«استانا» ويىنشىسى يتاليان كلۋبىنىڭ نازارىنا ىلىكتى

«استانانىڭ» جارتىلاي قورعاۋشىسى نەمانيا ماكسيموۆيچكە ەندى يتاليانىڭ «يۋۆەنتۋسى» دا كوز تىكتى. بۇل تۋرالى vesti.kz حابارلادى. Tuttojuve.com اقپاراتى بويىنشا, بۇل كوماندا ورتالىق جارتىلاي قورعانىستى كۇشەيتۋدى جوسپارلاپ وتىر. ولار قازىرگى ساتتە قورعانىس پەن شابۋىلدى بايلانىستىراتىن ويىنشىعا ءزارۋ. اتالعان سايت ماكسيموۆيچتى ءوزىنىڭ تالانتتىلىعىمەن, فيزيكالىق تۇرعىدان مىعىمدىلىعىمەن جانە امبەباپتىلىعىمەن تۋريندىكتەردىڭ نازارىنا ىلىككەنىن حابارلادى. سەربيا ۇلتتىق قۇراماسىنىڭ فۋتبولشىسى 3 ميلليون ەۋروعا باعالانىپ وتىر. ءبىر قىزىعى وسىدان ءبىر جارىم جىل بۇرىن ول sports.kz سايتىنا بەرگەن سۇحباتىندا ءدال وسى «بيانكونەريلەردىڭ» ساپىندا ونەر كورسەتۋ ارمانى ەكەنىن ايتقان. سونداي-اق, جاقىندا «يۋۆەنتۋستىڭ» بۇرىنعى فۋتبولشىسى زوران ميركوۆيچ يتاليان ۇجىمىنا ماكسيموۆيچكە نازار اۋدارۋدى كەڭەس ەتكەن. بۇدان بولەك, وعان «روما», «ينتەر», «ميلان» كوماندالارى سەربيالىققا قىزىعۋشىلىق تانىتىپ وتىر. ايتا كەتەيىك, تۋريندىك كلۋب وسى قىستا رەسەيدىڭ «زەنيتىندە» ويناعان اكسەل ۆيتسەلدى ءوز قاتارلارىنا قوسپاق بولعان. الايدا, بەلگيالىق سپورتشى قىتايدان كەلىپ تۇسكەن قوماقتى ۇسىنىستى قابىل الىپ, يتاليالىقتاردىڭ بۇل جوسپارى جۇزەگە اسپاي قالعان بولاتىن.