پان گي مۋن وڭتۇستىك كورەيادا پرەزيدەنتتىك سايلاۋعا ءتۇسۋى مۇمكىن

بۇۇ مەملەكەتتىك حاتشىسى پان گي مۋن وڭتۇستىك كورەياداعى پرەزيدەنتتىك سايلاۋعا تۇسۋگە نيەتى بارلىعىن تۇسپالداپ  جەتكىزدى, دەپ حابارلايدى ريا نوۆوستي ريونحاپ اگەنتتىگىنە سىلتەمە جاساپ. «مەنىڭ بۇۇ مەملەكەتتىك حاتشىسى رەتىندە قىزمەت اتقارعان 10 جىل بويعى تاجىريبەم مەن كورگەن-بىلگەندەرىم كورەيا رەسپۋبليكاسىن العا جىلجىتاتىن بولسا, مەن ءوزىمدى وسى ىسكە تولىقتاي ارناعىم كەلەدى», - دەگەن پان گي مۋننىڭ ءسوزىن كەلتىرەدى اگەنتتىك. «مەنىڭ مۇمكىندىگىم شەكتەۋلى بولسا دا, ازاماتتاردىڭ ءال-اۋقاتى مەن تابىسىن ارتتىرىپ, مەملەكەتتى دامىتا السام, مەن اياماي ەڭبەكتەنۋگە بارمىن», دەدى ول. پان گي مۋن پرەزيدەنتتىك سايلاۋعا قاتىسۋ تۋرالى رەسمي تۇردە ايتپاسا دا, ۇمىتكەرلەر قاتارىندا ونىڭ اتى اتالىپ ءجۇر. ال بيىلعى جىلدىڭ سوڭىندا پان گي مۋننىڭ بۇۇ مەملەكەتتىك حاتشىسى وكىلەتتىلىگى اياقتالادى. پان گي مۋننىڭ ءوزىنىڭ ايتۋىنشا, ول 2017 جىلدىڭ قاڭتارىندا نيۋ-يوركتەن وڭتۇستىك كورەياعا بارادى. ەستەرىڭىزگە سالا كەتسەك, پان گي مۋن بۇرىن وڭتۇستىك كورەيانىڭ سىرتقى ىستەر ءمينيسترى قىزمەتىن دە اتقارعان.