1-تاراۋ. جالپى ەرەجەلەر 1-باپ. وسى زاڭدا پايدالانىلاتىن نەگىزگى ۇعىمدار وسى زاڭدا مىناداي نەگىزگى ۇعىمدار پايدالانىلادى: 1) ۆولونتەر – ۆولونتەرلىك قىزمەتتى جۇزەگە اسىراتىن جەكە تۇلعا; 2) ۆولونتەرلەر توبى – وسى زاڭدا بەلگىلەنگەن نورمالار قولدانىلاتىن, ۆولونتەرلىك قىزمەتتى بىرلەسىپ جۇزەگە اسىرۋ ماقساتىندا قۇرىلعان جەكە تۇلعالاردىڭ تىركەلمەگەن ەرىكتى قوعامداستىعى; 3) ۆولونتەرلىك اكتسيا – ۆولونتەرلىك ۇيىم جانە (نەمەسە) ۆولونتەرلەر جانە (نەمەسە) ۆولونتەرلەر توبى ورىندايتىن ناقتى الەۋمەتتىك باعىتتاعى, قوعامدىق پايدالى مىندەتتى شەشۋگە باعىتتالعان ءىس-شارا; 4) ۆولونتەرلىك باعدارلاما (جوبا) – ۆولونتەرلىك ۇيىم جانە (نەمەسە) ۆولونتەرلەر جانە (نەمەسە) ۆولونتەرلەر توبى ورىندايتىن ءىس-شارالار مەن كۇتىلەتىن ناتيجەلەر كورسەتىلە وتىرىپ, الەۋمەتتىك باعىتتاعى, قوعامدىق پايدالى مىندەتتەردى شەشۋگە باعىتتالعان جۇيەلى شارالار كەشەنى; 5) ۆولونتەرلىك قىزمەت – جەكە جانە (نەمەسە) زاڭدى تۇلعالاردىڭ مۇددەلەرىندە وتەۋسىز نەگىزدە جۇزەگە اسىرىلاتىن, الەۋمەتتىك باعىتتاعى ەرىكتى, ەرىك قالاۋىمەن ورىندالاتىن قوعامدىق پايدالى قىزمەت; 6) ۆولونتەرلىك قىزمەت سالاسىنداعى ۋاكىلەتتى ورگان – مەملەكەت پەن ازاماتتىق سەكتوردىڭ ءوزارا ءىس-قيمىلى سالاسىنداعى ورتالىق اتقارۋشى ورگان; 7) ۆولونتەرلىك قىزمەتتى ەسەپكە الۋ ءتىزىلىمى – ۆولونتەرلەر, ۆولونتەرلەر توپتارى, ۆولونتەرلىك ۇيىمدار, ۆولونتەرلىك قىزمەتتى ۇيلەستىرۋشىلەر مەن ۇيىمداستىرۋشىلار, ۆولونتەرلىك باعدارلامالار (جوبالار), ۆولونتەرلىك اكتسيالار, ولاردىڭ وتكىزىلۋ ورنى مەن ۋاقىتى, ولاردى وتكىزۋگە قويىلاتىن تالاپتار تۋرالى مالىمەتتەر قامتىلعان دەرەكتەر ءتىزىلىمى; 8) ۆولونتەرلىك قىزمەتتى ۇيىمداستىرۋشى – ۆولونتەرلەردى ءوزى دەربەس نە ۆولونتەرلىك ۇيىمدار ارقىلى تارتاتىن ورتالىق جانە جەرگىلىكتى اتقارۋشى ورگاندار, جەرگىلىكتى ءوزىن-ءوزى باسقارۋ ورگاندارى, وزگە دە ۇيىمدار, سونداي-اق جەكە تۇلعالار; 9) ۆولونتەرلىك ۇيىم – قازاقستان رەسپۋبليكاسىنىڭ زاڭدارىنا سايكەس قۇرىلعان جانە ۆولونتەرلىك قىزمەتتى جۇزەگە اسىراتىن كوممەرتسيالىق ەمەس ۇيىم ء(دىني بىرلەستىكتەردى, تۇتىنۋ كووپەراتيۆتەرىن, سونداي-اق ساياسي پارتيالار نەمەسە كاسىپتىك وداقتار نىسانىنداعى قوعامدىق بىرلەستىكتەردى قوسپاعاندا). 2-باپ. وسى زاڭنىڭ رەتتەۋ نىساناسى وسى زاڭدا كوزدەلگەن نىساندار مەن تۇرلەردە وتەۋسىز نەگىزدە جۇمىستاردى ورىنداۋ, قىزمەتتەر كورسەتۋ ارقىلى قوعامدىق پايدالى قىزمەتتى ەرىكتى جۇزەگە اسىرۋعا بايلانىستى تۋىندايتىن قوعامدىق قاتىناستار وسى زاڭنىڭ رەتتەۋ نىساناسى بولىپ تابىلادى. 3-باپ. قازاقستان رەسپۋبليكاسىنىڭ ۆولونتەرلىك قىزمەت تۋرالى زاڭناماسى 1. قازاقستان رەسپۋبليكاسىنىڭ ۆولونتەرلىك قىزمەت تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى. 2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا كوزدەلگەننەن وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى. 4-باپ. ۆولونتەرلىك قىزمەتتىڭ ماقساتتارى مەن مىندەتتەرى, نەگىزدەرى 1. ۆولونتەرلىك قىزمەتتىڭ ماقساتتارى: 1) جەكە جانە زاڭدى تۇلعالارعا كومەك كورسەتۋ, ازاماتتاردىڭ دەنساۋلىعىن ساقتاۋ, قورشاعان ورتانى قورعاۋ جانە ساقتاۋ, دەنە شىنىقتىرۋدى جانە سپورتتى دامىتۋ, سونداي-اق قوعامدىق يگىلىكتەردى قامتاماسىز ەتۋگە باعىتتالعان باسقا دا ماقساتتار; 2) قوعامدا ازاماتتىق ۇستانىمدى, ءوزىن-ءوزى ۇيىمداستىرۋدى, الەۋمەتتىك جاۋاپكەرشىلىك, ىنتىماق, ءوزارا كومەك جانە مەيىرىمدىلىك سەزىمىن قالىپتاستىرۋ بولىپ تابىلادى. 2. ۆولونتەرلىك قىزمەتتىڭ مىندەتتەرىنە: 1) قوعامعا الەۋمەتتىك مىندەتتەردى شەشۋگە كومەكتەسۋ; 2) ۆولونتەرلىك قىزمەتتى ۇيىمداستىرۋعا باعىتتالعان ازاماتتىق باستامالاردى دامىتۋ جانە قولداۋ; 3) حالىقتىڭ ءارتۇرلى نىسانالى توپتارىمەن جانە ساناتتارىمەن ءوزارا ءىس-قيمىل جاساۋدا ۆولونتەرلىك قىزمەتتىڭ ءرولىن ارتتىرۋ جونىندەگى شارالاردى ازىرلەۋ جانە ىسكە اسىرۋ; 4) ۆولونتەرلەرگە كونسۋلتاتسيا بەرۋدى, اقپارات بەرۋدى جانە ادىستەمەلىك سۇيەمەلدەۋدى ۇيىمداستىرۋ جانە جۇرگىزۋ; 5) ۆولونتەرلەر توپتارىن – جوبا ءىس-شارالارىن ورىنداۋشىلاردى جاساقتاۋ; 6) ۆولونتەرلىك قىزمەتكە وقىتۋدى ۇيىمداستىرۋ جاتادى. 3. ۆولونتەرلىك قىزمەت ساياسي پارتيالاردى جانە ءدىني بىرلەستىكتەردى قولداۋعا باعىتتالمايدى. 4. كەز كەلگەن نىساندار مەن كورىنىستەردەگى تەرروريزمدى, ەكسترەميزمدى جانە سەپاراتيزمدى كوزدەيتىن ۆولونتەرلىك قىزمەتكە تىيىم سالىنادى. 5. اسكەريلەندىرىلگەن قۇرىلىمى, نىسانى, ارناۋلى ايىرىم بەلگىلەرى, ءانۇراندارى, جالاۋلارى, جالاۋشالارى, ىشكى ءتارتىپ پەن باسقارۋدىڭ ەرەكشە جاعدايلارى, قارۋى, سونىڭ ىشىندە يميتاتسيالىق قارۋى بار اسكەريلەندىرىلگەن قۇرالىمدار ۇلگىسى بويىنشا ۆولونتەرلىك ۇيىمداردى قازاقستان رەسپۋبليكاسىنىڭ اۋماعىندا قۇرۋعا تىيىم سالىنادى. 5-باپ. ۆولونتەرلىك قىزمەتتىڭ قاعيداتتارى 1. ۆولونتەرلىك قىزمەت: 1) ۆولونتەرلەر قىزمەتىنىڭ وتەۋسىزدىگى, ەرىكتىلىگى, تەڭ قۇقىقتىلىعى مەن زاڭدىلىعى; 2) وسى زاڭدا بەلگىلەنگەن ۆولونتەرلىك قىزمەتتىڭ ماقساتتارىن, نىساندارىن, تۇرلەرى مەن ادىستەرىن ايقىنداۋداعى, باعىتتارىن تاڭداۋداعى ەركىندىك; 3) ۆولونتەرلىك قىزمەت تۋرالى اقپاراتتىڭ جاريالىلىعى جانە جالپىعا بىردەي قولجەتىمدىلىگى; 4) ۆولونتەرلىك قىزمەتكە قاتىسۋشى ادامداردىڭ ىنتىماعى, ادالدىعى مەن ىنتىماقتاستىعى; 5) ءومىر مەن دەنساۋلىق قاۋىپسىزدىگى; 6) وسى سالاداعى تەڭ قۇقىلى جانە ءوزارا ءتيىمدى حالىقارالىق ىنتىماقتاستىق قاعيداتتارىنا سايكەس جۇزەگە اسىرىلادى. 2. ۆولونتەرلىك قىزمەت مەملەكەتتىك ورگانداردىڭ جانە جەرگىلىكتى ءوزىن-ءوزى باسقارۋ ورگاندارىنىڭ ءوز وكىلەتتىكتەرىن جۇزەگە اسىرۋى بويىنشا قىزمەتىن الماستىرمايدى. 6-باپ. ۆولونتەرلىك قىزمەتتىڭ نىساندارى مەن تۇرلەرى 1. ۆولونتەرلىك قىزمەت: 1) جەكە-دارا ۆولونتەرلىك قىزمەت; 2) ۆولونتەرلەر توبى قۇرامىنداعى ۆولونتەرلىك قىزمەت; 3) ۆولونتەرلىك ۇيىم ارقىلى ۆولونتەرلىك قىزمەت نىسانىندا جۇزەگە اسىرىلۋى مۇمكىن. 2. ۆولونتەرلىك قىزمەتتىڭ نەگىزگى تۇرلەرى: 1) الەۋمەتتىك كومەك, حالىقتىڭ الەۋمەتتىك جاعىنان قورعالماعان توپتارىنا, ومىرلىك قيىن جاعدايعا تاپ بولعان بالالارعا كومەك كورسەتۋگە قاتىسۋ; 2) قارتتارعا, مۇگەدەكتەرگە الەۋمەتتىك قىزمەت كورسەتۋ, مۇگەدەكتەر ءۇشىن ورتانىڭ قولجەتىمدىلىگىن ۇيىمداستىرۋ, جەتىم بالالاردى جانە اتا-اناسىنىڭ قامقورلىعىنسىز قالعان بالالاردى الەۋمەتتىك بەيىمدەۋ, ينتەگراتسيالاۋ جانە تاربيەلەۋ جونىندەگى جۇمىسقا جاردەمدەسۋ; 3) دۇلەي ءزىلزالالار, ەكولوگيالىق, تەحنوگەندىك جانە باسقا دا اپاتتار, الەۋمەتتىك شيەلەنىستەر, جازاتايىم وقيعالار سالدارىنان زارداپ شەككەن ادامدارعا, قۇقىق بۇزۋشىلىقتار قۇرباندارىنا, بوسقىندارعا جانە شاراسىزدان قونىس اۋدارۋشىلارعا, سونداي-اق سىرتتان جاسالاتىن كومەك پەن قولداۋعا مۇقتاج ادامداردىڭ وزگە دە ساناتتارى مەن توپتارىنا كومەك كورسەتۋگە قاتىسۋ; 4) ورتالىق جانە جەرگىلىكتى اتقارۋشى ورگاندارعا توتەنشە جاعدايلاردىڭ الدىن الۋعا جانە سالدارلارىن جويۋعا جاردەم كورسەتۋ; 5) حابارسىز كەتكەن ادامداردى, ۇلى وتان سوعىسى مەن وقشاۋ سوعىستارعا قاتىسۋشىلاردىڭ سۇيەكتەرىن ىزدەۋگە قاتىسۋ; 6) قورشاعان ورتانى قورعاۋعا جانە ساقتاۋعا, اۋماقتاردى اباتتاندىرۋعا قاتىسۋ; 7) تاريحي جانە مادەني مۇرانى ساقتاۋ, تاريحي-مادەني مەكەندەۋ ورتاسىن قالپىنا كەلتىرۋ مەن ساقتاۋ ءۇشىن مۇمكىندىكتەر جاساۋعا قاتىسۋ; 8) ءبىلىم بەرۋدى, عىلىمدى, مادەنيەتتى دامىتۋعا, ءبىلىمدى تانىمال ەتۋگە, يننوۆاتسيالاردى دامىتۋعا قاتىسۋ; 9) دەنە شىنىقتىرۋدى, سپورت پەن بەلسەندى دەمالىستى دامىتۋ مەن تانىمال ەتۋگە, وڭىرلىك, وڭىرارالىق, رەسپۋبليكالىق قوعامدىق جانە حالىقارالىق دەنە شىنىقتىرۋ جانە سپورتتىق ءىس-شارالاردى ۇيىمداستىرۋ مەن وتكىزۋگە قاتىسۋ; 10) سالاماتتى ءومىر سالتىن ناسيحاتتاۋ بويىنشا جۇمىس جۇرگىزۋ, الەۋمەتتىك ءمانى بار اۋرۋلاردىڭ تارالۋىنا قارسى ءىس-قيمىل جونىندەگى پروفيلاكتيكالىق جۇمىستى ۇيىمداستىرۋ جانە جۇرگىزۋ; 11) ەگەر قازاقستان رەسپۋبليكاسىنىڭ زاڭدارىندا وزگەشە بەلگiلەنبەسە, ۆولونتەرلىك لاگەرلەر قىزمەتىن قوسا العاندا, وڭىرلىك, وڭىرارالىق, رەسپۋبليكالىق جانە حالىقارالىق مادەني, بۇقارالىق جانە باسقا دا ويىن-ساۋىق جانە قوعامدىق ءىس-شارالاردى ۇيىمداستىرۋ مەن وتكىزۋگە قاتىسۋ, ارحەولوگيالىق قازبالارعا, تاريحي عيماراتتاردىڭ قاسبەتتەرىن قالپىنا كەلتىرۋگە, مۇمكىندىگى شەكتەۋلى بالالارعا ارنالعان جازعى ساۋىقتىرۋ لاگەرلەرىنىڭ جۇمىسىنا, كونگرەسس-كورمە قىزمەتىنە قاتىسۋ; 12) حالىقتار اراسىنداعى تاتۋلىقتى, دوستىق پەن كەلىسىمدى نىعايتۋعا, الەۋمەتتىك, ۇلتارالىق, ەتنوسارالىق, ءدىني شيەلەنىستەردى بولعىزباۋعا قاتىسۋ; 13) ۆولونتەرلىك قىزمەتتىڭ قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە تۇرلەرى بولىپ تابىلادى. 2-تاراۋ. ۆولونتەرلىك قىزمەت سالاسىنداعى مەملەكەتتىك رەتتەۋ 7-باپ. قازاقستان رەسپۋبليكاسى ۇكىمەتىنىڭ ۆولونتەرلىك قىزمەت سالاسىنداعى قۇزىرەتى قازاقستان رەسپۋبليكاسىنىڭ ۇكىمەتى: 1) ۆولونتەرلىك قىزمەت سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ولاردىڭ جۇزەگە اسىرىلۋىن ۇيىمداستىرادى; 2) وزىنە كونستيتۋتسيامەن, قازاقستان رەسپۋبليكاسىنىڭ زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى ورىندايدى. 8-باپ. قازاقستان رەسپۋبليكاسىنىڭ ورتالىق اتقارۋشى ورگاندارىنىڭ ۆولونتەرلىك قىزمەت سالاسىنداعى قۇزىرەتى 1. قازاقستان رەسپۋبليكاسىنىڭ ورتالىق اتقارۋشى ورگاندارى ءوز قۇزىرەتى شەگىندە: 1) ۆولونتەرلىك قىزمەت سالاسىنداعى مەملەكەتتىك ساياساتتى ىسكە اسىرادى; 2) ۆولونتەرلىك قىزمەتتى قولداۋ مەن ىنتالاندىرۋ تەتىكتەرىن ازىرلەيدى; 3) ۆولونتەرلىك قىزمەت سالاسىندا حالىقارالىق ىنتىماقتاستىقتى دامىتۋعا جانە تاجىريبە الماسۋعا جاردەمدەسەدى; 4) ۆولونتەرلىك باعدارلامالاردى (جوبالاردى) ىسكە اسىرۋعا قاتىسۋعا جانە ۆولونتەرلىك اكتسيالاردى وتكىزۋگە ۆولونتەرلىك ۇيىمدار مەن ۆولونتەرلەردى تارتۋ ءتارتىبى جونىندە ۇسىنىمدار ازىرلەيدى; 5) ۆولونتەرلىك قىزمەت سالاسىندا جەكە, زاڭدى تۇلعالارمەن جانە مەملەكەتتىك ورگاندارمەن ءوزارا ءىس-قيمىل جاسايدى; 6) ۆولونتەرلىك باعدارلامالاردىڭ (جوبالاردىڭ) جانە ۆولونتەرلىك اكتسيالاردىڭ ىسكە اسىرىلۋىنىڭ مونيتورينگىن جۇزەگە اسىرادى; 7) ۆولونتەرلىك قىزمەت پراكتيكاسىن تالدايدى, جيىنتىقتاۋ مەن جيناقتاپ قورىتۋدى جۇزەگە اسىرادى; 8) ۆولونتەرلىك قىزمەتتى ەسەپكە الۋ تىزىلىمدەرىن جۇرگىزەدى; 9) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى. 2. ورتالىق اتقارۋشى ورگاندار وزدەرىنىڭ ينتەرنەت-رەسۋرستارىندا ۆولونتەرلىك قىزمەتتى ەسەپكە الۋ تىزىلىمدەرىن ورنالاستىرادى. 9-باپ. ۆولونتەرلىك قىزمەت سالاسىنداعى ۋاكىلەتتى ورگاننىڭ قۇزىرەتى ۆولونتەرلىك قىزمەت سالاسىنداعى ۋاكىلەتتى ورگان: 1) ۆولونتەرلىك قىزمەت سالاسىنداعى مەملەكەتتىك ساياساتتى ىسكە اسىرادى; 2) قازاقستان رەسپۋبليكاسىنداعى ۆولونتەرلىك قىزمەت تۋرالى اقپاراتتى جيىنتىقتاۋ مەن جيناقتاپ قورىتۋدى جۇزەگە اسىرادى; 3) ۆولونتەرلىك قىزمەتتى ەسەپكە الۋ ءتىزىلىمىن جۇرگىزۋ جونىندەگى ۇلگىلىك قاعيدالاردى ازىرلەيدى جانە بەكىتەدى; 4) ۆولونتەرلىك باعدارلامالاردى (جوبالاردى) ىسكە اسىرۋعا قاتىسۋعا جانە ۆولونتەرلىك اكتسيالاردى وتكىزۋگە ۆولونتەرلىك ۇيىمدار مەن ۆولونتەرلەردى تارتۋ ءتارتىبى جونىندە ۇسىنىمدار ازىرلەيدى; 5) ۆولونتەرلىك باعدارلامالاردىڭ (جوبالاردىڭ) جانە ۆولونتەرلىك اكتسيالاردىڭ ىسكە اسىرىلۋىنىڭ مونيتورينگىن جۇزەگە اسىرۋدىڭ ۇلگىلىك قاعيدالارىن ازىرلەيدى جانە بەكىتەدى; 6) ۆولونتەرلىك قىزمەت سالاسىندا جەكە, زاڭدى تۇلعالارمەن جانە مەملەكەتتىك ورگاندارمەن ءوزارا ءىس-قيمىل جاسايدى; 7) ۆولونتەرلىك قىزمەتتىڭ مونيتورينگىن جۇزەگە اسىرۋ قاعيدالارىن ازىرلەيدى جانە بەكىتەدى; 8) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى. 10-باپ. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ قۇزىرەتى 1. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى ءوز قۇزىرەتى شەگىندە: 1) ۆولونتەرلىك قىزمەت سالاسىنداعى مەملەكەتتىك ساياساتتى ىسكە اسىرادى; 2) ۆولونتەرلىك قىزمەت سالاسىندا جەكە, زاڭدى تۇلعالارمەن جانە مەملەكەتتىك ورگاندارمەن ءوزارا ءىس-قيمىل جاسايدى; 3) ۆولونتەرلىك قىزمەتتىڭ مونيتورينگىن جۇزەگە اسىرادى; 4) ۆولونتەرلىك قىزمەت پراكتيكاسىن تالداۋدى, جيىنتىقتاۋ مەن جيناقتاپ قورىتۋدى جۇزەگە اسىرادى; 5) جەرگىلىكتى مەملەكەتتىك باسقارۋ مۇددەلەرىندە قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلەتىن وزگە دە وكىلەتتىكتەردى جۇزەگە اسىرادى. 2. اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى ءوز قۇزىرەتى شەگىندە: 1) ۆولونتەرلىك قىزمەت سالاسىنداعى مەملەكەتتىك ساياساتتى ىسكە اسىرادى; 2) ۆولونتەرلىك قىزمەت سالاسىندا جەكە, زاڭدى تۇلعالارمەن جانە مەملەكەتتىك ورگاندارمەن ءوزارا ءىس-قيمىل جاسايدى; 3) ۆولونتەرلىك قىزمەتتىڭ مونيتورينگىن جۇزەگە اسىرادى; 4) ۆولونتەرلىك قىزمەت پراكتيكاسىن تالداۋدى, جيىنتىقتاۋ مەن جيناقتاپ قورىتۋدى جۇزەگە اسىرادى; 5) ۆولونتەرلىك قىزمەت جۇيەسىن دامىتۋ جونىندە شارالار قولدانادى; 6) جەرگىلىكتى مەملەكەتتىك باسقارۋ مۇددەلەرىندە قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلەتىن وزگە دە وكىلەتتىكتەردى جۇزەگە اسىرادى. 11-باپ. جەرگىلىكتى ءوزىن-ءوزى باسقارۋ ورگاندارىنىڭ ۆولونتەرلىك قىزمەت سالاسىنداعى وكىلەتتىكتەرى جەرگىلىكتى ءوزىن-ءوزى باسقارۋ ورگاندارىنىڭ ۆولونتەرلىك قىزمەت سالاسىنداعى وكىلەتتىكتەرىنە: 1) ۆولونتەرلىك قىزمەت سالاسىنداعى مەملەكەتتىك ساياساتتى جۇزەگە اسىرۋعا قاتىسۋ; 2) جاستاردىڭ جاپپاي ۆولونتەرلىك اكتسيالارىن قولداۋدى جۇزەگە اسىرۋ; 3) ۆولونتەرلىك ۇيىمداردىڭ اقپاراتتىق جۇيەسىندە ۆولونتەرلىك باعدارلامالار (جوبالار) جانە اكتسيالار تۋرالى اقپاراتتى ورنالاستىرۋ; 4) قازاقستان رەسپۋبليكاسىنىڭ زاڭناماسىندا ايقىندالعان وزگە دە وكىلەتتىكتەر جاتادى. 3-تاراۋ. ۆولونتەرلىك قىزمەتتى ۇيىمداستىرۋ جانە قولداۋ 12-باپ. ۆولونتەر 1. ۆولونتەرلىك قىزمەتتى ون سەگىز جاسقا تولعان جەكە تۇلعالار جۇزەگە اسىرا الادى. 2. ون سەگىز جاسقا تولماعان جەكە تۇلعالار ۆولونتەرلىك قىزمەتتى ولاردىڭ دەنساۋلىعىنا جانە يماندىلىق تۇرعىسىنان دامۋىنا زيان كەلتىرمەيتىن جانە وقۋ پروتسەسىن بۇزبايتىن جاعدايدا جۇزەگە اسىرادى. ون ءتورت جاسقا تولماعان جەكە تۇلعالار ۆولونتەرلىك قىزمەتكە اتا-اناسىنىڭ (وزگە دە زاڭدى وكىلدەرىنىڭ) جازباشا كەلىسىمىمەن نەمەسە ولارمەن بىرگە ىلەسىپ جۇرۋىمەن قاتىسادى. توتەنشە جاعدايلاردىڭ الدىن الۋ جانە سالدارلارىن جويۋ جونىندەگى جۇمىستاردى جۇرگىزۋگە ون سەگىز جاستان اسقان ۆولونتەرلەر عانا جىبەرىلەدى. 3. ۆولونتەردىڭ: 1) وسى زاڭدا, قازاقستان رەسپۋبليكاسىنىڭ وزگە دە زاڭنامالىق اكتىلەرىندە بەلگىلەنگەن تالاپتاردى ەسكەرە وتىرىپ, ۆولونتەرلىك قىزمەتتى جۇزەگە اسىرۋعا ءوزىنىڭ قاتىسۋىن ەركىن تاڭداۋعا; 2) ەگەر ۆولونتەر مەن ۆولونتەرلىك ۇيىم اراسىندا جاسالعان ازاماتتىق-قۇقىقتىق شارتتا وزگەشە كوزدەلمەسە جانە بۇل جەكە تۇلعالاردىڭ ءومىرى مەن دەنساۋلىعىنا تىكەلەي زيان كەلتىرۋگە, م ۇلىكتىك نۇقساننىڭ تۋىنداۋىنا الىپ كەلمەسە, ۆولونتەرلىك قىزمەتتى كەز كەلگەن ۋاقىتتا ەركىن توقتاتۋعا; 3) ۆولونتەرلىك قىزمەتتىڭ ماقساتتارى, مىندەتتەرى جانە مازمۇنى تۋرالى, ۆولونتەرلىك قىزمەتتى ۇيىمداستىرۋشى تۋرالى, ۆولونتەرلىك ۇيىم, ونىڭ باسشىلىعى, قىزمەتىنىڭ قاعيداتتارى تۋرالى جانە ۇيىمدىق قۇرىلىسى تۋرالى انىق اقپارات الۋعا; 4) ۆولونتەرلىك باعدارلامالاردى (جوبالاردى) ورىنداۋعا جانە ۆولونتەرلىك اكتسيالار مەن ۆولونتەرلىك قىزمەتتى جۇزەگە اسىرۋ ءۇشىن ۇيىمداستىرىلاتىن, باستاما جاسالاتىن نەمەسە ۇسىنىلاتىن وزگە دە ءىس-شارالاردى وتكىزۋگە; 5) ۆولونتەرمەن جازباشا نىساندا جاسالعان ازاماتتىق-قۇقىقتىق شارتتا كوزدەلگەن جاعدايدا, ارناۋلى كيىم الۋعا جانە جول جۇرۋگە, تۇرۋعا, تاماقتانۋعا, قاجەتتى جەكە قورعانىش قۇرالدارىن, قۇرال-سايمانداردى ساتىپ الۋعا ارنالعان شىعىستاردى جانە قاۋىپتى, زياندى جانە قولايسىز وندىرىستىك فاكتورلارمەن بايلانىستى جۇمىستاردى ورىنداۋ كەزىندەگى وزگە دە شىعىنداردى وتەتۋگە; 6) ۆولونتەرلىك قىزمەتتى ۇيىمداستىرۋشىدان جانە ۆولونتەرلىك ۇيىمنان ۇسىنىم حاتتاردى الۋعا; 7) قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جۇرگىزىلگەن جاعدايدا, اقپاراتتىق رەسۋرستارعا ءوزى جۇزەگە اسىرعان ۆولونتەرلىك قىزمەت تۋرالى, ونىڭ جۇزەگە اسىرىلۋ ورنى مەن ساعات سانى, كوتەرمەلەۋلەر, ءوزى العان قوسىمشا دايىندىق, قولداۋ جانە كوتەرمەلەۋ شارالارىن الۋ قۇقىعى تۋرالى مالىمەتتەردى, وزگە دە مالىمەتتەردى ەنگىزۋگە; 8) ۆولونتەرلىك قىزمەتتى جۇزەگە اسىرۋ ءۇشىن ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, مادەنيەت, سپورت ۇيىمدارىنا جانە تابيعات قورعاۋ مەن ورمان مەكەمەلەرىنىڭ اۋماعىنا وسى ۇيىمداردىڭ باسشىلىعىمەن كەلىسۋ بويىنشا كىرۋگە; 9) حالىقتى جۇمىسپەن قامتۋعا جاردەمدەسۋگە قاتىسۋعا قۇقىعى بار. 4. ۆولونتەر: 1) ۆولونتەرلەردى ۇيلەستىرۋشىدەن العان تاپسىرمالاردى ادال ورىنداۋعا, ال اياقتالعان سوڭ ولاردىڭ ورىندالعانى تۋرالى ۆولونتەرلەردى ۇيلەستىرۋشىنى حاباردار ەتۋگە; 2) ازاماتتاردىڭ جانە ۇيىمداردىڭ قۇقىقتارى مەن زاڭدى مۇددەلەرىن بۇزباۋعا, ۆولونتەرلىك قىزمەتتى ۇيىمداستىرۋشىنىڭ ءوز قۇزىرەتىنە سايكەس بەرگەن وكىمدەرىن ورىنداۋعا; 3) ۆولونتەرلىك قىزمەتتى قاۋىپسىز ورىنداۋ قاعيداتتارىن ساقتاۋعا, ءوزىنىڭ قىزمەتىمەن ءۇشىنشى تۇلعالارعا جانە قورشاعان ورتاعا زيان كەلتىرمەۋگە; 4) ۆولونتەرلىك قىزمەت پروتسەسىندە ۆولونتەر قول جەتكىزەتىن اقپاراتتىڭ قۇپيالىعىن ساقتاۋعا; 5) ۆولونتەرلىك قىزمەتتى جۇزەگە اسىرۋ بويىنشا ءوز مىندەتتەرىن ورىنداۋدى ۆولونتەرلەردى ۇيلەستىرۋشىنىڭ كەلىسىمىنسىز وزگە ادامدارعا بەرمەۋگە; 6) ۆولونتەرلىك قىزمەتتى جۇزەگە اسىرۋ پروتسەسىندە وزىنە بەرىلگەن ماتەريالدىق رەسۋرستار مەن جابدىققا ۇقىپتى قاراۋعا جانە جۇمىس اياقتالعاننان كەيىن ولاردى قايتارۋعا; 7) مەملەكەتتىك بيلىك ورگاندارى مەن جەرگىلىكتى ءوزىن-ءوزى باسقارۋ ورگاندارى لاۋازىمدى ادامدارىنىڭ وكىلەتتىكتەرىنىڭ ىسكە اسىرىلۋىنا كەدەرگى كەلتىرمەۋگە مىندەتتى. 13-باپ. ۆولونتەرلەردى ۇيلەستىرۋشى 1. ۆولونتەرلەردى ۇيلەستىرۋشىنى ۆولونتەرلىك قىزمەتتى ۇيىمداستىرۋشى نەمەسە ۆولونتەرلىك باعدارلامانى (جوبانى) نەمەسە ۆولونتەرلىك اكتسيانى ىسكە اسىرۋعا جاۋاپتى ۆولونتەرلىك ۇيىم تاعايىندايدى نە ۆولونتەرلەر توبىنىڭ قۇرامىنا كىرەتىن ۆولونتەرلەر وزدەرىنىڭ اراسىنان سايلايدى. 2. ۆولونتەرلەردى ۇيلەستىرۋشى ۆولونتەرلەرگە نۇسقاۋ بەرەدى, ولاردىڭ اراسىندا جۇمىستى بولەدى, ءار ۆولونتەردىڭ جۇمىس ورنى مەن كولەمىن ايقىندايدى, ونىڭ جۇمىستى ورىنداۋىن باقىلايدى. 3. ۆولونتەرلەردى ۇيلەستىرۋشى مەملەكەتتىك ورگاندارمەن, جەرگىلىكتى ءوزىن-ءوزى باسقارۋ ورگاندارىمەن, ۆولونتەرلىك قىزمەتتىڭ وزگە دە ۇيىمداستىرۋشىلارىمەن جانە وزگە دە ۆولونتەرلىك ۇيىمدارمەن, سونداي-اق ۆولونتەرلەر توپتارىمەن ءوزارا ءىس-قيمىل جاسايدى. 4. ۆولونتەرلەردى ۇيلەستىرۋشى جۇمىستاردى ورىنداۋدىڭ قاۋىپسىز ادىستەرى مەن تاسىلدەرىنە جانە جازاتايىم وقيعالاردان زارداپ شەككەندەرگە العاشقى كومەك كورسەتۋگە ۆولونتەرلەردى وقىتۋدى قامتاماسىز ەتەدى. 14-باپ. ۆولونتەرلىك ۇيىم 1. ۆولونتەرلىك ۇيىم ۆولونتەرلىك باعدارلامالاردى (جوبالاردى) ازىرلەيدى جانە ىسكە اسىرادى جانە ۆولونتەرلىك قىزمەتتى ۇيىمداستىرۋشىمەن, باسقا دا ۆولونتەرلىك ۇيىمدارمەن بىرلەسىپ نەمەسە ۆولونتەرلەردى ءوزى دەربەس تارتا وتىرىپ, ۆولونتەرلىك اكتسيالار وتكىزەدى. 2. ۆولونتەرلىك باعدارلامانىڭ (جوبانىڭ) ماقساتى ۆولونتەرلەردى پايدالانا وتىرىپ ىسكە اسىرىلاتىن الەۋمەتتىك ماڭىزدى مىندەتتەردى شەشۋگە باعىتتالعان ءىس-شارالار كەشەنىن بەكىتۋ بولىپ تابىلادى. 3. ۆولونتەرلىك باعدارلامانىڭ (جوبانىڭ) نەگىزگى مىندەتتەرى: 1) ۆولونتەرلىك قىزمەتتى دامىتۋ; 2) ازاماتتاردىڭ جانە ۆولونتەرلىك ۇيىمداردىڭ ۆولونتەرلىك بەلسەندىلىگىن ىنتالاندىرۋ جۇيەسىن دامىتۋ; 3) ۆولونتەرلەردى جانە ۆولونتەرلەردى ۇيلەستىرۋشىلەردى دايارلاۋ جۇيەسىن جەتىلدىرۋ; 4) ۆولونتەرلىك ەڭبەكتى پايدالاناتىن ءارتۇرلى ۆولونتەرلىك ۇيىمدار جانە وزگە دە قوعامدىق بىرلەستىكتەر مەن كوممەرتسيالىق ەمەس ۇيىمدار اراسىندا ارىپتەستىك ءوزارا ءىس-قيمىل جۇيەسىن جەتىلدىرۋ بولىپ تابىلادى. 4. ۆولونتەرلىك ۇيىم قىزمەتىن وسى زاڭنىڭ 13-بابىنا سايكەس جۇزەگە اسىراتىن ۆولونتەرلەردى ۇيلەستىرۋشىنى تاعايىندايدى. 5. ۆولونتەرلىك ۇيىمنىڭ ۆولونتەرلەردى ارنايى سەمينارلار, تىڭداۋلار, جۇمىس كەزدەسۋلەرىن, ۆولونتەرلەردىڭ سلەتتەرىن وتكىزۋگە وقىتۋ ءۇشىن ءبىلىم بەرۋ قىزمەتىن جۇزەگە اسىراتىن ۇيىمداردى تارتۋعا قۇقىعى بار. 6. ۆولونتەرلىك ۇيىم ءوزى بەلگىلەگەن تارتىپپەن ۆولونتەرلەردى كوتەرمەلەۋدى جۇزەگە اسىرادى, سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن كوتەرمەلەۋ جانە (نەمەسە) ناگرادتاۋ ءۇشىن اناعۇرلىم ەرەكشەلەنگەن ۆولونتەرلەردىڭ كانديداتۋرالارىن ۆولونتەرلىك قىزمەتتى ۇيىمداستىرۋشىعا, سونداي-اق ۆولونتەرلىك قىزمەتتى ۇيىمداستىرۋشىلار بولىپ تابىلمايتىن مەملەكەتتىك ورگاندارعا ۇسىنادى. 7. ۆولونتەرمەن جازباشا نىساندا جاسالعان ازاماتتىق-قۇقىقتىق شارتتا كوزدەلگەن جاعدايلاردا, ۆولونتەرلىك ۇيىم ۆولونتەرگە ارناۋلى كيىم بەرەدى جانە ونىڭ ناقتى تۇراتىن جەرىنەن جول جۇرۋىنە, تۇرۋىنا, تاماقتانۋىنا, قاجەتتى جەكە قورعانىش قۇرالدارىن, قۇرال-سايمانداردى ساتىپ الۋعا ارنالعان شىعىستارىن جانە قاۋىپتى, زياندى جانە قولايسىز وندىرىستىك فاكتورلارمەن بايلانىستى جۇمىستاردى ورىنداۋ كەزىندەگى وزگە دە شىعىندارىن وتەيدى. 8. ۆولونتەرلىك ۇيىم ۆولونتەردىڭ ادەپ كودەكسىن ازىرلەيدى جانە بەكىتەدى. 15-باپ. ۆولونتەرلىك قىزمەتتى ۇيىمداستىرۋشى 1. ۆولونتەرلىك قىزمەتتى ۇيىمداستىرۋشى: 1) ۆولونتەرلىك باعدارلامالاردى (جوبالاردى) ىسكە اسىرۋدى جانە ۆولونتەرلىك اكتسيالاردى وتكىزۋدى ۇيىمداستىرادى; 2) ۆولونتەرلىك قىزمەتتى قولداۋ مەن ىنتالاندىرۋدىڭ مەملەكەتتىك باعدارلامالارىن, ەگەر بۇل وسى باعدارلامالاردا كوزدەلسە, ىسكە اسىرۋعا قاتىسادى; 3) ۆولونتەرلىك ۇيىمعا جانە (نەمەسە) ۆولونتەرگە جوسپارلاناتىن جانە جۇزەگە اسىرىلاتىن ۆولونتەرلىك باعدارلامالار (جوبالار) جانە ۆولونتەرلىك اكتسيالار, ولارعا قاتىسۋشىلاردىڭ سانى, ولاردىڭ وتكىزىلۋ ورنى مەن ۋاقىتى, ولاردى وتكىزۋگە قويىلاتىن تالاپتار تۋرالى اقپاراتتى, سونىڭ ىشىندە وزدەرىنىڭ ينتەرنەت-رەسۋرستارىنا ورنالاستىرۋ ارقىلى بەرەدى; 4) ۆولونتەرلىك قىزمەتتى جۇزەگە اسىرۋ ءۇشىن ۆولونتەرگە جاعداي جاسايدى; 5) ۆولونتەرلىك ۇيىمعا جانە (نەمەسە) ۆولونتەرگە ۇسىنىم حات بەرەدى. 16-باپ. ۆولونتەرلىك قىزمەتتى ەسەپكە الۋ ءتىزىلىمى 1. ۆولونتەرلىك قىزمەتتى ۇيىمداستىرۋدى رەتكە كەلتىرۋ ماقساتىندا ۆولونتەرلىك قىزمەتتى ەسەپكە الۋ ءتىزىلىمى جۇرگىزىلەدى. 2. ۆولونتەرلىك قىزمەتتى ەسەپكە الۋ حابارلامالىق سيپاتتا بولادى. 3. ۆولونتەرلىك قىزمەت تۋرالى مالىمەتتەر جالپىعا قولجەتىمدى بولىپ تابىلادى. 17-باپ. ۆولونتەرلىك قىزمەتتى قولداۋ جانە قارجىلىق قامتاماسىز ەتۋ 1. ۆولونتەرلىك قىزمەتتى قولداۋ شارالارى قايىرىمدىلىق كومەك تۇرىندە مىناداي نىسانداردا جۇزەگە اسىرىلۋى مۇمكىن: 1) ماتەريالدىق-تەحنيكالىق قامتاماسىز ەتۋ; 2) م ۇلىكتىك قامتاماسىز ەتۋ; 3) قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە قولداۋ نىساندارى. 2. ۆولونتەرلىك قىزمەتتى قارجىلىق قامتاماسىز ەتۋ جەكە جانە (نەمەسە) زاڭدى تۇلعالاردىڭ مەنشىكتى نەمەسە تارتىلعان قاراجاتى ەسەبىنەن, سونداي-اق قازاقستان رەسپۋبليكاسىنىڭ زاڭناماسىنا سايكەس وزگە دە كوزدەر ەسەبىنەن جۇزەگە اسىرىلۋى مۇمكىن. 4-تاراۋ. قورىتىندى ەرەجەلەر 18-باپ. قازاقستان رەسپۋبليكاسىنىڭ ۆولونتەرلىك قىزمەت تۋرالى زاڭناماسىن بۇزعانى ءۇشىن جاۋاپتىلىق قازاقستان رەسپۋبليكاسىنىڭ ۆولونتەرلىك قىزمەت تۋرالى زاڭناماسىن بۇزۋ قازاقستان رەسپۋبليكاسىنىڭ زاڭدارىنا سايكەس جاۋاپتىلىققا الىپ كەلەدى. 19-باپ. وسى زاڭدى قولدانىسقا ەنگىزۋ ءتارتىبى وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ
استانا, اقوردا, 2016 جىلعى 30 جەلتوقسان № 42-VI قرز
