شاحان كەنتىندەگى جاعدايعا بايلانىستى جەدەل شتاب وتىرىسى ءوتتى

وبلىس اكىمى شاحان كەنتىندە ورىن العان توتەنشە وقيعا جونىندە جەدەل شتاب وتىرىسىن وتكىزىپ, شاحتينسك قالاسى اكىمىنىڭ (شاحان كەنتى وسى قالاعا باعىنىشتى) جانە ءتيىستى قىزمەت تۇرلەرى وكىلدەرىنىڭ ەسەپتەرىن تىڭدادى. وتىرىس بارىسىندا قۇتقارۋشىلاردىڭ اپات ورنىنا دابىل قاعىلعاننان كەيىن ءتورت مينۋت ىشىندە جەتكەنى ايتىلدى. وبلىس باسشىسى قۇتقارۋشىلاردىڭ جادەل ءارى جيناقى جۇمىس ىستەگەنىن اتاپ ءوتتى. قازىرگى تاڭدا جىلۋ قازاندىعى جارىلعان ۇيدە قازاقستان قايتا قۇرۋ جانە دامۋ كوپسالالى ينستيتۋتى (قازقدكي) زەرتتەۋ جۇرگىزىپ جاتىر. مەكەمە باسشىسى جۇماعۇل نۋگۋجينوۆتىڭ ايتۋىنشا, بۇل جۇمىستار ەكى كۇننىڭ ىشىندە اياقتالۋى ءتيىس. جارىلىس بولعان ءۇيدى ءارى قاراي پايدالانۋ مۇمكىندىگى تۋرالى شەشىم قابىلداۋ جانە ونىڭ قيراعان بولىگىن بۇزۋ قازقدكي ساراپشىلارىنىڭ ساراپشىلارىنىڭ قورىتىندىسىنان كەيىن عانا بەلگىلى بولادى. ال تەحنوگەندىك سيپاتتاعى توتەنشە وقيعا سالدارىنان كەلگەن زارداپتىڭ مولشەرىن انىقتاۋ ءۇشىن ارنايى كوميسسيا قۇرىلعان. بۇدان بۇرىن حابارلاعانىمىزداي, قازا بولعانداردى جەرلەۋ راسىمىنە كەتەتىن شىعىنداردى قاراعاندى وبلىستىق اكىمدىگى ءوز موينىنا الدى. سونداي-اق, جەرگىلىكتى بيلىك ءاربىر قايتىس بولعاندار ءۇشىن 1 ملن تەڭگە, ال زارداپ شەككەندەردىڭ ارقايسىنا 500 مىڭ تەڭگە كولەمىندە ماتەريالدىق كومەك كورسەتەدى. سونىمەن قاتار, باسىنا ءىس تۇسكەن تۇرعىندارعا كومەك ۇيىمداستىرۋ ءۇشىن شاحان كەنتىندە گۋمانياترلىق كومەكتى قابىلدايتىن ارنايى بەكەت اشىلدى. مۇندا قىزىل جارتى اي قوعامىنان ازىق-ت ۇلىك جەتكىزىلدى, سونداي-اق كاسىپكەرلەر مەن تۇرعىنداردان زاتتاي كومەك تۇرلەرى تۇسە باستادى. جاقىن ارادا زارداپ شەككەندەرگە قارجىلاي كومەك كورسەتۋ ماقساتىندا قوعامدىق قور قۇرىلماقشى. بۇدان بولەك, ءوڭىر باسشىسى وبلىستاعى اۆتونومدىق جىلۋ جۇيەسى جانە جەكە قازاندىقتارى بار باسقا دا كوپقاباتتى ۇيلەردىڭ بارلىعىنا زەرتتەۋ جۇرگىزۋ تۋرالى تاپسىرما بەردى. قايرات ءابىلدينوۆ, «ەگەمەن قازاقستان»