكاسى پارلامەنتى دەپۋتاتىنىڭ, ءوز قىزمەتىن بيۋدجەت قاراجاتى ەسەبىنەن اقى تولەنەتىن, جۇمىستان بوساتىلعان نەگىزدە جۇزەگە اسىراتىن ءماسليحات دەپۋتاتىنىڭ وكىلەتتىكتەرىن اتقارعان; 3) ول سوت ساراپتاماسى ورگاندارىندا ساراپشى لاۋازىمىندا جۇمىس ىستەگەن; 4) ول مەرزىمدى اسكەري قىزمەتتى وتكەرگەن; 5) وسى زاڭنىڭ 22-بابىنىڭ 2-تارماعىندا كوزدەلگەن جاعدايلاردا توقتاتىلا تۇرادى. ليتسەنزيانى توقتاتا تۇرۋعا نەگىز بولعان سەبەپتەر جويىلعان كەزدە ونىڭ قولدانىسى «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا بەلگىلەنگەن مەرزىمدەردە قايتا جالعاستىرىلادى. 2. «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا كوزدەلگەن جالپى نەگىزدەردەن باسقا, سوت-ساراپتاما قىزمەتىمەن اينالىسۋعا ارنالعان ليتسەنزيانىڭ قولدانىسىن توقتاتۋ: 1) ادام قايتىس بولعان; 2) زاڭدى كۇشىنە ەنگەن سوت شەشىمى بويىنشا ادام ارەكەتكە قابىلەتسىز نەمەسە ارەكەتكە قابىلەتى شەكتەۋلى, قايتىس بولعان نە حابارسىز كەتكەن دەپ تانىلعان; 3) ادام قازاقستان رەسپۋبليكاسىنىڭ ازاماتتىعىن جوعالتقان; 4) سوتتىڭ ايىپتاۋ ۇكىمى زاڭدى كۇشىنە ەنگەن; 5) اۋىر نەمەسە اسا اۋىر قىلمىستار جاساعانى ءۇشىن قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى ءبىرىنشى بولىگىنىڭ 3), 4), 9), 10) جانە 12) تارماقتارىنىڭ نەمەسە 36-بابىنىڭ نەگىزىندە ادام قىلمىس جاساعانى ءۇشىن قىلمىستىق جاۋاپتىلىقتان بوساتىلعان; 6) ادامعا مەديتسينالىق سيپاتتاعى ماجبۇرلەۋ شارالارىن قولدانۋ تۋرالى سوت شەشىمى زاڭدى كۇشىنە ەنگەن جاعدايلاردا جۇزەگە اسىرىلادى. 3. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى زاڭناماسىندا كوزدەلگەن جالپى نەگىزدەردەن باسقا, سوت-ساراپتاما قىزمەتىمەن اينالىسۋعا ارنالعان ليتسەنزيادان ايىرۋ: 1) ادام سوت-ساراپتاما قىزمەتىن جۇزەگە اسىرۋ كەزىندە قازاقستان رەسپۋبليكاسىنىڭ زاڭناماسىن ورەسكەل نەمەسە بىرنەشە رەت بۇزعان; 2) اتتەستاتتاۋ ناتيجەلەرى بويىنشا بىلىكتىلىك تالاپتارىنا سايكەس كەلمەۋى سالدارىنان ادامنىڭ سوت ساراپشىسى مىندەتتەرىن اتقارۋى مۇمكىن بولماعان; 3) ادام اتتەستاتتاۋدان وتۋدەن جالتارعان جاعدايلاردا قازاقستان رەسپۋبليكاسى ادىلەت مينيسترلىگىنىڭ تالاپ ارىزى بويىنشا سوت تارتىبىمەن جۇزەگە اسىرىلادى. 4. سوت-ساراپتاما قىزمەتىمەن اينالىسۋعا ارنالعان ليتسەنزيانىڭ قولدانىسىن سوت-ساراپتاما قىزمەتiن ليتسەنزيالاۋ جونiندەگi كوميسسيا ۇسىنعان ماتەريالدار نەگىزىندە ليتسەنزيار توقتاتا تۇرادى, قايتا جالعاستىرادى جانە توقتاتادى. ليتسەنزياسىنىڭ قولدانىسى توقتاتىلا تۇرعان, قايتا جالعاستىرىلعان نەمەسە توقتاتىلعان ادام قابىلدانعان شەشىم تۋرالى ءۇش جۇمىس كۇنى ىشىندە حاباردار ەتىلەدى جانە ءتيىستى مالىمەتتەر بەس جۇمىس كۇنى ىشىندە قازاقستان رەسپۋبليكاسى سوت ساراپشىلارىنىڭ مەملەكەتتىك تىزىلىمىنە ەنگىزىلەدى. 15-باپ. قازاقستان رەسپۋبليكاسى سوت ساراپشىلارىنىڭ مەملەكەتتىك ءتىزىلىمى 1. سوت ساراپتاماسى ورگاندارىنىڭ قىزمەتكەرلەرى بولىپ تابىلاتىن سوت ساراپشىلارى, سونداي-اق سوت-ساراپتاما قىزمەتiمەن اينالىسۋعا ارنالعان ليتسەنزياسى بار ادامدار تۋرالى مالىمەتتەر قازاقستان رەسپۋبليكاسى سوت ساراپشىلارىنىڭ مەملەكەتتiك تiزiلiمiنە ەنگiزiلەدi. 2. سوت ساراپتاماسىن جۇرگىزۋ, وسى زاڭنىڭ 19-بابىنىڭ 3-تارماعىندا كوزدەلگەن جاعدايلاردى قوسپاعاندا, قازاقستان رەسپۋبليكاسى سوت ساراپشىلارىنىڭ مەملەكەتتiك تiزiلiمiنە ەنگiزiلگەن ادامدارعا تاپسىرىلادى.3-تاراۋ. سوت ساراپتاماسى ورگانىنىڭ باسشىسى. سوت ساراپشىسى
16-باپ. سوت ساراپتاماسى ورگانىنىڭ باسشىسى سوت ساراپتاماسى ورگانىنىڭ باسشىسى سوت ساراپتاماسى ورگانىنىڭ سوت-ساراپتاما قىزمەتىنە باسشىلىقتى جۇزەگە اسىراتىن ادام بولىپ تابىلادى (سوت ساراپتاماسى ورگانىنىڭ ءبىرىنشى باسشىسى, سوت ساراپتاماسى ورگانى اۋماقتىق بولىمشەسىنىڭ باسشىسى). 17-باپ. سوت ساراپتاماسى ورگانى باسشىسىنىڭ قۇقىقتارى 1. سوت ساراپتاماسى ورگانىنىڭ باسشىسى: 1) وسى زاڭنىڭ 43-بابىنىڭ 1-تارماعىنا سايكەس ءتيىستى ۋاجدەردى كورسەتە وتىرىپ, سوت ساراپتاماسىن تاعايىنداعان ورگانعا (ادامعا) سوت ساراپتاماسىن تاعايىنداۋ تۋرالى قاۋلىنى, ۇيعارىمدى جانە زەرتتەۋگە ۇسىنىلعان وبەكتىلەردى ورىنداماي قايتارۋعا; 2) ەگەر ارنايى عىلىمي ءبىلىمى قورىتىندى بەرۋ ءۇشىن قاجەت بولسا, سوت ساراپشىلارى كوميسسياسىنىڭ قۇرامىنا وسى سوت ساراپتاماسى ورگانىندا جۇمىس ىستەمەيتىن ادامداردى ەنگىزۋ تۋرالى سوت ساراپتاماسىن تاعايىنداعان ورگان (ادام) الدىندا ءوتىنىشحات بەرۋگە; 3) شەت مەملەكەتتىڭ سوت ساراپشىسىن تارتۋ تۋرالى سوت ساراپتاماسىن تاعايىنداعان ورگان (ادام) الدىندا ءوتىنىشحات بەرۋگە; 4) سوت ساراپتاماسىن جۇرگىزۋ مەرزىمىن ۇزارتۋ تۋرالى سوت ساراپتاماسىن تاعايىنداعان ورگان (ادام) الدىندا ءۋاجدى ءوتىنىشحاتتى مالىمدەۋگە قۇقىلى. سوت ساراپتاماسى ورگانى باسشىسىنىڭ سونداي-اق قازاقستان رەسپۋبليكاسىنىڭ زاڭناماسىندا كوزدەلگەن وزگە دە قۇقىقتارى بار. 2. سوت ساراپتاماسى ورگانى باسشىسىنىڭ: 1) سوت ساراپتاماسىن جۇرگىزۋ ءۇشىن قاجەتتى وبەكتىلەردى ءوزى دەربەس تالاپ ەتۋگە; 2) وسى سوت ساراپتاماسى ورگانىنىڭ قىزمەتكەرلەرى بولىپ تابىلمايتىن ادامداردى سوت ساراپتاماسىن تاعايىنداعان ورگاننىڭ (ادامنىڭ) كەلىسىمىنسىز ونى جۇرگىزۋگە تارتۋعا; 3) سوت ساراپشىسىنا ناقتى سوت ساراپتاماسى بويىنشا تۇيىندەردىڭ مازمۇنىن الدىن الا شەشەتىن نۇسقاۋلار بەرۋگە قۇقىعى جوق. 18-باپ. سوت ساراپتاماسى ورگانى باسشىسىنىڭ مىندەتتەرى سوت ساراپتاماسى ورگانىنىڭ باسشىسى: 1) سوت ساراپتاماسىن تاعايىنداۋ تۋرالى قاۋلىنى, ۇيعارىمدى جانە زەرتتەۋ وبەكتىلەرىن العان كەزدە زاڭ تالاپتارىن ەسكەرە وتىرىپ, وسى سوت ساراپتاماسى ورگانىنىڭ ناقتى ءبىر سوت ساراپشىسىنا نەمەسە سوت ساراپشىلارى كوميسسياسىنا جۇرگىزۋدى تاپسىرۋعا; 2) سوت ساراپشىسىنىڭ تاۋەلسىزدىگى قاعيداتىن بۇزباي, سوت ساراپتاماسىن جۇرگىزۋ مەرزىمىنىڭ ساقتالۋىن, جۇرگىزىلەتىن زەرتتەۋلەردىڭ جان-جاقتىلىعىن, تولىقتىعىن, وبەكتيۆتىلىگى مەن عىلىمي نەگىزدىلىگىن باقىلاۋدى, سونداي-اق سوت ساراپتاماسى وبەكتىلەرىنىڭ ساقتالۋىن قامتاماسىز ەتۋگە; 3) زەرتتەۋلەر اياقتالعاننان كەيىن ساراپشىنىڭ قورىتىندىسىن, زەرتتەۋ وبەكتىلەرىن جانە زەرتتەۋگە ۇسىنىلعان باسقا دا ماتەريالداردى سوت ساراپتاماسىن تاعايىنداعان ورگانعا (ادامعا) جولداۋعا; 4) سوت ساراپتاماسىن جۇرگىزۋدى ۇيىمداستىرۋعا بايلانىستى وزىنە بەلگىلى بولعان مالىمەتتەردى جاريا ەتپەۋگە; 5) زەرتتەۋلەر جۇرگىزۋ ءۇشىن قاجەتتى جاعدايلاردى قامتاماسىز ەتۋگە مىندەتتى. 19-باپ. سوت ساراپشىسى 1. سوت ساراپتاماسىن جۇرگىزۋ: 1) سوت ساراپتاماسى ورگاندارىنىڭ قىزمەتكەرلەرىنە; 2) ليتسەنزيا نەگىزىندە سوت-ساراپتاما قىزمەتىمەن اينالىساتىن جەكە تۇلعالارعا; 3) وسى باپتىڭ 3-تارماعىندا كوزدەلگەن جاعدايلاردا بىرجولعى تارتىپپەن وزگە دە ادامدارعا تاپسىرىلۋى مۇمكىن. 2. وسى باپتىڭ 1-تارماعىنىڭ 1) جانە 2) تارماقشالارىندا اتالعان ادامدار قازاقستان رەسپۋبليكاسىنىڭ ازاماتتىعىندا تۇرۋعا ءتيىس. 3. بىرجولعى تارتىپپەن سوت ساراپتاماسىن جۇرگىزۋ: 1) قازاقستان رەسپۋبليكاسىنىڭ ادىلەت مينيسترلىگى بەلگىلەگەن سوت ساراپتامالارى تۇرلەرىنىڭ تىزبەسىندە كوزدەلمەگەن سوت ساراپتاماسى تاعايىندالعان; 2) سوت ساراپتاماسى ورگاندارىنىڭ قىزمەتكەرلەرi بولىپ تابىلاتىن تيiستi ماماندىقتاعى سوت ساراپشىلارىنان, سونداي-اق ليتسەنزيا نەگiزiندە سوت-ساراپتاما قىزمەتiمەن اينالىساتىن ادامداردان ءۋاجدى باس تارتۋ قاناعاتتاندىرىلعان نە سوت ساراپتاماسى ورگانى تۇتاستاي سوت ساراپتاماسىن جۇرگiزۋدەن ءۋاجدى شەتتەتiلگەن; 3) وسى زاڭنىڭ 62-بابىنا سايكەس شەت مەملەكەتتiڭ سوت ساراپشىسى تارتىلعان جاعدايلاردا تاپسىرىلۋى مۇمكiن. 4. سوت ساراپشىسى بىلىكتىلىك تالاپتارىنا جانە زاڭدا بەلگىلەنگەن وزگە دە تالاپتارعا ساي كەلۋگە ءتيىس. 5. مىناداي: 1) سوت ارەكەتكە قابىلەتسىز نەمەسە ارەكەتكە قابىلەتتىلىگى شەكتەۋلى دەپ تانىعان; 2) زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى بار; 3) اۋىر نەمەسە اسا اۋىر قىلمىستار جاساعانى ءۇشىن قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى ءبىرىنشى بولىگىنىڭ 3), 4), 9), 10) جانە 12) تارماقتارىنىڭ نەمەسە 36-بابىنىڭ نەگىزىندە قىلمىس جاساعانى ءۇشىن سوتتالعان نەمەسە قىلمىستىق جاۋاپتىلىقتان بوساتىلعان ادام سوت ساراپشىسى بولا المايدى. 6. ءتيىستى زاڭدىق فاكت باستالعان ساتتەن باستاپ ءۇش جىل ىشىندە: 1) زاڭدا بەلگىلەنگەن تارتىپپەن سوتتىلىعى وتەلگەن نەمەسە الىنعان; 2) قىلمىستىق تەرىس قىلىق نەمەسە ونشا اۋىر ەمەس جانە اۋىرلىعى ورتاشا قىلمىستار جاساعانى ءۇشىن وعان قاتىستى ايىپتاۋ ۇكىمى شىعارىلعان نەمەسە قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى ءبىرىنشى بولىگىنىڭ 3), 4), 9), 10) جانە 12) تارماقتارىنىڭ نەمەسە 36-بابىنىڭ نەگىزىندە قىلمىستىق تەرىس قىلىق نەمەسە اۋىر ەمەس جانە ورتاشا اۋىر قىلمىستار جاساعانى ءۇشىن قىلمىستىق جاۋاپتىلىقتان بوساتىلعان; 3) مەملەكەتتىك قىزمەتتەن, قۇقىق قورعاۋ ورگاندارىنان, ارناۋلى مەملەكەتتىك ورگانداردان, سوتتاردان, اسكەري قىزمەتتەن, سوت ساراپتاماسى ورگاندارىنان تارتىپتىك تەرىس قىلىق جاساعانى ءۇشىن جۇمىستان بوساتىلعان; 4) سوت-ساراپتاما قىزمەتىمەن اينالىسۋعا ارنالعان ليتسەنزيادان ايرىلعان; 5) سوت-ساراپتاماسى قىزمەتىمەن اينالىسۋعا ارنالعان ليتسەنزياسىنىڭ قولدانىسى وسى زاڭنىڭ 14-بابى 2-تارماعىنىڭ 5) تارماقشاسىندا كوزدەلگەن نەگىزدەر بويىنشا توقتاتىلعان ادام سوت ساراپشىسى بولا المايدى. 20-باپ. سوت ساراپشىسىنا قويىلاتىن بىلىكتىلىك تالاپتارى وسى زاڭنىڭ 19-بابى 1-تارماعىنىڭ 1) جانە 2) تارماقشالارىندا اتالعان ادامدار مىناداي بىلىكتىلىك تالاپتارىنا ساي بولۋعا: 1) جوعارى ءبىلىمى بولۋعا; 2) سوت ساراپتاماسىنىڭ بەلگىلى ءبىر ءتۇرىن جۇرگىزۋ قۇقىعىن بەرەتىن بىلىكتىلىك كۋالىگىمەن راستالعان سوت ساراپشىسى بىلىكتىلىگى بولۋعا; 3) وسى زاڭدا كوزدەلگەن جاعدايلاردا جانە تارتىپپەن اتتەستاتتالعان بولۋعا ءتيىس. 21-باپ. سوت ساراپشىسى بىلىكتىلىگىن بەرۋ سوت ساراپشىسى بىلىكتىلىگىن بەرۋ ادامنىڭ بىلىكتىلىك ەمتيحانىن تاپسىرىپ, وعان سوت ساراپتاماسىنىڭ بەلگىلى ءبىر ءتۇرىن جۇرگىزۋ قۇقىعىن بەرەتىن سوت ساراپشىسىنىڭ بىلىكتىلىك كۋالىگىن بەرۋ ارقىلى جۇزەگە اسىرىلادى. 22-باپ. سوت ساراپشىسىن اتتەستاتتاۋ 1. سوت-ساراپتاما قىزمەتىن جيىرما جىلدان اسا جۇزەگە اسىرعان ادامداردى قوسپاعاندا, سوت ساراپتاماسى ورگاندارىنىڭ قىزمەتكەرلەرى بولىپ تابىلاتىن سوت ساراپشىلارى, سونداي-اق ليتسەنزيا نەگىزىندە سوت-ساراپتاما قىزمەتىمەن اينالىساتىن ادامدار ءاربىر بەس جىل سايىن اتتەستاتتاۋدان وتەدى. 2. سوت ساراپشىسىنىڭ بىلىكتىلىك تالاپتارىنا سايكەس كەلمەۋ فاكتىلەرى انىقتالعان كەزدە ونى كەزەكتەن تىس اتتەستاتتاۋ وتكىزىلەدى. 23-باپ. سوت ساراپشىسىنىڭ قۇقىقتارى 1. سوت ساراپشىسىنىڭ: 1) سوت ساراپتاماسىنىڭ نىساناسىنا قاتىستى ءىس ماتەريالدارىمەن تانىسۋعا; 2) قورىتىندى بەرۋ ءۇشىن قاجەتتى قوسىمشا ماتەريالداردى وعان بەرۋ, سونداي-اق قاۋىپسىزدىك شارالارىن قابىلداۋ تۋرالى ءوتىنىشحاتتاردى مالىمدەۋگە; 3) قىلمىستىق پروتسەستى جۇرگىزەتىن ورگاننىڭ, تەرگەۋ سۋدياسىنىڭ, سوتتىڭ, ءىس جۇرگىزۋىندە اكىمشىلىك قۇقىق بۇزۋشىلىق تۋرالى ءىس جاتقان ورگاننىڭ (لاۋازىمدى ادامنىڭ) رۇقساتىمەن پروتسەستىك ارەكەتتەردى جۇرگىزۋگە جانە سوت وتىرىسىنا قاتىسۋعا جانە ولارعا قاتىساتىن ادامدارعا سوت ساراپتاماسى نىساناسىنا قاتىستى سۇراقتار قويۋعا; 4) ءوزى قاتىسقان پروتسەستىك ارەكەتتىڭ حاتتاماسىمەن, سونداي-اق ءتيىستى بولىگىندە سوت وتىرىسىنىڭ حاتتاماسىمەن تانىسۋعا جانە ءوزىنىڭ ارەكەتتەرى مەن ايعاقتارىنىڭ تولىق جانە دۇرىس كورسەتىلۋىنە قاتىستى حاتتامالارعا ەنگىزىلۋگە جاتاتىن ەسكەرتۋلەر جاساۋعا; 5) سوت ساراپتاماسىن تاعايىنداعان ورگاننىڭ (ادامنىڭ) كەلiسۋi بويىنشا سوت-ساراپتامالىق زەرتتەۋ بارىسىندا انىقتالعان, ءىس ءۇشىن ماڭىزى بار, سوت ساراپتاماسىن تاعايىنداۋ تۋرالى قاۋلىدا, ۇيعارىمدا قامتىلعان ماسەلەلەردىڭ شەگىنەن تىس ءمان-جايلار بويىنشا ءوز قۇزىرەتi شەگiندە قورىتىندى بەرۋگە; 6) انا تىلىندە نەمەسە ءوزى بىلەتىن تىلدە قورىتىندى ۇسىنۋعا جانە ايعاقتار بەرۋگە; اۋدارماشىنىڭ كومەگىن تەگىن پايدالانۋعا, ودان باس تارتۋدى مالىمدەۋگە; 7) سوت ساراپتاماسىن تاعايىنداعان ورگاننىڭ (ادامنىڭ) جانە ءىس بويىنشا ءىس جۇرگىزۋگە قاتىساتىن وزگە دە ادامداردىڭ سوت ساراپتاماسىن جۇرگىزۋ كەزىندەگى ونىڭ قۇقىقتارىنا قىسىم كورسەتەتىن شەشىمدەرى مەن ارەكەتتەرىنە شاعىم جاساۋعا; 8) سوت ساراپتاماسىن جۇرگىزۋ كەزىندە جۇمسالعان شىعىستاردىڭ وتەمىن جانە ەگەر سوت ساراپتاماسىن جۇرگىزۋ ونىڭ لاۋازىمدىق مىندەتتەرىنىڭ شەڭبەرىنە كىرمەيتىن بولسا, ورىندالعان جۇمىس ءۇشىن سىياقى الۋعا قۇقىعى بار. 2. سوت ساراپشىسىنىڭ: 1) سوت ساراپتاماسىن تاعايىنداعان ورگاندى (ادامدى) حاباردار ەتپەي, پروتسەسكە قاتىسۋشىلارمەن سوت ساراپتاماسىن جۇرگىزۋگە بايلانىستى ماسەلەلەر بويىنشا كەلىسسوزدەر جۇرگىزۋگە; 2) زەرتتەۋ ءۇشىن ماتەريالداردى ءوزى دەربەس جيناۋعا; 3) ەگەر سوت ساراپتاماسىن تاعايىنداعان ورگاننىڭ (ادامنىڭ) وعان ارنايى رۇقساتى بولماسا, وبەكتىلەردىڭ تولىق نەمەسە ءىشىنارا جويىلۋىنا نە ولاردىڭ سىرتقى ءتۇرىنىڭ نەمەسە نەگىزگى قاسيەتتەرىنىڭ وزگەرۋىنە الىپ كەلۋى مۇمكىن زەرتتەۋلەر جۇرگىزۋگە قۇقىعى جوق. 24-باپ. سوت ساراپشىسىنىڭ مىندەتتەرى سوت ساراپشىسى: 1) قىلمىستىق پروتسەستى جۇرگىزەتىن ورگاننىڭ, تەرگەۋ سۋدياسىنىڭ, سوتتىڭ, ءىس جۇرگىزۋىندە اكىمشىلىك قۇقىق بۇزۋشىلىق تۋرالى ءىس جاتقان ورگاننىڭ (لاۋازىمدى ادامنىڭ) شاقىرۋى بويىنشا كەلۋگە; 2) وزىنە ۇسىنىلعان وبەكتىلەرگە جان-جاقتى, تولىق جانە وبەكتيۆتى زەرتتەۋ جۇرگىزۋگە, ءوزىنىڭ الدىنا قويىلعان ماسەلەلەر بويىنشا نەگىزدەلگەن جازباشا قورىتىندى بەرۋگە; 3) زاڭدا كوزدەلگەن جاعدايلاردا قورىتىندى بەرۋدەن باس تارتۋعا, قورىتىندى بەرۋدىڭ مۇمكىن ەمەستىگى تۋرالى ءۋاجدى جازباشا حابارلاما جاساۋعا جانە ونى سوت ساراپتاماسىن تاعايىنداعان ورگانعا (ادامعا) بەرۋگە (جولداۋعا); 4) جۇرگىزىلگەن زەرتتەۋگە جانە بەرىلگەن قورىتىندىعا بايلانىستى ماسەلەلەر بويىنشا ايعاقتار بەرۋگە; 5) زەرتتەۋگە ۇسىنىلعان وبەكتىلەردىڭ ساقتالۋىن قامتاماسىز ەتۋگە; 6) ءىستىڭ ءمان-جايلارى تۋرالى مالىمەتتەردى جانە سوت ساراپتاماسىن جۇرگىزۋگە بايلانىستى وزىنە بەلگىلى بولعان وزگە دە مالىمەتتەردى جاريا ەتپەۋگە; 7) سوت ساراپتاماسىن جۇرگىزۋ كەزىندە سوت ساراپتاماسىن تاعايىنداعان ورگانعا (ادامعا) شىعىستار سمەتاسىن جانە جۇمسالعان شىعىستار تۋرالى ەسەپتى ۇسىنۋعا مىندەتتى.4-تاراۋ. قازاقستان رەسپۋبليكاسىنىڭ سوت ساراپشىلارى پالاتاسى
25-باپ. قازاقستان رەسپۋبليكاسىنىڭ سوت ساراپشىلارى پالاتاسى 1. قازاقستان رەسپۋبليكاسىنىڭ سوت ساراپشىلارى پالاتاسى (بۇدان ءارى – پالاتا) پالاتا مۇشەلەرىنىڭ قۇقىقتارى مەن زاڭدى مۇددەلەرىن قورعاۋ, ولاردىڭ قىزمەتىن ۇيلەستىرۋ, سونداي-اق ولاردىڭ قازاقستان رەسپۋبليكاسىنىڭ سوت-ساراپتاما قىزمەتى تۋرالى زاڭناماسىن ساقتاۋى ءۇشىن قۇرىلاتىن كوممەرتسيالىق ەمەس, كاسىبي, ءوزىن-ءوزى قارجىلاندىراتىن ۇيىم بولىپ تابىلادى. 2. پالاتا زاڭدى تۇلعا بولىپ تابىلادى جانە زاڭدا بەلگىلەنگەن تارتىپپەن تىركەلۋگە جاتادى. 3. ليتسەنزيا نەگىزىندە سوت-ساراپتاما قىزمەتiمەن اينالىساتىن ادامدار پالاتا مۇشەلەرى بولىپ تابىلادى. 4. پالاتاعا مۇشەلىك مىندەتتى بولىپ تابىلادى. 5. ادامنىڭ وسى زاڭنىڭ 19-بابىنىڭ تالاپتارىنا سايكەس كەلمەۋ جاعدايلارىنان باسقا, ليتسەنزيا نەگىزىندە سوت-ساراپتاما قىزمەتىمەن اينالىساتىن ادامعا پالاتا مۇشەسى بولۋىنا باس تارتىلمايدى. كىرۋ جارنالارىن پالاتانىڭ الۋىنا جول بەرىلمەيدى. 6. پالاتانىڭ قىزمەتىن قارجىلاندىرۋ مىندەتتى جارنالار جانە زاڭدا تىيىم سالىنباعان باسقا دا كوزدەر ەسەبىنەن جۇزەگە اسىرىلادى. جارنالاردى تولەۋ ءتارتىبى, مولشەرى جانە مەرزىمى پالاتانىڭ جارعىسىندا بەلگىلەنەدى. 7. ءاربىر وبلىس, رەسپۋبليكالىق ماڭىزى قالا جانە استانا اۋماعىندا پالاتانىڭ فيليالى بولىپ تابىلاتىن سوت ساراپشىلارىنىڭ ءبىر اۋماقتىق پالاتاسى (بۇدان ءارى – اۋماقتىق پالاتا) قۇرىلادى. 26-باپ. پالاتانىڭ باسقارۋ ورگاندارى 1. پالاتانىڭ جوعارى باسقارۋ ورگانى ونىڭ مۇشەلەرىنىڭ جالپى جينالىسى بولىپ تابىلادى. 2. پالاتاعا باسشىلىقتى ونىڭ مۇشەلەرى جالپى جينالىستا سايلاعان توراعا جانە باسقارما جۇزەگە اسىرادى. 3. پالاتا مۇشەلەرى جالپى جينالىسىنىڭ, توراعاسىنىڭ جانە باسقارماسىنىڭ قۇزىرەتى ونىڭ جارعىسىندا رەگلامەنتتەلەدى. 4. پالاتا جالپى جينالىسىنىڭ ايرىقشا قۇزىرەتىنە مىنالار جاتادى: 1) پالاتانىڭ جارعىسىن قابىلداۋ, وعان وزگەرىستەر مەن تولىقتىرۋلار ەنگىزۋ; 2) پالاتانىڭ توراعاسىن, باسقارما جانە رەۆيزيالىق كوميسسيا مۇشەلەرىن سايلاۋ; 3) پالاتانىڭ توراعاسىن, باسقارما جانە رەۆيزيالىق كوميسسيا مۇشەلەرىن مەرزىمىنەن بۇرىن كەرى شاقىرتۋ; 4) پالاتا قىزمەتىنىڭ نەگىزگى باعىتتارىن ايقىنداۋ; 5) پالاتانىڭ بيۋدجەتىن بەكىتۋ. پالاتانىڭ جارعىسىندا وزگە دە ماسەلەلەر كوزدەلۋى مۇمكىن, ولار بويىنشا شەشىمدەر قابىلداۋ جالپى جينالىستىڭ ايرىقشا قۇزىرەتىنە جاتادى. 5. پالاتا مۇشەلەرىنىڭ جالپى جينالىسىن شاقىرۋ ءتارتىبى مەن مەرزىمدەرى ونىڭ جارعىسىندا ايقىندالادى. 6. پالاتانىڭ توراعاسى بولىپ كەمىندە ون جىل سوت-ساراپتاما قىزمەتىنىڭ ءوتىلى بار ادام سايلانادى. 7. پالاتانىڭ توراعاسى ءۇش جىل مەرزىمگە جاسىرىن داۋىس بەرۋ ارقىلى سايلانادى, بۇل رەتتە ءدال سول ءبىر ادام پالاتا توراعاسىنىڭ لاۋازىمىن قاتارىنان ەكى مەرزىمنەن ارتىق اتقارا المايدى. 8. پالاتا باسقارماسىنىڭ مۇشەلەرى جاسىرىن داۋىس بەرۋ ارقىلى ءۇش جىلعا سايلانادى. 27-باپ. پالاتانىڭ جارعىسى 1. پالاتانىڭ جارعىسىندا: 1) قىزمەتىنىڭ اتاۋى, ورنالاسقان جەرى, ماقساتتارى جانە نەگىزگى تۇرلەرى; 2) پالاتانىڭ وكىلەتتىكتەرى; 3) مۇشەلىكتى الۋ, توقتاتا تۇرۋ جانە ونى جويۋ شارتتارى مەن ءتارتىبى; 4) مۇشەلەرىنىڭ قۇقىقتارى, مىندەتتەرى مەن جاۋاپكەرشىلىگى; 5) اۋماقتىق پالاتالاردىڭ ۇيىمدىق قۇرىلىمى, قۇقىقتىق جاعدايى; 6) باسشى ورگانداردى قالىپتاستىرۋ ءتارتىبى, ولاردىڭ فۋنكتسيالارى مەن وكىلەتتىكتەرىنىڭ مەرزىمدەرى; 7) اقشا قاراجاتىن جانە وزگە دە م ۇلىكتى قالىپتاستىرۋ كوزدەرى, م ۇلىكتى باسقارۋ ءتارتىبى; 8) وعان وزگەرىستەر مەن تولىقتىرۋلار ەنگىزۋ ءتارتىبى; 9) پالاتانى قايتا قۇرۋ جانە تاراتۋ ءتارتىبى, ونى تاراتقان جاعدايدا م ۇلىكتىڭ جاي-كۇيى كوزدەلۋگە ءتيىس. 2. پالاتانىڭ جارعىسىندا قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە ەرەجەلەر قامتىلۋى مۇمكىن. 28-باپ. پالاتانىڭ وكىلەتتىكتەرى 1. پالاتانىڭ قىزمەتى وسى زاڭدا, ونىڭ جارعىسىندا ايقىندالادى. 2. پالاتا: 1) ءوز مۇشەلەرىنىڭ, سونداي-اق اۋماقتىق پالاتالاردىڭ قىزمەتىن ۇيلەستىرۋدى جۇزەگە اسىرادى; 2) ءوز مۇشەلەرىنىڭ, سونداي-اق اۋماقتىق پالاتالاردىڭ مەملەكەتتىك ورگاندارمەن, وزگە دە زاڭدى تۇلعالارمەن قارىم-قاتىناستارىندا سوت-ساراپتاما قىزمەتىن جۇزەگە اسىرۋى كەزىندە ولاردىڭ قۇقىقتارى مەن زاڭدى مۇددەلەرىن بىلدىرەدى جانە قورعايدى; 3) سوت-ساراپتاما قىزمەتىمەن اينالىسۋعا ارنالعان ليتسەنزيا الۋعا ۇمىتكەر ادامداردىڭ بىلىكتىلىك ەمتيحاندارىن تاپسىرۋى ءۇشىن ولاردى دايىنداۋدا ادىستەمەلىك كومەكتى جۇزەگە اسىرادى; 4) ءوز مۇشەلەرىن وقىتۋدى جانە ولاردىڭ بىلىكتىلىگىن ارتتىرۋدى ۇيىمداستىرادى; 5) سوت-ساراپتاما قىزمەتى ماسەلەلەرى بويىنشا عىلىمي-ادىستەمەلىك ماتەريالداردى ازىرلەيدى; 6) قازاقستان رەسپۋبليكاسى ادىلەت مينيسترلىگىنە سوت-ساراپتاما قىزمەتىمەن اينالىسۋعا ارنالعان ليتسەنزيانىڭ قولدانىسىن توقتاتا تۇرۋ, توقتاتۋ جانە ودان ايىرۋ تۋرالى ۇسىنىستى ەنگىزەدى; 7) ءوز مۇشەلەرىنىڭ سوت ساراپشىسىنىڭ مىندەتتەرىن جانە سوت ساراپشىسى ادەبىن بۇزۋىنا قاتىستى جەكە جانە زاڭدى تۇلعالاردىڭ وتىنىشتەرىن قارايدى; 8) سوت-ساراپتاما قىزمەتى ماسەلەلەرى بويىنشا قازاقستان رەسپۋبليكاسى ادىلەت مينيسترلىگىنىڭ, قازاقستان رەسپۋبليكاسىنىڭ باسقا دا مەملەكەتتىك ورگاندارىنىڭ نورما شىعارۋشىلىق قىزمەتىنە قاتىسادى; 9) اۋماقتىق پالاتالاردىڭ قىزمەتىن تەكسەرۋدى جۇزەگە اسىرادى; 10) سوت-ساراپتاما قىزمەتى سالاسىنداعى حالىقارالىق ىنتىماقتاستىقتى جۇزەگە اسىرۋعا قاتىسادى; 11) بىلىكتىلىك جانە اتتەستاتتاۋ كوميسسياسىنىڭ قۇرامىنا ەنگىزۋ ءۇشىن وكىلدەر جىبەرەدى; 12) قازاقستان رەسپۋبليكاسى ادىلەت مينيسترلىگىنە ول بەكىتكەن نىسان بويىنشا ءوز قىزمەتى تۋرالى ستاتيستيكالىق اقپارات ۇسىنادى; 13) قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە قىزمەتتى جۇزەگە اسىرادى. 3. پالاتا ليتسەنزيا نەگىزىندە سوت-ساراپتاما قىزمەتىمەن اينالىساتىن ادامنىڭ جاساعان ارەكەتتەرىنىڭ (ارەكەتسىزدىگىنىڭ) زاڭدىلىعى تۋرالى ماسەلەنى قاراۋ كەزىندە ودان جۇرگىزىلگەن سوت-ساراپتامالىق زەرتتەۋلەر تۋرالى مالىمەتتەردى, ال قاجەت بولعان جاعدايلاردا جەكە تۇسىندىرمەلەر بەرۋدى, ونىڭ ىشىندە سوت ساراپشىسىنىڭ ادەبىن ساقتاماۋ ماسەلەلەرى بويىنشا جەكە تۇسىندىرمەلەر بەرۋدى تالاپ ەتۋگە قۇقىلى. 29-باپ. اۋماقتىق پالاتانىڭ وكىلەتتىكتەرى 1. اۋماقتىق پالاتانىڭ قىزمەتى وسى زاڭمەن, پالاتانىڭ جارعىسىمەن جانە ونىڭ فيليالدارى تۋرالى ەرەجەمەن رەتتەلەدى. 2. اۋماقتىق پالاتا پالاتاعا جۇكتەلگەن وكىلەتتىكتەردەن تۋىندايتىن وكىلەتتىكتەردى جۇزەگە اسىرادى. 3. اۋماقتىق پالاتا قازاقستان رەسپۋبليكاسىنىڭ ادىلەت مينيسترلىگى بەكىتكەن نىسان بويىنشا ءوز قىزمەتى تۋرالى ستاتيستيكالىق اقپاراتتى پالاتاعا ۇسىنادى.5-تاراۋ. سوت ساراپتاماسىن جۇرگىزۋ
30-باپ. سوت ساراپتاماسىن جۇرگىزۋ نەگىزدەرى 1. سوت ساراپتاماسىن جۇرگىزۋ نەگىزدەرى قازاقستان رەسپۋبليكاسىنىڭ قىلمىستىق-پروتسەستىك كودەكسىندە, قازاقستان رەسپۋبليكاسىنىڭ ازاماتتىق پروتسەستىك كودەكسىندە, قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە, سونداي-اق «نوتاريات تۋرالى» قازاقستان رەسپۋبليكاسىنىڭ زاڭىندا بەلگىلەنگەن. 2. سوت ساراپتاماسىن تاعايىنداعان ورگان (ادام) سوت ساراپتاماسى ورگانىنىڭ باسشىسىنا نە وسى زاڭنىڭ 19-بابى 1-تارماعىنىڭ 2) جانە 3) تارماقشالارىنا سايكەس سوت-ساراپتاما قىزمەتىن جۇزەگە اسىراتىن ادامعا سوت-ساراپتامالىق زەرتتەۋلەردى جۇرگىزۋ جانە قورىتىندى بەرۋ ءۇشىن قاجەتتى زەرتتەۋ وبەكتىلەرىن جانە وزگە دە ماتەريالداردى ۇسىنادى. 3. ءتىرى ادامدارعا سوت ساراپتاماسىن جۇرگىزۋ ەرەكشەلىكتەرى وسى زاڭنىڭ 6-تاراۋىندا ايقىندالادى. 31-باپ. سوت ساراپتاماسىن ۇيىمداستىرۋ جانە جۇرگىزۋ كەزىندەگى شەكتەۋلەر 1. زاڭدا كوزدەلگەن نەگىزدەر بولعان كەزدە سوت ساراپتاماسىن جۇرگىزۋدى سوت ساراپتاماسى ورگانىنا تاپسىرۋعا بولمايدى, ال باستالعان سوت ساراپتاماسىن جۇرگىزۋ دەرەۋ توقتاتىلادى. 2. سوت ساراپشىسى سوت ساراپتاماسىن جۇرگiزۋگە قاتىسۋدان باس تارتۋىنا بولادى, ال ەگەر وعان سوت ساراپتاماسى تاپسىرىلعان بولسا, زاڭدا كوزدەلگەن نەگiزدەر بولعان كەزدە ونى جۇرگiزۋدى دەرەۋ توقتاتۋعا مiندەتتi. 32-باپ. سوت ساراپتاماسىنىڭ وبەكتىلەرى 1. ساراپتامالىق زەرتتەۋ وبەكتiلەرiنiڭ انىقتىعى مەن جارامدىلىعىنا سوت ساراپتاماسىن تاعايىنداعان ورگان (ادام) كەپiلدiك بەرەدi. 2. سوت ساراپتاماسى وبەكتiلەرi, ەگەر ولاردىڭ كولەمدەرى مەن قاسيەتتەرi مۇمكiندiك بەرسە, سوت ساراپشىسىنا ورالعان جانە مورلەنگەن تۇردە بەرiلەدi. قالعان جاعدايلاردا سوت ساراپتاماسىن تاعايىنداعان ورگان (ادام) سوت ساراپشىسىن زەرتتەۋ وبەكتiلەرi ورنالاسقان جەرگە جەتكiزۋدi, ولارعا كەدەرگىسىز قول جەتكىزۋدى جانە زەرتتەۋ جۇرگىزۋ ءۇشiن قاجەتتi جاعدايلاردى قامتاماسىز ەتۋگە تيiس. 3. زەرتتەۋلەر جۇرگىزۋ كەزىندە زاتتاي دالەلدەمەلەر مەن قۇجاتتار سوت ساراپتاماسىن تاعايىنداعان ورگاننىڭ (ادامنىڭ) رۇقساتىمەن زەرتتەۋلەر جۇرگىزۋ جانە قورىتىندى بەرۋ ءۇشىن قانشالىقتى قاجەت بولسا, سول شامادا عانا زاقىمدالۋى نەمەسە پايدالانىلۋى مۇمكىن. كورسەتىلگەن رۇقسات سوت ساراپتاماسىن تاعايىنداۋ تۋرالى قاۋلىدا, ۇيعارىمدا نەمەسە سوت ساراپشىسىنىڭ ءوتىنىشحاتىن قاناعاتتاندىرۋ نە ونى قاناعاتتاندىرۋدان ءىشىنارا باس تارتۋ تۋرالى ءۋاجدى قاۋلىدا, ۇيعارىمدا قامتىلۋعا ءتيىس. 4. سوت ساراپتاماسىن تاعايىنداعان ورگاننىڭ (ادامنىڭ) رۇقساتىمەن جۇرگىزىلگەن زەرتتەۋ وبەكتىلەرىنىڭ زاقىمدالۋى نەمەسە جويىلۋى ولاردىڭ مەنشىك يەسىنە سوت ساراپتاماسى ورگانىنىڭ نەمەسە سوت ساراپشىسىنىڭ زالالدى وتەۋىنە الىپ كەلمەيدى. 33-باپ. ۇلگىلەر 1. ۇلگىلەردى الۋ ءتارتىبى قازاقستان رەسپۋبليكاسىنىڭ قىلمىستىق-پروتسەستىك كودەكسىندە, قازاقستان رەسپۋبليكاسىنىڭ ازاماتتىق پروتسەستىك كودەكسىندە, قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە جانە وسى زاڭدا بەلگىلەنگەن. 2. ۇلگىلەردى الۋ ساراپتامالىق زەرتتەۋدىڭ ءبىر بولىگى بولىپ تابىلعان جاعدايلاردا, ونى سوت ساراپشىسى جۇرگىزۋى مۇمكىن. 3. زەرتتەۋ پروتسەسىندە سوت ساراپشىسى ەكسپەريمەنتتىك ۇلگىلەردى دايىنداۋى مۇمكىن, ول تۋرالى قورىتىندىدا حابارلانادى. سوت ساراپتاماسىن تاعايىنداعان ادام وسىنداي ۇلگىلەردى دايىنداۋ كەزىندە قاتىسۋعا قۇقىلى, بۇل ونىڭ ءوزى جاسايتىن حاتتامادا كورسەتىلەدى. زەرتتەۋ جۇرگiزگەننەن كەيiن سوت ساراپشىسى ۇلگiلەردi ورالعان جانە مورلەنگەن تۇردە ءوزiنiڭ قورىتىندىسىنا قوسا بەرەدى. 34-باپ. سوت ساراپتاماسىن جۇرگىزۋ مەرزىمدەرى, ونى ۇزارتۋ جانە توقتاتا تۇرۋ 1. سوت ساراپتاماسىن جۇرگىزۋ مەرزىمى سوت ساراپتاماسى ورگانى نە وسى زاڭنىڭ 19-بابى 1-تارماعىنىڭ 2) جانە 3) تارماقشالارىنا سايكەس سوت-ساراپتاما قىزمەتىن جۇزەگە اسىراتىن ادام سوت ساراپتاماسىن تاعايىنداۋ تۋرالى قاۋلىنى, ۇيعارىمدى جانە ونىڭ وبەكتىلەرىن ءىس جۇرگىزۋگە قابىلداعان كۇننەن باستاپ ەسەپتەلەدى. 2. قازاقستان رەسپۋبليكاسىنىڭ زاڭناماسىندا كوزدەلگەن ايرىقشا جاعدايلاردان باسقا, سوت ساراپتاماسىن جۇرگىزۋ مەرزىمى وتىز تاۋلىكتەن اسپاۋعا ءتيىس. 3. سوت ساراپتاماسىن جۇرگىزۋ مەرزىمىن ۇزارتۋدى سوت ساراپتاماسىن تاعايىنداعان ورگان (ادام) سوت ساراپتاماسى ورگانى باسشىسىنىڭ نە وسى زاڭنىڭ 19-بابى 1-تارماعىنىڭ 2), 3) تارماقشالارىنا سايكەس سوت ساراپتاما قىزمەتىن جۇزەگە اسىراتىن سوت ساراپشىسىنىڭ (سوت ساراپشىلارىنىڭ) ءۋاجدى ءوتىنىشحاتى بويىنشا جۇزەگە اسىرادى. ەرىكتى تۇردە سوت ساراپتاماسىنا تارتىلاتىن نەمە
