جاقىن كۇندەرى قازاقستاندا كۇن جىلىنادى

«قازگيدرومەت» رمك 14-16 اقپان كۇندەرىنە ارنالعان اۋا رايى بولجامىن ۇسىندى. قازاقستاندا  اۋا تەمپەراتۋراسىنىڭ نورمادان 7-12 گرادۋسقا تومەن بولۋىنان ورناعان ايازدار ءسىبىر انتيتسيكلونىنىڭ ىقپالىمەن تۋىنداعان. الايدا, سينوپتيكتەر جاقىن كۇندەرى كۇن رايى جىلىناتىنىن بولجاۋدا. «جەرورتا تەڭىزىنىڭ شىعىس جاعالاۋىنا ورناعان تسيكلون 16 اقپاندا قازاقستاننىڭ وڭتۇستىگىنە اۋىسادى جانە وزىمەن بىرگە رەسپۋبليكانىڭ بارلىق اۋماعىنا جاۋىن-شاشىن مەن جىلى اۋا رايىن اكەلەدى. ەلدىڭ باتىسىندا تۇنگى تەمپەراتۋرا 13-23-تەن 3-8 گرادۋسقا دەيىن جىليدى, كەي جەرلەردە 11-16 اياز بولۋى مۇمكىن. سولتۇستىكتە, شىعىس پەن ورتالىقتا - 20-30 گرادۋستان 17-25-كە دەيىن جىليدى, وڭتۇستىك وڭىرلەردە 0-5, كەيبىر اۋماقتا 10-15 گرادۋس اياز بولۋى مۇمكىن. قىزىلوردا وبلىسىندا - 10-15, كەي جەرلەردە 20 گرادۋس اياز», - دەلىنگەن قازگيدرومەت حابارلاماسىندا.