2017 جىلى "قتج" تازا تابىسىن 29 ملرد تەڭگەگە جەتكىزبەك

«قازاقستان تەمىر جولى» ۇك» اكتسيونەرلىك قوعامىندا قر پرەمەر ءمينيسترىنىڭ ءبىرىنشى ورىنباسارى اسقار ءماميننىڭ توراعالىعىمەن ديرەكتورلار كەڭەسىنىڭ وتىرىسى ءوتتى, دەپ حابارلايدى ۇلتتىق كومپانيانىڭ ءباسپاسو قىزمەتى. وتىرىستا «قتج» ۇك» اق 2017-2021 جىلدارعا ارنالعان دامۋ جوسپارى بەكىتىلدى. 2016 جىلى «قازاقستان تەمىر جولى» ۇك» اق-نىڭ تازا تابىسى 28 ملرد. تەڭگەنى قۇراسا, كومپانيانىڭ تاسىمالداۋ مەن باسقا دا تۇرلەرىنەن كىرىسى 2016 جىلى 90 ملرد. تەڭگە بولعان. كومپانيانىڭ 2017-2021 جىلدارعا ارنالعان دامۋ جوسپارىندا بيىلعى 2017 جىلى تازا تابىستى 29 ملرد. تەڭگەگە جەتكىزۋ كوزدەلدى. ال, تاسىمالداۋ مەن باسقا دا قىزمەتتەردەن تۇسەتىن كىرىسىن 2017 جىلى 127 ملرد. تەڭگەگە جەتكىزۋ جوسپارلانىپ وتىر. 2017 جىلى كومپانيانىڭ جالپى جۇك اينالىمىن 188,7 ملرد. توننا-شاقىرىمعا جەتكىزۋ جوسپارلانىپ وتىر. 2016 جىلى جولاۋشىلار اينالىمى 18057 ملن. جولاۋشى-كم قۇرادى. 2017 جىلى جاڭا باعدارلاردىڭ ىسكە قوسىلۋىنا وراي, ونىڭ ىشىندە ەكسپو حالىقارالىق كورمەسى قارساڭىندا جولاۋشىلار اينالىمى بۇرىنعىدان ارتا تۇسەدى دەپ كۇتىلۋدە. 2017 جىلى قحر-ەو ەلدەرىنە ترانزيتتىك كونتەينەرلىك تاسىمالداۋ كولەمى 230 مىڭ جفە (جيىرما فۋتتىق ەكۆيۆالەنت) قۇراپ, 2016 جىلعى كورسەتكىشتەن 2,2 ەسەگە ارتاتىن بولادى.