جاڭا ەڭبەك جارىق كوردى

ۇلتتىق اكادەميالىق كىتاپحانادا قازاقستان حالقى اسسام­ب­لەياسىنىڭ قولداۋىمەن, پۋبليتسيست, قحا جانە قازاق­ستان جازۋشىلار وداعىنىڭ مۇشەسى الەكساندر تاراكوۆ­تىڭ ەل تاۋەلسىزدىگىنىڭ 25 جىلدىعىنا ارنالعان «كازاح­ستانسكي حاراكتەر» كىتابىنىڭ تۇساۋكەسەر ءراسىمى ءوتتى. بۇل كىتاپقا اۆتوردىڭ بەلگىلى تۇلعالار تۋرالى 20 شاقتى وچەركى ەنگەن. وچەركتە­رىندە ا.تاراكوۆ ءومىر­دىڭ قيىن جاعداي­لارى مەن كۇر­دەلى سىناقتارىنا توتەپ بەرىپ قانا قويماي, كاسىبي شەبەرلىكتىڭ شىڭى­نا شىعىپ, ۇلكەن ناتيجە­لەرگە قول جە­ت­كىزگەن قايسار ادامداردىڭ مىنەز-قۇ­لىق­تارىن جان-جاقتى اشىپ كورسەتكەن. «بۇل ارنايى جازىلىپ, جا­رىق­قا شىققان كىتاپ ەمەس. ول – ۇزاق جىلعى ەڭبەكتىڭ ءناتي­جەسى. كى­تاپ­تا جازىلعان دۇنيە­لەر, وندا­عى كەيىپ­كەرلەر – تاۋەل­سىز­دىك­تىڭ جەمىسى. سەبەبى, مەن مۇن­داعى كەيىپ­كەرلەردىڭ ءوسۋ, تۇلعاعا اينا­لۋ جولدارىن جان-جاقتى ءارى تەرەڭ باقىلاپ, زەردەلەۋگە تى­رى­س­­تىم. جالپى العاندا, قازاق­ستاندىقتاردىڭ كۇش-جىگەرى مەن مىنەز-ق ۇلىقتارى ايرىقشا. مەن قالام تەربەگەن بۇل ازاماتتاردىڭ ارقايسىسىنىڭ ءومىر جولى جاقسى قالىپتاستى, سەبەبى, ولار تەك العا جىلجۋ ارقىلى بيىك ءارى جاڭا شىڭ­دار­دى باعىندىرا ءبىلدى», – دەدى اۆتوردىڭ ءوزى. پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ: «مەن ءبىر جولى تۇساۋكەسەر مەن كونفەرەنتسيا ءبىر-بىرىنەن نەسىمەن ەرەكشەلەنەدى دەگەن ساۋالعا قاتىستى ءوز ويىمدى بىلدىرگەن ەدىم. كونفەرەنتسيادا بەلگىلى ءبىر وقىلعان كىتاپ تۋرالى قۇندى وي ايتىلادى, ال تۇساۋكەسەردە كىتاپتى وقىماي تۇرىپ, وعان ماقتاۋ ءسوز, جاقسى پىكىر بىلدىرىلەدى. بىراق, بۇگىنگى جاعداي مۇلدەم ولاي ەمەس. سەبەبى, ءبارىمىز دە وسى ەڭبەكتە جا­زىلعان دۇنيەلەردى وقىپ شىق­قانبىز. ولاردىڭ بارلىعى «كا­زاحستانسكايا پراۆدا» گازەتىنىڭ بەتىندە جارىق كوردى. ءبارىمىز دە بۇل باسىلىمنىڭ وقىرماندارىمىز. ءبارىمىز دە الەكساندر تاراكوۆتىڭ شىعارماشىلىعىمەن جاقسى, ­ەتەنە تانىسپىز. بۇل كىتاپ ءوز ۋاقى­تىندا جارىق كورىپ وتىر. سەبەبى, پرەزيدەنت نۇرسۇلتان نازارباەۆ الدىمىزعا جالپىعا ورتاق ەڭبەك قوعامىن قۇرۋ تۋرالى مىندەت قويىپ وتىر. ال بۇل – ەڭبەك جانە ەڭبەك ادامى تۋرالى كىتاپ جانە وتە جاقسى كىتاپ», – دەدى. اتالعان ەڭبەك تۋرالى پىكىرىن قازاقستان حالقى اسسام­بلەياسى كافەدرالارى اسسوتسيا­تسياسىنىڭ توراعاسى, ەكونوميكا عىلىمدارىنىڭ دوكتورى انا­تولي باشماكوۆ تا ءبىلدىردى. «كەز كەلگەن ەڭبەكتىڭ وقىرمانعا جول تارتۋى – ارقاشان دا ايتۋلى وقيعا. ال ماعىنالى دا مازمۇندى ەڭبەكتىڭ جارىق كورۋى – ول مەرەكە. جاقسى كىتاپ – بۇل جاي عانا ءونىم ەمەس, ول ناعىز ازاماتتىق ءىس-ارەكەت. الەكساندر تاراكوۆتىڭ بۇل دۇنيەسىندە ونىڭ ەڭ تاڭداۋلى وي-پايىمدارى, ادەبي سۋرەتتەمەلەرى مەن بەينەلەرى, كەيىپكەرلەردىڭ ومىرىندەگى كەيبىر ساتتەر ءساتتى كورىنىس تاپقان», – دەدى ول. ال «قوعامدىق كەلىسىم» رەسپۋب­­ليكالىق مەملەكەتتىك بىرلەس­تى­گىنىڭ جەتەكشىسى ناتاليا كالاش­نيكوۆا: «بۇگىن ءبىز بۇل كىتاپتى ۇلتتىق اكا­دە­ميالىق كىتاپحاناعا, سون­داي-اق, ۇلت­ارالىق جانە كونفەسسيا­ارا­لىق قاتىناستار سالاسى بويىن­شا قازاق­ستاندىق اۆتورلار­دىڭ عىلى­­مي ەڭبەكتەرى مەن زەرتتەۋ­لەرىنىڭ قورىن قالىپتاستىرۋ جانە ناسيحات­تاۋ ماقساتىندا قۇرىلعان قازاق­ستان حالقى اسسامبلەياسى دەپوزي­تاريىنە رەسمي تۇردە تاپسىراتىن بولامىز. جالپى العاندا, بۇل شىعارما الەمنىڭ 80-نەن استام ەلىنىڭ 130 مىڭعا تارتا وقىرمانىنان تۇراتىن اۋديتوريا­نى قامتيتىن بولادى», – دەدى ءوز سوزىندە. سونىمەن قاتار, قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆ قحا-نىڭ بىرقاتار مۇشەسىن, ەتنومادەني بىرلەستىكتەر, عىلىمي جانە شىعارما­شىلىق زيا­لى قاۋىم وكىل­دەرىن قازاق­ستان رەس­پۋبليكا­سىنىڭ مەملە­كەت­تىك ناگرادالارىمەن, «قازاق­ستان رەسپۋبليكاسى تاۋەلسىزدىگىنە – 25 جىل» مەرەكەلىك مەدالىمەن, قحا-نىڭ «بىرلىك» التىن مە­دالىمەن, قحا-نىڭ قۇرمەت گراموتاسىمەن جانە العىس حاتىمەن ­ماراپاتتادى. ماسەلەن, يادرولىق سىناقتارعا قارسى «نەۆادا-سەمەي» حالىق­ارا­لىق قوزعالىسىنىڭ ۆيتسە-پرەزي­دەنتى سۇلتان كارتوەۆ پەن باتىس قازاقستان وبلىسى قازاق­ستان حالقى اسسامبلەياسى حاتشى­لى­­عى­نىڭ مەڭگەرۋشىسى گايسا كا­پاكوۆ «پارا­سات» وردەنىمەن, قازاق­ستان رەسپۋب­ليكاسى ۇلتتىق مۋزەيىنىڭ اعا عىلىمي قىزمەتكەرى ۆيكتور زايبەرت II دارەجەلى «دوستىق» وردەنىمەن, ورال قا­لالىق ءماسليحاتىنىڭ دە­پۋ­تاتى, قحا مۇشەسى اۆەتيك امير­حانيان, «دينار-ەلەكتروماش» جشس مەڭ­گەرۋشىسى سەرگەي ۆيشنياك جانە الماتى قالاسىنداعى ازەرباي­جان ەتنو­مادەني بىرلەستىگىنىڭ ءتور­اعا­­سى ەي­باز مامەدگاسانوۆ «قۇر­مەت» ور­دەنىمەن ماراپاتتالدى. «ەرەن ەڭبەگى ءۇشىن» مەدالىن «ەسىك» مەملەكەتتىك تاريحي-مادەني قو­­رىق-مۋزەيىنىڭ ديرەكتورى گۇل­ميرا مۇحتاروۆا السا, جامبىل اتىن­­داعى قازاق مەملەكەتتىك فيلار­مو­نيا­سى­نىڭ مەملەكەتتىك ۇرلەمەلى اس­پاپ­تار ور­كەسترىنىڭ ءسوليسى يگور بلا­گو­دار­نىي «قازاق­ستاننىڭ ەڭبەك ءسى­ڭىر­گەن قايرات­كەرى» قۇرمەتتى اتاعىنا يە بولدى. ءلايلا ەدىلقىزى, «ەگەمەن قازاقستان»