«ەگەمەن قازاقستان» گازەتىنىڭ جانىندا ارداگەرلەر كەڭەسى جۇمىس ىستەيتىن بولدى. باسىلىم باسشىسى دارحان قۋاندىق ۇلىنىڭ وسىنداي ۇسىنىسىن بۇگىن رەداكتسياسىنىڭ قورىتىندى جيىنىنا قاتىسقان – ەل گازەتى «ەگەمەندە» ۇزاق جىلدار جەمىستى قىزمەت اتقارعان, بۇگىندە زەينەتكە شىققان اعا بۋىن وكىلدەرى ءبىر اۋىزدان قولدادى.
گازەتتىڭ بۇگىنگى ۇجىمىمەن كەزدەسكەن قويشىعارا سالعارا, ساۋىتبەك ءابدىراحمانوۆ, تولەن ابدىكوۆ, ءادىل دۇيسەنبەك, جۇماگۇل سولتيەۆا, جانات ەلشىبەك جانە قايسار ءالىم سىندى قالامى قارىمدى ارداگەر جۋرناليستەر الداعى جوبا-جوسپارلارمەن تانىسىپ, اتقارىلىپ جاتقان جۇمىستاردى جوعارى باعالادى. رەداكتسيادا ءداستۇر ساباقتاستىعى جاڭاشىل ۇردىستەرمەن ءساتتى جالعاسىن تاۋىپ جاتقانىنا ريزاشىلىقتارىن ءبىلدىردى. كەزدەسۋ سوڭىندا رەداكتسيا تاراپىنان ارداگەرلەرگە سىي-سياپات جاسالدى.
