قازگيدرومەت دەرەگىنشە, تۇندە رەسپۋبليكانىڭ ەكى وڭىرىندە قاتتى اياز كۇتىلەدى. شىعىس قازاقستان وبلىسىنىڭ سولتۇستىگى مەن شىعىسىندا -40°س-قا دەيىن, قاراعاندى وبلىسىنىڭ شىعىسىندا -35°س-قا دەيىن اياز كۇتىلەدى.
سينوپتيكتەردىڭ مالىمەتىنشە, قازاقستان اۋماعىنىڭ باسىم بولىگى انتيتسيكلون سىلەمىنىڭ ىقپالىندا بولادى. سونىڭ اسەرىنەن جاۋىن-شاشىنسىز, اشىق اۋا رايى ساقتالادى.
ال وڭتۇستىك وڭىرلەردە, سونداي-اق ەلدىڭ ورتالىعى مەن شىعىسىندا اتموسفەرالىق فرونتتاردىڭ اسەرىنەن اۋا رايى قۇبىلمالى بولادى. جاۋىن-شاشىن تۇسەدى, وڭتۇستىك وڭىرلەردە كەي ۋاقىتتا نوسەرلى جاۋىن-شاشىن كۇتىلەدى. كوكتايعاق پەن بوران بولجانىپ وتىر.
سونىمەن قاتار رەسپۋبليكا بويىنشا تۇمان ءتۇسىپ, جەلدىڭ جىلدامدىعى 15-20 م/س-قا دەيىن كۇشەيۋى مۇمكىن. وڭتۇستىك, وڭتۇستىك-باتىس جانە وڭتۇستىك-شىعىس وڭىرلەردە جەل ەكپىنى كەي ۋاقىتتا 25-28 م/س-قا دەيىن جەتەدى.
