ەاەو ەلدەرىنە ورتاق زەينەتاقى جۇيەسى ماقۇلداندى

ەۋرازيالىق ەكونوميكالىق كوميسسيانىڭ (ەەك) القا وتىرىسىندا ەۋرازيالىق ەكونوميكالىق وداققا (ەاەو) مۇشە مەملەكەتتەردىڭ جۇمىسكەرلەرىن زەينەتاقىمەن قامتاماسىز ەتۋ تۋرالى شارت جوباسى ماقۇلداندى, دەپ حابارلايدى Strategy2050.kz. قۇجاتتىڭ ماقساتى زەينەتاقىنىڭ قالىپتاستىرىلۋى مەن ەكسپورتى كەزىندە زەينەتاقىمەن قامتاماسىز ەتۋ سالاسىنداعى تەڭ قۇقىقتاردى قامتاماسىز ەتۋ, مۇشە مەملەكەتتەردە جۇمىسكەرلەردىڭ زەينەتكەرلىك قۇقىقتارىن  قورعاۋ, سونداي-اق وداق بويىنشا ارىپتەستەر اراسىنداعى زەينەتاقىمەن قامتاماسىز ەتۋ سالاسىنداعى ىنتىماقتاستىقتى دامىتۋ بولىپ تابىلادى, دەپ حابارلادى كوميسسيا. «شارت جوباسى ەاەو مەملەكەتتەرىندە الىنعان ەڭبەك ءوتىلىن ەسەپكە الۋدى كوزدەيدى. مىسالى, قىرعىزستاننىڭ ازاماتى بەلارۋستە بەس جىل جۇمىس ىستەسە, وسى كەزەڭ جالپى ەڭبەك وتىلىنە ەسەپكە الىناتىنىنا سەنىمدى بولا الادى», - دەلىنگەن حابارلامادا. ەەك ەكونوميكا جانە قارجىلىق ساياسات جونىندەگى القا مۇشەسى (مينيستر) تيمۋر سۇلەيمەنوۆ اتاپ وتكەندەي, ەاەو تۋرالى شارتتا وداق ەلدەرىنىڭ ازاماتتارى ءۇشىن بارلىق نەگىزگى قۇقىقتار مەن جەڭىلدىكتەر ەسكەرىلگەن, الايدا, ەاەو مەملەكەتتەرىنىڭ ازاماتتارى زەينەتكەرلىك جاسقا جەتكەن جانە تۇراتىن ەلىنە ورالعان كەزدە زەينەتاقى الاتىنى تۋرالى جازىلعان ءبولىم جوق. كوميسسيا تاراپتاردىڭ ۋاكىلەتتى ورگاندارىمەن بىرلەسىپ جۇمىس ىستەپ جاتقان وسى ەاەو-عا مۇشە مەملەكەتتەردىڭ جۇمىسكەرلەرىن زەينەتاقىمەن قامتاماسىز ەتۋ تۋرالى شارت وسى قۇقىقتىق كەمشىلىكتى جويادى. شارتتىڭ كۇشىنە ەنۋى مۇشە مەملەكەتتەردىڭ ازاماتتارىن وداق ەلدەرىندە جۇمىس ىستەۋ كەزىندە العان زەينەتكەرلىك قۇقىقتارىن قالىپتاستىرۋ, ساقتاۋ جانە ىسكە اسىرۋ قۇقىعىمەن قامتاماسىز ەتەدى. سونداي-اق قۇجات زەينەتاقى ەكسپورتى جانە باسقا مۇشە مەملەكەتتە الىنعان جۇمىس تاجىريبەسىن ەسەپكە الۋ بويىنشا ماسەلەنى شەشۋدى كوزدەيدى. شارت جوباسى وعان قول قويۋ ءۇشىن قاجەتتى مەملەكەت ىشىندەگى راسىمدەردى وتكىزۋ ءۇشىن وداق ەلدەرىنە جىبەرىلەتىن بولادى. انىقتاما: ەۋرازيالىق ەكونوميكالىق وداققا مۇشە مەملەكەتتەردىڭ جۇمىسكەرلەرىن زەينەتاقىمەن قامتاماسىز ەتۋ تۋرالى شارت جوباسى 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتىڭ 98-بابىنىڭ 3-تارماعىنا سايكەس ازىرلەنگەن. شارت جوباسىن ازىرلەۋ كەزىندە ەەك جانە مۇشە مەملەكەتتەر كوميسسيا كەڭەسىنىڭ 2014 جىلعى 12 قاراشاداعى № 103 شەشىمىمەن ماقۇلدانعان زەينەتاقىمەن قامتاماسىز ەتۋ سالاسىنداعى ىنتىماقتاستىق تۋرالى حالىقارالىق شارت تۇجىرىمداماسىن باسشىلىققا العان.