وقو-دا "جاستار تەاترى" قۇرىلدى

وڭتۇستىك قازاقستان وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ «جاستار رەسۋرستىق ورتالىعى» كمم-ءنىڭ جانىنان «جاستار تەاترى» قۇرىلدى, دەپ حابارلادى وقو اكىمىنىڭ ءباسپاسوز قىزمەتى. جاڭا تەاتردىڭ العاشقى شىمىلدىعى  Ə.ورازبەكوۆتىڭ «ءبىر ءتۇپ الما اعاشى» دراماسى قويىلىمىمەن باستاۋ الدى. تەاتردىڭ كوركەمدىك جەتەكشىسى, ساحنا قوزعالىسى مامانى الماس شىماليەۆ بولسا, رەجيسسەرى - اكتەر شەبەرلىگىنىڭ مامانى اينا ەمكۋلوۆا, رەجيسسەردىڭ كومەكشىسى جانە تەاتردىڭ اكىمشىسى, ساحنا ءتىلى مامانى اققۋ قونىسپاەۆا بولىپ بەكىتىلدى. مۇنان بولەك, ونەر ۇجىمىندا م.اۋەزوۆ اتىنداعى وقمۋ-ءنىڭ «مادەني-تىنىعۋ جۇمىسى», «تەاتر ۇجىمىنا جەتەكشىلىك» ماماندىقتارى بويىنشا ءبىلىم الىپ جۇرگەن 30 ستۋدەنت ەرىكتىلەر جۇمىس ىستەپ, تاجىريبە جيناقتايتىن بولادى. الداعى ۋاقىتتا تەاتر جەتەكشىلىگى 14-29 جاس ارالىعىنداعى تەاتر ونەرىنە قىزىعۋشىلىعى بار جاستاردى ءوز قاتارىنا قابىلداماق. جاستار ۇجىمىنىڭ رەپەرتۋارىندا ونشاقتى كويىلىم بار. ەسكە سالايىق, جاقىندا عانا كۇردەلى جوندەۋدەن وتكەن «جاستار ورتالىعى» جانىنان ەرىكتىلەر مەكتەبى, رەجيسسەرلەر كومانداسى, جايدارمانشىلار توبى, جاس اقىندار كلۋبى, جۋرناليستەر مەن بلوگەرلەر كلۋبى, Street workout قوزعالىسى, حورەوگرافيا توبى, «Sulu models»  سان اگەنتتىگى  اشىلعان  بولاتىن.