ەلوردادا ديناميكالىق جانە جايلى كەڭىستىكتەر قۇرىلادى

ەلوردانىڭ ۋربانيستيكا ورتالىعى «استانانى جانە اگلومەراتسيانى ورنىقتى دامىتۋ جونىندەگى كەڭەس» وتىرىسىنىڭ قاراۋىنا 2 جوبانى ۇسىندى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى. جوبالاردىڭ ءبىرى – پلەيسمەيكينگ (placemaking), بۇل ديناميكالىق, ورنىقتى جانە جايلى كەڭىستىكتەر قۇرۋدى بىلدىرەدى. ورتالىق باسشىسى اسحات سادۋوۆتىڭ ايتۋىنشا, جاقسى قوعامدىق كەڭىستىكتەر الەمنىڭ ءتۇرلى قالالارىندا دالەلدەنگەن, بۇۇ حابيتات قۇرالدارىندا زەرتتەلىپ, سيپاتتالعان ارتىقشىلىقتارى بار. ۋربانيستيكا ورتالىعى استانادا پلەيسمەيكينگ ورىندارى رەتىندە 10 كوشەنى تاڭداعان, اتالعان جوبالار سول كوشەلەردە ىسكە اسىرىلادى. اتاپ ايتقاندا, بەيبىتشىلىك ك-ءسى, تىلەنديەۆ ك-ءسى, قابانباي باتىر داڭع., ابىلاي حان داڭع., مۇڭايسپاسوۆ ك-ءسى, تاۋەلسىزدىك داڭع., مومىش ۇلى داڭع., جۇماباەۆ ك-ءسى كۆادراتى; مۇڭايتپاسوۆ كوشەسىندەگى ساياباق, اقبۇلاق جاعالاۋى; عاشىقتار ساياباعى; «ەۋرازيا» ءسۇ اۋدانى; سۋلى-جاسىل جەلەكجولى. پلەيسمەيكينگ شەڭبەرىندە قىسقى جوبالاۋعا ايرىقشا باسىمدىق بەرىلمەك. ۋربانيستيكا ورتالىعى وكىلدەرىنىڭ پىكىرىنشە, دۇرىس جوبالاۋدىڭ ارقاسىندا ەلوردا قىسقى تۋريزم ورتالىعىنا اينالۋى ابدەن مۇمكىن. ۋربانيستيكا ورتالىعى ۇسىنعان ەكىنشى جوبا ەلوردادا العاشقى ۋربان فورۋمىن وتكىزۋ. اتالعان فورۋم قالالىق جوسپارلاۋ, ەكولوگيا جانە ەكونوميكا سالالارىندا شەتەلدىك ساراپشىلارمەن تاجىريبە الماسۋ الاڭىنا اينالۋعا ءتيىس, دەپ ەسەپتەيدى ورتالىق باسشىسى اسحات سادۋوۆ.