مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ باسىمدىقتارىن ىسكە اسىرۋ ءۇشىن ەل ۇكىمەتى 2,4 ترلن تەڭگەدەن استام قارجى بولەدى. بۇل تۋرالى قر ۇكىمەتى وتىرىسىندا 2017-2019 جىلدارعا ارنالعان ناقتىلانعان رەسپۋبليكالىق بيۋدجەت جوباسىن تانىستىرا وتىرىپ, قر قارجى ءمينيسترى باقىت سۇلتانوۆ حابارلادى, دەپ جازادى primeminister.kz.
ونىڭ ايتۋىنشا, بيۋدجەتتىڭ شىعىس بولىگىن ناقتىلاۋدىڭ باسىم باعىتى مەملەكەت باسشىسىنىڭ جولداۋىن ىسكە اسىرۋ بولىپ تابىلادى. وسى ماقساتتارعا بيۋدجەتتە 2 435 ملرد تەڭگە قاراستىرىلعان.
سونىمەن قاتار, جولداۋدى ىسكە اسىرۋ كەلەسى شارالار ارقىلى جۇزەگە اسىرىلاتىن بولادى: ەكونوميكانى جەدەلدەتىلگەن تەحنولوگيالىق جاڭعىرتۋ – 231 ملرد تەڭگە; بيزنەس ورتانى تۇبەگەيلى جاقسارتۋ جانە كەڭەيتۋ – 0,7 ملرد تەڭگە; ماكروەكونوميكالىق تۇراقتىلىق - 2 093,1 ملرد تەڭگە; ادام كاپيتالىنىڭ ساپاسىن ارتتىرۋ – 86,2 ملرد تەڭگە; ينستيتۋتسيونالدىق تۇرلەندىرۋ, قاۋىپسىزدىك جانە سىبايلاس جەمقورلىقپەن كۇرەس – 23,9 ملرد تەڭگە.
وتىرىس قورىتىندىسى بويىنشا قر پرەمەر-ءمينيسترى باقىتجان ساعىنتاەۆ بۇگىن اەد بولجامى مەن بيۋدجەتتىك زاڭ جوباسىن بەلگىلەنگەن ءتارتىپ بويىنشا قر پارلامەنتى ماجىلىسىنە وتكىزۋدى تاپسىردى.
مە بەرۋگە مىندەتتى.
