ابىرويىمىز بيىك, ايبىنىمىز اسقاق

اتا-بابامىز سان عاسىرلار بويى اڭساعان تاۋەلسىزدىكتى كورۋ, وسى زاماندا ءومىر ءسۇرۋ باقىتى بىزگە بۇيىرىپ وتىر. شيرەك عاسىر ىشىندە جاڭا قازاقستان قالىپتاستى. ەلباسىنىڭ ارقاسىندا قازاق ەلى الەم جۇرتشىلىعىنا تانىلىپ, بارشا مەملەكەت ۇلگى الىپ وتىر. ەلى­مىزدە تۇراتىن بارلىق ۇلت پەن ۇلىس وكىلدەرى بەرەكە-بىرلىكتە, ىنتى­ماقتا بولۋى ءۇشىن قازاقستان حالقى اسسامبلەياسى قۇرىلدى. وسى­لايشا ءبىزدىڭ حالقىمىز ءبىر شاڭى­راق استىندا تاتۋ-ءتاتتى ءومىر سۇرە بەرەدى. تاۋەلسىزدىكتىڭ 25 جىلدىعىن قارسى الا وتىرىپ قازاقستان الەم كارتاسىنان ويىپ ورىن الىپ وتىر. مەملەكەت باسشىسى, ساليقالى سايا­ساتىمەن قازاقستان حالقى­نىڭ بىرىكتىرۋشىسى بولا ءبىلدى. ەلباسى­مىز «قازاقستان-2030» جانە «قازاق­­­ستان-2050» ستراتەگيالىق باعدار­لامالارىن قابىلداپ, ەلىمىز­دىڭ دا­مۋى­نىڭ ناقتى جولىن اي­قىنداپ بەردى. قازاقستاندى الەمنىڭ دا­مىعان 30 ەلىنىڭ قاتارىنا قوسۋدى كوزدەيتىن «100 ناقتى قادام» ۇلت جوسپارى مەن بەس ينستيتۋتتىق رەفورما بۇگىنگى كۇندە جەمىستى جۇزەگە اسۋدا. تاۋەلسىزدىك العان جىلدار ءىشىن­دە ەلباسىنىڭ ورمان-توعايلى جەرلەرى مەن تابي­عي-تاريحي كەشەندەرىن قورعاۋ ماق­سا­تىنداعى «ەرەكشە قور­عالاتىن تابيعي اۋماقتار قۇرۋ» جونىندەگى يگى باستاماسىن بۇكىل ەل قۋانا قۋات­تاپ, ريزاشىلىعىن ءبىلدىردى. «تابي­عاتتى ساقتاۋ – ءوز ەلىمىز بەن بارلىق ادامزاتتىڭ ءوسىپ-وركەندە­ۋىن قامتاماسىز ەتۋ», – دەگەن ەلبا­سىنىڭ قاناتتى ءسوزى وسىنىڭ كۋاسى. تاۋەلسىزدىك العان جىلدار ءىشىن­دە ءبىر عانا الماتى وبلىسىنىڭ ءوزىن العاندا بەس ۇلتتىق تابيعي پارك­تىڭ قۇرىلۋى ەلىمە, جەرىمە دەگەن ازا­ماتتىق پارىزدىڭ بيىك شىڭى ەكەنىن مويىنداۋىمىز كەرەك. كەڭەس­تىك كەزەڭ مەن توقىراۋ جىل­دارىندا بەسجىلدىق جوسپار سىلتاۋىمەن ورمان-توعايىمىز اياۋ­سىز تونالىپ, اڭ-قۇسىمىزدىڭ سانسىز ازايعانى شىندىق. بۇگىنگى كۇندە ۇلتتىق تابيعي پاركتەردى قۇرۋ ارقىلى تابيعاتىمىزدى قورعاپ قانا قويماي, تولاعاي تابىس كوزى  ءتۋريزمنىڭ دامۋىنا كەڭ ءورىس اشى­­لىپ وتىر. ءتۋريزمنىڭ دامۋى ءۇشىن قا­جەتتى ينفراقۇرىلىمدار قاتا­رىن­­دا ەلباسىنىڭ باستاۋىمەن  «نۇر­لى جول» باعدارلاماسى ىسكە اسى­رى­­لۋدا. وسى باعدارلاما اياسىندا الما­تى – كولساي رەسپۋبليكالىق ماڭىز­­عا يە اۆتوموبيل جولىنىڭ جۇمى­­سى بيىل باستالىپ, ەل يگىلىگىنە 2018 جىلى بەرىلگەلى وتىر. بۇل ءوز كەزە­گىندە الىس جانە جاقىن شەت ەل­دەر­­دەن كولساي, قايىڭدى كول­دەرى­نە كەلۋشى تۋريستەر مەن دەمالۋ­شى­لار­دىڭ لەگىنە كەڭ ءورىس اشاتىنى ءسوزسىز. تاريح ءۇشىن قاس-قاعىم ءسات بولىپ سانالاتىن 25 جىل ىشىندەگى جەت­كەن جەتىستىكتەرىمىزدى سارالاي كەلسەك, قر پارلامەنتى پالا­تا­لارى­نىڭ بىرلەسكەن وتىرىسىندا قا­بىل­دان­عان «قازاقستان رەس­پۋب­ليكا­سى تاۋەل­سىز­دىگىنىڭ 25 جىل­دى­عىنا ار­نالعان دەكلاراتسيا» شىن ءمانىن­دە تاريحي قۇجات. دەك­لاراتسيادا اي­تىل­عانداي, ەلىمىز از عانا ۋاقىت ءىشىن­دە ەكونوميكاسى قارقىن­دى دامى­عان, وزگە ەلدەرمەن تەرەزەسى تەڭ, تولا­عاي تا­بىس­تارعا جەتۋدىڭ بىرەگەي ءتا­جى­­ري­­بەسى بار مەملەكەت رەتىندە قالىپتاس­تى. ۇلى دالا ەلىنىڭ تابيعات قور­عاۋ مەكەمەلەرىنىڭ قىزمەتكەر­لەرى ەلباسىمەن بىرگە الداعى اي­قىن ماقساتتارعا جەتىپ, گۇلدەنگەن قازاقستاننىڭ ازاماتتارى رەتىندە تالاي اسۋلاردان اساتىنىنا سەنىم بىلدىرەمىز. ءامىرجان مالىبەكوۆ, «كولساي كولدەرى» مەملەكەتتىك ۇلتتىق تابيعي پاركى» رەسپۋبليكالىق مەملەكەتتىك مەكەمەسىنىڭ ديرەكتورى