باستى ماقسات – سىبايلاس جەمقورلىق تاۋەكەلدەرىن جويۋ

مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە  وسى ۆەدومستۆونىڭ شىعىس قازاقستان وبلىسى بويىنشا دەپارتامەنتىنىڭ باسشىسى باقتيار قامالوۆتىڭ قاتىسۋىمەن «100 ناقتى قادام» ۇلت جوسپارىنىڭ «كاسىبي مەملەكەتتىك اپپاراتتى قالىپتاستىرۋ» اتتى ءبىرىنشى باعىتىن ىسكە اسىرۋ بارىسى تۋرالى بريفينگ ءوتتى. ب.قامالوۆ ۇلت جوسپارىنا سايكەس مەملەكەتتىك قىزمەتتى جاڭعىرتۋ تولىق­قاندى جۇزەگە اسىرىلىپ جاتقاندىعىن ەرەكشە اتادى. ونىڭ سوزىنە قارا­عاندا, مەملەكەتتىك قىزمەتتىڭ مە­ريتوكراتيا جانە اشىق كون­كۋرس­تىق ىرىكتەۋ قاعي­دا­سىنا نە­گىز­دەلگەن مانساپتىق مو­دەلى ەنگىزىلگەن. تار­قا­تىپ ايتقاندا, ىشكى كونكۋرس قو­رىتىندىسى بويىن­شا جوعارى لاۋ­ازىمعا 403 قىز­­­مەتكەر لايىق دەپ تا­نىل­­عان. جاڭا مودەل اۋىسۋ تارتىبىندەگى كونكۋرستىق ەمەس تاعايىنداۋدى ازايتۋعا ءمۇم­­كىندىك بەرگەن. سونىڭ ءنا­تيجەسىندە, 2015 جى­لى 1012  اۋىستىرۋ ورىن ال­سا, ال 2016 جىلى جەرگىلىكتى ات­­قا­رۋ­شى ورگانداردا 6 اۋىس­تىرۋ  ءجۇ­زە­گە اسىپتى. اۋىس­تىرۋ مەن كا­در­لىق رەزەرۆ ينستيتۋتىنىڭ كۇشىن جويۋى ناتيجەسىندە وبلىس­تا­عى مەملەكەتتىك ورگاندار كادر­­لا­رىنىڭ تۇراقتاماۋى اي­تار­لىقتاي ازاي­عان كورى­نە­دى. مىسالى, وتكەن جىلى جەرگىلىكتى اتقارۋشى جانە وكىلدىك ورگاندارىنىڭ مەملەكەتتىك قىز­مەت­كەر­لە­رىنىڭ تازا اۋى­سىمى 247 ادامدى قۇراعان. وبلىس بويىن­شا 3874 لاۋازىمعا كونكۋرس جۇرگىزىلسە, سونىڭ ىشىندە 1721 لاۋازىمعا جالپى كونكۋرس وتكىزىلگەن. سوندا وسى كونكۋرس قورىتىندىسى بويىنشا مەم­­لە­كەتتىك قىز­مەت­كە ءار ءتۇرلى سالا­­دان 1113 ادام قابىلدانىپ وتىر. دە­پار­تا­مەنت باستاما­سى بويىن­­شا  وبلىستىق  ىشكى سايا­سات باسقارماسىمەن ءبىر­لە­سىپ, ازا­مات­­تاردىڭ قولاي­لى­لىعى ءۇشىن ىڭعاي­لى «مەملەكەتتىك قى­ز­مەت»  اتتى موبيلدىك قو­سىم­شا­سى جاسالىپ, قول­­دا­نىس­قا ەنگىزىلگەندىگىنەن حا­بار­­دار ەت­كەن ب.قامالوۆ, بۇل مو­بيل­دىك قوسىمشا قازاقستان رەس­پۋب­لي­كا­سى­نىڭ زاڭدارىمەن تا­­نى­سۋ­عا, سىنامالىق تە­ست­ى­لەۋدەن وتۋگە جانە مەم­لە­كەتتىك قىز­مەتكە ءتۇسۋ ءتار­تى­بى تۋرالى تولىق اق­پا­رات­پەن تانىسۋعا ءمۇم­كىندىك بە­رە­­تىندىگىن دە تىلگە تيەك ەتتى. وتكەن جىلدىڭ قىر­كۇيەك-قا­راشا ايلارى ارالىعىندا اتالعان مو­بيلدىك قوسىمشا 10 000-عا جۋىق قولدا­نۋ­­شىمەن جۇك­تەلگەندىگى بەلگىلى بو­لىپ وتىر. سونداي-اق, ب.قامالوۆ ۇلت­ جوسپارىنىڭ 13­-­­قا­­­دا­­­مىن ىسكە اسى­رۋ تۋ­­را­­­­لى ايتا كەلىپ,  سى­بايلاس جەمقورلىققا قارسى ءىس-قي­­م­ىل تۋرالى جاڭا زاڭ ال­دىن الۋ تەحنولوگيالارىن قولدانۋعا ءمۇم­كىندىك بەرگەندىگىن دە العا تارت­تى. اتاپ كورسەتكەندە, ول سى­باي­­لاس جەمقورلىققا قارسى ساۋ­ات­­تاندىرۋ, مونيتورينگ ءجا­نە سىبايلاس جەمقورلىق ءتاۋ­ە­كەل­دەرىن تالداۋمەن باي­لانىس­تى. دەپارتامەنت تا­راپىنان مەم­لەك­ەت­تىك مە­كەمەلەردىڭ جۇ­مىسىنا 8 رەت سىبايلاس جەم­قور­­لىققا قار­سى مونيتورينگ ءجا­نە 23 سىبايلاس جەمقورلىق ءتاۋ­ە­- كەل­دەرىنە سىرتقى تال­داۋ جا­سالعان ەكەن. سونىڭ ناتيجەسىندە 214 سىباي­لاس جەم­قورلىق ءتاۋ­ەكەلدەرى انىق­تا­لىپ, مەم­لەكەتتىك مەكەمەلەر باسشىلارىنا سىبايلاس جەمقورلىق تاۋەكەلدەرىن جويۋ تۋرالى 303 ۇسىنىم ەنگىزىلسە, سونىڭ 60 پايىزى ورىندالىپتى. سونىمەن قاتار, دەپارتا­مە­نت­ با­سشىسى مەملەكەتتىك قىز­­مەت­شىلەردىڭ جۇمىس نەمەسە جۇمىستان تىس كەزىندەگى مىنەز-ق ۇلىقتارىن   رەتتەيتىن ادەپ كودەكسىن ساقتاۋ تۋرالى دا بايانداپ ءوتتى. بۇل ورايدا تارتىپتىك كەڭەستىڭ 8 وتىرىسى وتكىزىلىپ, 29 تارتىپتىك ءىس قارالعان. كەڭەس ۇسىنىمدارىنا سايكەس 16 لاۋازىمدى تۇلعا تارتىپتىك جاۋاپ­كەرشىلىككە تارتىل­سا, ونىڭ ىشىندە 9-ى مەم­لەكەتتىك قىز­مەتكە كىر كەل­تىرگەن تە­رىس قى­لىق­تارى جانە 7 ادامنىڭ قىزمەتتىك ادەپ نورمالارىن بۇزعانى انىقتالىپ وتىر. اسقار تۇراپباي ۇلى, «ەگەمەن قازاقستان»