قر اكىمشىلىك كودەكسى ىزگىلەندىرىلەتىن بولدى

قازاقستاندا اكىمشىلىك كودەكس ىزگىلەندىرىلەدى. بۇل تۋرالى بۇگىن قر ادىلەت مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى مارات بەكەتاەۆ مالىمدەدى, دەپ جازادى قازاقپارات. ونىڭ ايتۋىنشا, قازىرگى ۋاقىتتا مينيسترلىك مەملەكەتتىك مۇددەلى ورگاندارمەن, ۇكىمەتتىك ەمەس ۇيىمدارمەن, «اتامەكەن» ۇلتتىق كاسىپكەرلەر پالاتاسىمەن بىرگە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەگەن. «اتالعان زاڭ جوباسىندا اكىمشىلىك قۇقىق بۇزۋشىلىقتىڭ 150-دەن اسا قۇرامى بويىنشا ايىپپۇل سانكتسياسىنىڭ مولشەرىن ازايتۋ, سانكتسياسى ەسكەرتۋ تۇرىندەگى اكىمشىلىك جازانى كوزدەيتىن باپتاردى كوبەيتۋ, جەڭىلدەتەتىن ءمان-جاعداي انىقتالعان كەزدە سوتقا, ورگانعا لاۋازىمدى جانە زاڭدى تۇلعالارعا قاتىستى اكىمشىلىك ايىپپۇلدىڭ سوماسىن 30 پايىزعا دەيىن قىسقارتۋعا مۇمكىندىك بەرەتىن نورمالاردى قولدانۋ, توقتاتا تۇرۋعا نەگىز بولىپ تابىلاتىن بۇزۋشىلىقتاردى جويعان كەزدە رۇقسات بەرۋ ءىس-ارەكەتىن مەرزىمىنەن بۇرىن قايتا جاڭعىرتۋ ءتارتىبىن رەگلامەنتتەۋ ۇسىنىلعان», - دەدى بەكەتاەۆ. سونىمەن قاتار بەكەتاەۆتىڭ اتاپ وتۋىنشە, ادىلەت مينيسترلىگى قر پرەزيدەنتىنىڭ مەملەكەتتىك قىزمەت كورسەتۋ پروتسەستەرىن وڭتايلاندىرۋ جونىندەگى تاپسىرماسىن جوسپارلى تۇردە ورىنداۋدا.