بۇگىن بۇۇ قاۋىپسىزدىك كەڭەسىنىڭ شۇعىل وتىرىسى وتەدى

بۇۇ قاۋىپسىزدىك كەڭەسى پحەنياننىڭ بالليستيكالىق زىمىراندى سىناقتان وتكىزۋ ماسەلەسىن نيۋ-يورك ۋاقىتىمەن 17:00-دە تالقىلايتىن بولادى.  بۇل تۋرالى بۇۇ ديپلوماتتارى حابارلادى, دەپ جازادى قازاقپارات. دۇيسەنبى كۇنى بۇۇ قك ۋكراينا باستاماسىمەن قارۋلى قاقتىعىستار جاعدايىندا ينفراقۇرىلىمنىڭ اسا ماڭىزدى نىساندارىن قورعاۋ جونىندە پىكىرتالاستار وتكىزەدى. وسىدان كەيىن, ديپلوماتتاردىڭ حابارلاۋىنشا, جابىق كونسۋلتاتسيالار تۇرىندە كورەي تۇبەگىندەگى جاعداي تالقىلانادى, دەپ جازدى «ريا نوۆوستي» اگەنتتىگى. ەسكە سالايىق, جەكسەنبى كۇنى كحدر ارەكەت ەتۋ راديۋسى ورتاشا "پۋككىكسون-2" ("تەمىرقازىق-2") بالليستيكالىق راكەتاسىن سىنادى. كورەيانىڭ ورتالىق تەلەگرافتىق اگەنتتىگىنىڭ حابارلاماسىن كەلتىرە وتىرىپ ريونحاپ-تىڭ حابارلاۋىنشا, «جەر-جەر» ساناتىنداعى اتالمىش ستراتەگيالىق زىمىران سىناقتان ءساتتى ءوتتى. 2006 جىلدان بەرى پحەنيان بەس يادرولىق سىناق جانە راكەتالىق ۇشىرىلىمداردىڭ سەرياسىن ىسكە اسىردى. 2016 جىلدىڭ وزىندە كحدر ەكى يادرولىق سىناق جاساپ, بىرنەشە زىمىران ۇشىردى, سونىڭ ىشىندە سۇڭگۋىر قايىقتاردان بالليستيكالىق زىمىرانداردىڭ تەستىلىك ۇشىرىلىمدارى جاسالدى. 2017 جىلدىڭ باسىندا ەل بيلىگى قۇرلىقارالىق زىمىرانداردى جەتىلدىرۋ جۇمىستارىنىڭ اياقتالعانىن حابارلادى. بۇعان دەيىن حابارلانعانداي, اقش, جاپونيا جانە وڭتۇستىك كورەيا كحدر-دىڭ راكەتا ۇشىرۋىنا بايلانىستى بۇۇ قاۋىپسىزدىك كەڭەسىنىڭ شۇعىل وتىرىسىن شاقىرۋدى تالاپ ەتتى.