وقو اكىمى ءماجىلىس دەپۋتاتتارىمەن كەزدەستى

وڭتۇستىك قازاقستان وبلىسىنىڭ اكىمى ج.تۇيمەباەۆ وڭىرگە جۇمىس ساپارىمەن كەلگەن قر پارلامەنتى ءماجىلىسىنىڭ  دەپۋتاتتارىمەن كەزدەستى, دەپ حابارلايدى اكىمدىكتىڭ ءباسپاسوز قىزمەتى. وڭتۇستىك قازاقستان وبلىسىنا سايلاۋشىلارمەن كەزدەسۋ ءۇشىن ارنايى جۇمىس ساپارىمەن كەلگەن قر پارلامەنتى ءماجىلىسى دەپۋتاتتارى -ب.جىلقىشيەۆ, ب.وسپانوۆ, ا.سماعۇلوۆ, ب.ەرتاەۆ, م.ماحامبەتوۆ پەن ۋ.قاينازاروۆ. كەزدەسۋدە وبلىستىڭ الەۋمەتتىك-ەكونوميكالىق دامۋى مەن  حالىقتىڭ تۇرمىستىق جاعدايى, اۋىلدىق جەردەگى جۇمىسسىزدىقتى جويۋ جايى ءسوز بولدى. ءوز كەزەگىندە ايماق باسشىسى ءتۇرلى مەملەكەتتىك باعدارلامالاردىڭ وبلىستا ءوز دەڭگەيىندە جۇزەگە اسىرىلىپ وتىرعانىن جەتكىزىپ,  2016 جىل اگرارلى ايماق وڭتۇستىك ءۇشىن تابىستى دا جەمىستى جىل بولعانىن اتاپ ءوتتى. ماسەلەن, وتكەن جىلدىڭ 11 ايىندا  ونەركاسىپ كاسىپورىندارىمەن 710,6 ملرد. تەڭگەنىڭ ءونىمى ونىدىرىلسە, اۋىل شارۋاشىلىعىنىڭ جالپى ءونىم كولەمى  415,8 ملرد. تەڭگەنى قۇراعان. بۇل وتكەن جىلعىمەن سالىستىرعاندا 3 پايىزعا ارتىق. ال ونەركاسىپ ءونىمىن وندىرۋدە وبلىس رەسپۋبليكادا 4-ورىندى يەلەنىپ وتىر.