جاھان نازارىن وزىنە اۋدارعان كورمە

بيىل استانادا وتەتىن ەكسپو-2017 حالىق­ارا­لىق كورمە­سى­نە بۇۇ باس حاتشى­لىعى اتىنان باس كوميسسار رەتىندە تاعايىندالۋ – مەن ءۇشىن ۇلكەن ابى­روي. بولاشاقتىڭ ەنەر­گياسى سالاسى­نا قول­داۋ كورسەتۋ ءۇشىن قازاقستاننىڭ ەكسپو تاقىرىبىن وسىلاي اتاعا­نىن جوعارى باعالايمىز. سونىمەن قا­تار, قازاقستاننىڭ كليمات جونىندەگى پاريج كە­لى­سى­مىنە قول قويعان مەملەكەتتەردىڭ ءبىرى ەكەنىن ەسكەر­سەك, قورشاعان ورتانى قورعاۋ سالاسىنا دا ەل­دىڭ قانشالىقتى قولداۋ كورسەتىپ وتىرعانىن كورەمىز. بۇگىننىڭ وزىندە قازاقستان قورشاعان ورتاعا كو­مىر­قىشقىل گازىن شىعارۋدى ازايتۋدا وزىندىك جوس­پارىن بەكىتىپ الدى. جالپى, بۇل كورمە قازاقستان ءۇشىن تۇراقتى دامۋعا ارنال­عان ەنەرگيا تاقىرىبىنا سەر­پىن بەرەتىن كەرەمەت مۇمكىن­دىك بولاتىنى ءسوزسىز ءارى ول ورنىقتى دامۋ ماقساتتارىنا قول جەتكىزۋدە سونشالىقتى ماڭىزدى بولىپ تابىلادى. ەكسپو-نىڭ كوپشىلىك ءۇشىن جەتىستىككە اينا­لا­تىنىنا جانە ءوڭىر­­لىك قانا ەمەس, الەم­دىك دەڭگەيدە دە جۇرت­شى­لىق نازارىن اۋدار­تاتىنىنا سەنىمدىمىن. ال ەكسپو كور­مەسى بىتكەننەن كەيىن دە جاسىل ەنەرگە­تيكا قازاقستان ەكونومي­كاسىنىڭ جەتەكشى سالا­لارىنىڭ بىرىنە اينالىپ, «جاسىل تەح­نو­لو­گيا­عا» الماسۋ ورتا­لىعىنا اينالادى دەپ ۇمىتتەنەمىز. سونداي-اق, بۇل كورمە وزگە ەلدەر ءۇشىن دە وسى سالادا وزىندىك يننوۆاتسيالارىن تانىستىرىپ, تاجىريبە الماساتىن الاڭ بولىپ قالاتىنى ءسوزسىز. بىرىككەن ۇلتتار ۇيىمى بۇل باستامانى قولدايدى جانە بولاشاقتىڭ ەنەرگياسى سالاسىنداعى باعدارلامالاردا ارىپتەستىك ورناتۋعا مۇددەلى. بۇۇ دامۋ باعدارلاماسى قازاقستانمەن تىعىز ءارىپ­تەستىك ورناتقان جانە ەلدىڭ دەموكراتيالىق ۇدەرىستەردى دامىتۋ باعىتىنداعى قادام­دارىنا قولداۋ كورسەتەدى. جيحان سۇلتانوعلۋ, بىرىككەن ۇلتتار ۇيىمى باس حاتشىسىنىڭ كومەكشىسى, بۇۇ دامۋ باعدارلاماسى ەۋروپا مەن تمد ەلدەرى بويىنشا وڭىرلىك بيۋروسىنىڭ ديرەكتورى, «بۇۇ ەكسپو-2017» حالىقارالىق مامانداندىرىلعان كورمەسىنىڭ باس كوميسسارى, ارنايى «ەگەمەن قازاقستان» ءۇشىن