استانا كاسىپكەرلەر قالاسىنا اينالىپ كەلەدى

ۇلتتىق كاسىپكەرلەر پالاتاسىنىڭ مالىمەتىنشە, استانا تۇرعىندارىنىڭ 63%-ى شاعىن جانە ورتا بيزنەس سۋبەكتىلەرىندە ەڭبەك ەتسە, سالانىڭ بيۋدجەتكە تۇسىرگەن قارجىسى بىلتىر 1 ترلن تەڭگەگە جەتكەن. حالىقتىڭ جارتىسىنان كوبى كاسىپكەرلەردىڭ قولىندا ەڭبەك ەتەدى استانا كاسىپكەرلەرىنىڭ كونفەرەنتسياسىندا «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى تيمۋر ق ۇلىباەۆ 2017 جىلعا ارنالعان نەگىزگى جۇمىس باعىتىن اتاپ كورسەتتى. «2017 جىلى وڭىرلەردەگى بيزنەس-قوعامداستىقتى دامىتۋعا دەن قويۋىمىز كەرەك.  بۇل جۇمىستى استانادان باستاپ وتىرمىز. استانا تۇرعىندارىنىڭ 63% شاعىن جانە ورتا بيزنەس سالاسىندا ەڭبەك ەتىپ, 1 تريلليوننان استام سومادا بيۋدجەتكە ءتۇسىم جاسادى. ەلوردانىڭ باس جوسپارىندا دا بيزنەس مۇددەسى قاراستىرىلعان. ايتالىق, يندۋستريالدىق ايماق جۇمىس كورسەتكىشى جوعارى, اۋداننىڭ 90% يگەرىلگەن. جاقسى ناتيجەلەر بيزنەس پەن اكىمدىك اراسىنداعى دۇرىس قويىلعان بايلانىستىڭ كورىنىسى. سوندىقتان وزگە وڭىرلەر دە وسى باعىتتا جۇمىس ىستەۋى كەرەك», - دەدى تيمۋر ق ۇلىباەۆ. سونىمەن قاتار, تيمۋر ق ۇلىباەۆ بيزنەس-قوعامداستىقتىڭ  استانا اكىمدىگىمەن بىرگە «1000 ساۋدا ورنى» جوباسىنىڭ جۇزەگە اسىرىلعانىن, كاسىپكەرلەردىڭ جۇمىس ىستەۋىنە جاعداي جاسالىپ جاتقانىن اتاپ ءوتتى. وتكەن جىلى بيزنەستى دامىتۋ باعىتىندا  جوسپارلانعان 27 ءىس-شارانىڭ  25-ءى جۇزەگە اسىرىلعان. «مەملەكەت باسشىسى جولداۋدا بيزنەستىڭ قۇقىعى مەن مۇددەسىن قورعاۋعا نازار اۋداردى. كاسىپكەرلەر پالاتاسى وسى مىندەتتى جۇزەگە اسىرۋ جۇمىستارىن جۇرگىزەدى. باس پروكۋراتۋرامەن, مەملەكەتتىك ورگاندارمەن بىرلەسە وتىرىپ, كاسىپكەرلەردىڭ قۇقىعىن قورعاۋ بويىنشا قىزمەتىن جالعاستىرا بەرمەك. سونداي-اق زاڭنامالاردى جەتىلدىرۋمەن اينالىساتىن بولامىز. سالىق سالۋشىلار تاراپىنان بيزنەس-قوعامداستىققا قىسىم كەلتىرىلەتىنى بەلگىلى. سالىق كودەكسىن كاسىپكەرلەرگە تۇسىنىكتى, ىڭعايلى ەتۋگە وزگەرتۋلەر مەن تولىقتىرۋلار ەنگىزۋ ءۇشىن كوميسسيا قۇرىلدى. بارشا بيزنەس وكىلدەرىن سالىق كودەكسىنە قاتىستى ۇسىنىستارىن كاسىپكەرلەر پالاتاسىنا جولداۋعا شاقىرامىن», ­– دەپ جۇمىس جوسپارلارىن ناقتى اتاپ ءوتتى. كاسىپكەرلەر پالاتاسىنىڭ جۇمىس جوسپارىندا مەملەكەتتىك ساتىپ الۋلاردا جەرگىلىكتى قامتۋ ۇلەسىن باقىلاۋ, وتاندىق تاۋار وندىرۋشىلەردى قولداۋ, وتاندىق ونىمدەرىن ۇزاقمەرزىمدى كەلىسىمشارتتار ارقىلى قامتاماسىز ەتۋ ماسەلەلەرى ماڭىزدى. سونىمەن قاتار جەكەشەلەندىرۋ ماسەلەسى دە 2017 جىلعى جوسپارداعى ايرىقشا مانگە يە جۇمىستىڭ ءبىرى. «بۇگىنگە دەيىن بيزنەسكە ۇتىمدى  ەمەس اكتيۆتەر شىعارىلعان. كوممۋنالدىق مەكەمەلەردىڭ بيزنەسكە قاجەتتىلەرى اكىمدىك بالانسىنىن شىعارىلۋى كەرەك.  مەملەكەتتىڭ ۇلەسىندە قالۋعا ءتيىستى 15% نىسانداردى انىقتاۋىمىز كەرەك. اسىرەسە, مەديتسينا سالاسىنداعى مەكەمەلەر باسەكەگە قابىلەتتى ورتاعا بەرىلۋى كەرەك. جالپى وسى سالادا بىرلەسە ناتيجەلى جۇمىس جاسايمىز», – دەپ اتاپ ءوتتى تيمۋر ق ۇلىباەۆ. شاعىن جانە ورتا بيزنەس سۋبەكتىلەرى 100 مىڭنان استى استانا كاسىپكەرلەرىنىڭ جىل سايىنعى كونفەرەنتسياسىندا «اتامەكەن» ۇكپ باسقارما توراعاسىنىڭ ورىنباسارى تولەمىس شوتانوۆ شاعىن جانە ورتا بيزنەستى دامىتۋ باعىتىندا وتكەن جىلى جوسپارلانعان ءىس-شارالاردىڭ 92% ورىندالعانىن جەتكىزدى. باسقارما توراعاسى ورىنباسارىنىڭ ايتۋىنشا, استانادا شاعىن جانە ورتا بيزنەس سۋبەكتىلەرى جىل سايىن ارتۋدا. 2016 جىلدىڭ قاڭتارى مەن  2017 جىلدىڭ قاڭتارداعى كورسەتكىشتى سالىستىرساق,  شوب 1,1% ارتقان, ياعني بۇگىندە باس قالاداعى شوب سۋبەكتىلەرىنىڭ سانى 100,2 مىڭدى قۇراپ وتىر. وسىلايشا استانا قالاسىنىڭ جالپى ىشكى ءونىمى 1% ارتقان. ەل ەكونوميكاسىنىڭ ءجىو 11,8%-ىن  استانا قامتاماسىز ەتىپ, الماتى قالاسىنان كەيىن ەكىنشى ورىندى يەلەندى. سونىمەن قاتار وتكەن جىلى ينۆەستيتسيا كولەمى 837,7 ملرد تەڭگەنى قۇرادى, وسىلايشا 2015 جىلمەن سالىستىرعاندا 8,4%-عا ارتقان. ۇلتتىق كاسىپكەرلەر پالاتاسى استانا قالاسى اكىمدىگىمەن, مەملەكەتتىك ورگاندارمەن بىرلەسكەن جۇمىسىنىڭ ناتيجەسىندە بيلىك پەن بيزنەس اراسىندا قارىم-قاتىناس بەكي ءتۇستى. وسىلايشا كاسىپكەرلەر پالاتاسى مەن استانا اكىمدىگى مەملەكەتتىك ساتىپ الۋدا جەرگىلىكتى قامتۋ ۇلەسىن ارتتىرۋ باعىتىندا بىلتىرعى جىلدىڭ مامىر ايىنان باستاپ ارنايى كوميسسيا قۇرىپ, بيزنەستىڭ قاتىسۋىمەن 6 وتىرىس ۇيىمداستىرعان. «مەملەكەتتىك ساتىپ الۋلاردا وتاندىق ۇلەستى ارتتىرۋ ءبىز ءۇشىن ماڭىزدى. ارنايى كوميسسيا جۇمىسىنىڭ ناتيجەسىندە جاقسى جەتىستىكتەردى كورۋگە بولادى. مىسالى, 2015 جىلمەن 2016 جىلداعى ساتىپ الۋلاردى سالىستىرار بولساق, جەرگىلىكتى قامتۋ ۇلەسىنىڭ مولشەرى ايتارلىقتاي وسكەن. 2015 جىلى 11,8% بولسا, 2016 جىلدىڭ 11 ايى ىشىندە 36,9% قۇراعان. سونداي-اق, ەلباسى جولداۋىندا ايتىلعان جەكەشەلەندىرۋ ماسەلەسىنە كوڭىل ءبولۋىمىز كەرەك. بۇل ماقساتتىڭ ورىندالۋ قارقىنى استانادا جاقسى, بۇگىندە 3,5 ملرد تەڭگە كولەمىندە 6 نىسان باسەكەلەستىك ورتاعا بەرىلدى», – دەپ اتاپ ءوتتى تولەمىس شوتانوۆ. مەملەكەتتىك-جەكەمەنشىك ارىپتەستىك باعدارلاماسىن جۇزەگە اسىرۋ بيزنەس ءۇشىن نەگىزگى مۇمكىندىك دەپ كورسەتە وتىرىپ, باس قالانىڭ اكىمدىگى مەن كاسىپكەرلەر پالاتاسى بىرلەسىپ 31,5 ملرد تەڭگە تۇراتىن 13 جوبانى جۇزەگە اسىراتىندىعىن جەتكىزدى. 2016 جىلى پالاتانىڭ قاتىسۋىمەن 13 ساراپتاما قورىتىندىسى شىعارىلىپ, جەكەمەنشىك ارىپتەستەردىڭ ءتىزىمى جاسالعان. سونىمەن قاتار باسقارما توراعاسىنىڭ ورىنباسارى كاسىپكەرلەر پالاتاسىنداعى ماڭىزدى جوبا ­– كاسىپكەرلىكتى دامىتۋدىڭ وڭىرلىك كارتاسىنا ەلورداداعى 3,9 ملرد تەڭگە سوماسىنداعى 24 ينۆەستيتسيالىق جوبا ەنگىزىلگەنىن مالىمدەدى. ونىمەن قوسا, كاسىپكەرلەر پالاتاسى كورسەتەتىن قارجىلاي ەمەس قولداۋ قىزمەتىنە دە توقتالدى. استاناداعى كاسىپكەرلەرگە  كومەك كورسەتۋ ورتالىعىنىڭ قىزمەتىنە وتكەن جىلى شاعىن جانە ورتا بيزنەستىڭ 3229 وكىلى جۇگىنىپ, ولارعا 4558 قىزمەت كورسەتىلگەنىن اتاپ ءوتتى. باسقارما توراعاسىنىڭ ورىنباسارى ماماندار سۇرانىسىن انىقتايتىن اۆتوماتتاندىرىلعان باعدارلاما جاساۋدىڭ قاجەتتىلىگىنە دە توقتالدى. «مۇنداي جۇيە ەڭ الدىمەن ماماندارعا سۇرانىستىڭ شىنايى كورسەتكىشىن انىقتاۋعا, ەكىنشىدەن,  نارىق قاجەتتىلىگىنىڭ ورنىن شۇعىل تولتىرۋعا زور سەپتىگىن تيگىزەر ەدى. سونداي-اق جۇمىسپەن قامتۋ ورتالىقتارىنىڭ قىزمەتىن جەكە مەنشىك اگەنتتىكتەرگە تاپسىرىلسا...», – دەپ ۇسىنىس ءبىلدىردى تولەمىس شوتانوۆ. سوڭعى جىلدارى استانادا تەحنيكالىق ماماندىق يەلەرى, اتاپ ايتقاندا قۇرىلىس, ساۋدا جانە قىزمەت كورسەتۋ سالالارىندا بىلىكتىلىگى جوعارى مامانداردىڭ تاپشىلىعى سەزىلەدى. استانادا 490,2 مىڭ ەكونوميكالىق بەلسەندى تۇرعىنداردىڭ 191,3 مىڭ جۇمىسشىسى اتالعان سالالاردا ەڭبەك ەتۋدە, ال 30,3 مىڭ ادام ءوندىرىس سالاسىندا, 76,1 مىڭ ادام قۇرىلىستا, 36,4 مىڭ ادام ساۋدادا, 48,5 مىڭ ادام قىزمەت كورسەتۋ سالاسىندا جۇمىس ىستەيدى. تولەمىس شوتانوۆ بىرقاتار ۇسىنىستاردى اتاپ ءوتتى. ونىڭ ىشىندە, مەملەكەتتىك-جەكەمەنشىك ارىپتەستىك جوبالارىن ماقۇلداۋ پروتسەدۋراسىن بارىنشا ىقشامداۋ جۇمىسىن جالعاستارۋ, ءمجا جوبالارىن مەملەكەتتىك قارجىلاي قولداۋ قۇرالىن كەڭەيتۋ, كوممۋنالدىق مەنشىكتەردى باسەكەلەستىك ورتاعا بەرۋ, بيزنەستى قارجىلاي ەمەس قولداۋدى اۆتوماتتاندىرۋ, ءبىلىم بەرۋ مەكەمەلەرى مەن بيزنەستىڭ بايلانىسىن نىعايتۋ, سەكىلدى بىرنەشە باعىتتاعى جۇمىستاردى اتاپ ءوتتى. كاسىپكەرلەرگە قامقورلىق كۇشەيدى استانالىق اكىمدىك مەن كاسىپكەرلەر پالاتاسى باسشىلارىنىڭ  مۇدەسى ورتاق – قالالىق بيزنەس-ورتانى جەتىلدىرۋدە ايتارلىقتاي  ناتيجەلەرگە قولجەتكىزگەن. بيزنەستى دامىتۋ باعىتىندا وتكەن جىلدىڭ قورىتىندىسى بويىنشا «اتامەكەن» ۇكپ استانا اكىمدىگىمەن بىرگە جوسپارلانعان 27 ءىس-شارانىڭ 25-ءسىن جۇزەگە اسىرعان. ونىڭ ىشىندە كاسىپكەرلىكتى دامىتۋ جول كارتاسىنىڭ ماڭىزى جوعارى. قالانى كوركەيتۋ, ەكونوميكالىق تۇرعىدان نىعايتۋ, كاسىپكەرلەردى قولداۋ ارقىلى جۇزەگە اسقان ناتيجەلى جۇمىس تۋرالى استانا قالاسىنىڭ اكىمى  اسەت يسەكەشەۆ مالىمدەدى. «قولايلى بيزنەس-ورتانىڭ نەگىزگى باسىمدىقتارى ەكونوميكا سالالارى بويىنشا كورىنىس تاۋىپ وتىر. بۇگىندە باس قالا رەسپۋبليكانىڭ ەڭ نەگىزگى قارجى دونورى ىسپەتتەس: بارلىق نەگىزگى ەكونوميكالىق ماسەلەلەر مەن سۇراقتار, وسى جەردەن شەشىم تابادى, ىلگەرىلەيدى, ءىرى ىسكەرلىك شارالار وتكىزىلەدى. قالانىڭ دامۋىنا «اتامەكەن» ۇكپ مەن «دامۋ» قورىنىڭ ۇلەسى, اتاپ ايتقاندا,  «بيزنەستىڭ جول كارتاسى» مەملەكەتتىك باعدارلاماسىنىڭ ماڭىزى وراسان زور», – دەدى استانا اكىمى اسەت يسەكەشەۆ. ۇلتتىق كاسىپكەرلەر پالاتاسى, استانا اكىمدىگى, پروكۋراتۋرا, ساۋلەت باسقارماسى جانە باسقا دا مەملەكەتتىك وگراندارمەن بىرلەسكەن جۇمىس ناتيجەسىندە 10 اكىمشىلىك كەدەرگى الىپ تاستالدى. ساۋدا سالاسىندا دا ىرگەلىلەۋ بار. 1000-عا دەيىن جاڭا ساۋدا ورىندارى اشىلىپ, ساۋدا ورىندارى 3,5 ەسەگە ارتتى, سونداي-اق, جالعا الۋ مەرزىمى 1 جىلدان 7 جىلعا دەيىن ۇزارتىلدى. جەكە مەنشىك بالاباقشالاردى سۋبسيديالاۋ 45%-عا ارتتى, سۋبسيديا ارقىلى تولەم كولەمى ازايتىلدى. قالا جولدارىنداعى قاۋىپسىزدىك پەن تۇرعىندار قاجەتتىلىگىن ورىنداۋ ءۇشىن قالادا تاكسي قىزمەتى جاقسارتىلىپ جاتىر.  «دامۋ» قورىمەن تاكسوپاركتەردى قارجىلاندىرۋ جۇرگىزىلۋدە,  وسى ارقىلى قولدانىستاعى 475 كولىك سانىن 2 ملن-عا ءوسىرۋ كوزدەلگەن. كاسىپكەرلەردى قولداۋ ماقساتىندا قالا اكىمدىگى مەن ۇكپ بىرلەسىپ, استانانىڭ سول جاعالاۋىندا كاسىپكەرلەرگە قىزمەت كورسەتۋ ورتالىعىن اشپاق. استانا قالاسى كاسىپكەرلەر پالاتاسىنىڭ ديرەكتورى عاني تاسماعانبەتوۆتىڭ ايتۋىنشا,  2016 جىلى بيزنەستى قورعاۋ بويىنشا تۇسكەن 302 ءوتىنىمنىڭ  93-ءى وڭ شەشىم تاپقان, ال 29 ءوتىنىم قاراستىرىلۋدا. استانالىق كاسىپكەرلىك پالاتاسى  قالا پروكۋراتۋراسى, مەملەكەتتىك ورگاندارمەن  بىرلەسىپ جۇمىس ىستەۋىنىڭ ناتيجەسىندە 2,47 ملرد تەڭگە  سومادا كاسىپكەرلەر قۇقىعى قورعالعان. «قازىرگى تاڭدا بيزنەستىڭ كونسۋلتاتيۆتىك-كەڭەسۋ ورگاندارىنا قاتىسۋى 25%-دى قۇرايدى. بۇل كورسەتكىشتى 50%-عا جەتكىزۋ تۋرالى باس قالا اكىمدىگىمەن ءوزارا كەلىسىم جاسالعان. پالاتا ءوز كانديداتۋرالارىن ۇسىنىپ وتىر, ولاردى تاڭداۋ-تاڭداماۋ اكىمدىك قۇزىرىندا.  ماسەلەن, قالا قۇرىلىسى كەڭەسىندە بيزنەستىڭ ۇلەسى 68,75%-عا, ۇدەمەلى يندۋستريالدى دامۋ بويىنشا ۇيلەستىرۋ كەڭەسىندە 50%-عا جەتكىزىلدى. وكىنىشكە وراي, جەر ۋچاسكىلەرىن ءبولۋ كوميسسياسى مەن مەملەكەتتىك م ۇلىكتى سەنىمدى باسقارۋعا بەرۋ كوميسسياسى سىندى كونسۋلتاتيۆتىك-كەڭەسۋ ورگاندارىنا بيزنەس ۇلەسى تىم تومەن», – دەدى استانا قالاسى كاسىپكەرلەر پالاتاسىنىڭ ديرەكتورى عاني تاسماعانبەتوۆ. عاني تاسماعانبەتوۆتىڭ ايتۋىنشا,  تۇرعىن ۇيگە ارنالماعان ورىن-جايلاردىڭ فۋنكتسيونالدىق قىزمەتى بويىنشا زاڭناما تالاپتارى بيزنەس وكىلدەرىنە تىم وزەكتى بولىپ تۇر. ماسەلەن, اتقارۋشى, باقىلاۋشى ورگاندار كاسىپكەرلەردەن تۇرعىن ۇيگە ارنالماعان ورىن-جايلارىن «ازىق-ت ۇلىك دۇكەنى», «ءسان سالونى» دەپ ناقتى راسىمدەۋدى تالاپ ەتەدى, بۇل ۇدەرىس قوسىمشا شىعىندى, اۋرەشىلىك پەن ۋاقىتتى تالاپ  ەتىپ, كاسىپكەرلەردىڭ قۇقىعىن شەكتەيدى. وسى تۇرعىدا كاسىپكەرلەر پالاتاسى تۇرعىن ۇيگە ارنالماعان ورىن-جايلاردى كەز كەلگەن كوممەرتسيالىق ماقساتقا قولدانۋعا بولادى دەپ سانايدى. سونىمەن قاتار ادال سالىق تولەۋشىلەردى ققس بويىنشا تىركەۋ ەسەبىنەن ەسكەرتۋسىز جۇيەلى تۇردە شىعارۋ ماسلەلەرى كۇن تارتىبىندە تۇر. سالىق ورگانداردىڭ نەگىزسىز تەكسەرۋلەرى مەن كاسىپكەرلىك سۋبەكتىلەرىنە قويعان قاتاڭ تالاپتارى شاعىن بيزنەستى كەنجەلەتىپ وتىر. بۇل ماسەلەمەن پالاتاعا كوپ شاعىمدار تۇسكەن. اتالعان ماسەلەلەردى تۇبەگەيلى شەشۋ ءۇشىن پالاتا سالىق ورگانى ققس بويىنشا ەسەپتەن شىعارۋدى تەك سوت ارقىلى شەشىپ, ونى زاڭدىق تۇرعىدا بەكىتۋ كەرەكتىگىن ۇسىنىپ وتىر. سونداي-اق, ءمجا جوبالارىن ماقۇلداۋ ءراسىمىن بارىنشا قىسقارتۋ جۇمىسىن جالعاستىرۋ, ءمجا جوبالارىن قارجىلاندىرۋدىڭ مەملەكەتتىك باعدارلاماسىن ەنگىزۋ بويىنشا الداعى ۋاقىتتا ەلوردادا بيزنەستىڭ بارلىق سالاسىن دامىتۋ تۋرالى كاسىپكەرلەر پالاتاسىنىڭ ۇسىنىستارى ايتىلدى. استانا قالاسى اكىمى اسەت يسەكەشەۆ قالا تۇرعىندارىنىڭ ءال-اۋقاتىن ارتتىرۋدا مەملەكەتتىك-جەكەمەنشىك ارىپتەستىكتىڭ ماڭىزىن اتاپ ءوتتى.  اكىمىدىكپەن تۇرمىستىڭ ساپاسىن كوتەرۋ بويىنشا ناقتى 20 قادام بەكىتىلگەن. دەنساۋلىق ساقتاۋ, قوعامدىق كولىك ماسەلەسى, تاكسي قىزمەتى ىسپەتتى نەگىزگى باعىتتاردىڭ دامۋىنا باسىمدىق بەرىلگەن. ءمجا سەكىلدى جاڭا تەتىك ارقىلى استانالىق بيزنەس-ورتا نىعايا تۇسپەك. «استانا قالاسى ەلىمىزدىڭ سولتۇستىك ايماعى, قاردى ۋاقتىلى تازالاۋ, تۇرعىنداردىڭ ءجۇرىپ-تۇرۋىنا جاعداي جاساۋ باستى مىندەت. وسىنداي ماسەلەلەردى ناتيجەلى شەشۋگە مەملەكەتتىك-جەكەمەنشىك ارىپتەستىك كەلىسىمدەر كومەككە كەلەدى. ەورداداعى بالاباقشالار, بەينەباقىلاۋ نىساندارى سىندى قىزمەت تۇرلەرى ءمجا-عا بەرىلەدى, بۇگىنگى تاڭدا اكىمدىك بايقاۋلار جاريالاپ جاتىر», – دەپ اتاپ ءوتتى اسەت يسەكەشەۆ. كونفەرەنتسيا بارىسىندا 3 ايدان كەيىن وتكىزىلەتىن ەكسپو-2017 حالىقارالىق  شاراسى دا بيزنەس تۇرعىسىنان تالقىلاندى. ۇلتتىق كاسىپكەرلەر پالاتاسى باس قالانىڭ تۋريزم اۋەلەتى جان-جاقتى قارالۋىن تىلگە تيەك ەتتى.  ماسەلەن, اۋەجاي تاسىمالدارىنىڭ تاريفتەرىنىڭ قىمباتتىعى ەكسپو-عا كەلەتىن قوناقتار سانىنا كەرى اسەر ەتۋى مۇمكىن. «بيىل استانادا ەكسپو شاراسى وتەدى. وسى تۇرعىدا قالالىق مەيرامحانالار مەن قوناق ۇيلەردىڭ ساپاسىن جەتىلدىرۋمەن تىعىز اينالىسىپ جاتىرمىز. اس ءمازىرى, باعالاردى بەكىتۋ, اعىلشىن ءتىلىن مەڭگەرگەن مامانداردى تارتۋ باستى نىساندا.  جوسپار بويىنشا ەكسپو ناۋقانىندا استاناعا 2 ملن تۋريست كەلەدى. ەكسپو-دان كەيىن دە ءبىز جىل سايىن وسىنشا تۋريستەردى قابىلداۋىمىز كەرەك», – دەدى قالا اكىمى اسەت يسەكەشەۆ.