لۋيس سۋارەس تاعى ءبىر ويىننان شەتتەتىلدى (ۆيدەو)

«بارسەلونا» فۋتبول كلۋبىنىڭ شابۋىلشىسى لۋيس سۋارەس يسپانيا كۋبوگىنىڭ جارتىلاي فينالىنداعى كەزدەسۋدەن سوڭ تورەشىلەردىڭ ادىلەتسىزدىگىنە نارازىلىعىن بىلدىرگەن بولاتىن. يسپانيا فۋتبول فەدەراتسياسى كوك-انارلى ءتۇستى كوماندانىڭ «اتلەتيكوعا» قارسى ماتچتا سۋارەستىڭ الاڭنان قۋىلۋىنا بايلانىستى جاساعان ارىزىن قابىل العان جوق. قايتا فينالدىق كەزدەسۋىنىڭ ۇستىنە تاعى ءبىر ويىننان شەتتەتۋ تۋرالى شەشىم قابىلدادى. بۇل تۋرالى football.ua حابارلايدى. بۇل ماتچتا 30-جاستاعى فۋتبولشى «اتلەتيكو» قاقپاسىنا ءبىر گول سوعىپ, كلۋبىنىڭ اقتىق سىنعا جولداما الۋىنا سەپتىگىن تيگىزگەن. الايدا, ويىننىڭ اياقتالۋىنا ساناۋلى مينۋتتار قالعاندا ەكىنشى ەسكەرتۋ قاعازىن الىپ, الاڭنان قۋىلدى. وسىعان بايلانىستى يسپانيا فۋتبول فەدەراتسياسى ۋرۋگۆايلىق فۋتبولشىنى 2 ماتچقا قاتىستىرماۋ تۋرالى شەشىم شىعاردى. لۋيس سۋارەس جاڭا شەشىمگە سايكەس, ەل كۋبوگىنىڭ فينالىنا جانە كەلەر ماۋسىمداعى العاشقى كۋبوكتىق ماتچقا قاتىسا المايدى.