بقو-دا 500-دەن استام بورداقىلاۋ الاڭى سالىنادى

باتىس قازاقستاندا 500-دەن استام بورداقىلاۋ الاڭىن سالۋ جوسپارلانۋدا, دەپ حابارلادى وبلىس اكىمدىگى. ءوڭىردىڭ اگروونەركاسىپ كەشەنىنىڭ جالپى ءونىمى 17%-دان اسقان. وتكەن جىلى ءداندى-داقىلداردىڭ ءجوو 3 ەسە وسكەن. ءىرى قارا مال باسىنىڭ ءوسۋى بايقالادى (ىقم - 5,5%, جىلقى - 11,5%, ۇساق مال - 2,5%). بۇدان بولەك, اكىمدىكتە حابارلانعانداي, «اگروبيزنەس - 2020» جاڭا باعدارلاماسىن ىسكە اسىرۋ اياسىندا بيىلعى جىلى ونىمدىلىگى جىلىنا 6 مىڭ توننانى قۇرايتىن قۇس ەتىن وندىرەتىن قۇس فابريكاسى ءوز جۇمىسىن باستايدى. سونداي-اق, 500-دەن استام بورداقىلاۋ الاڭىن سالۋ جوسپارلانعان. «كورسەتىلگەن باعىتتار بويىنشا ەل ۇكىمەتىنىڭ باقىلاۋىمەن ءتيىستى مينيسترلىكتەرمەن ارىپتەستىك جاساۋ جۇرگىزىلۋدە», - دەپ اتاپ ءوتىلدى اكىمدىكتە. پرەزيدەنتتىڭ قازاقستان حالقىنا جولداۋى ەكسپورت ءۇشىن جاڭا باعىتتار اشىپ, مۇمكىندىكتەرىمىزدى ارتتىرادى. قازىر ەت رەسەيگە, ازىربايجانعا جانە باسقا ەلدەرگە ەكسپورتتالادى. وتكەن جىلى ەت ەكسپورتى 2 مىڭ توننادان ارتىق بولدى. سونداي-اق, ءوڭىر گرۋزياعا, تۇركمەنستانعا, تاجىكستانعا, اۋعانستان مەن قىرعىزستانعا ۇن ونىمدەرىن (30 مىڭ توننا) ەكسپورتتايدى.