«مەن قازاقستاندى بەينەلەيمىن»

ءا.قاستەەۆ اتىنداعى مەملەكەتتىك ونەر مۋزەيىندە ەلىمىز تاۋەلسىزدىگىنىڭ 25 جىلدىعىنا ارنالعان بالالار مەن جاسوسپىرىمدەردىڭ «مەن قازاقستاندى بەينەلەيمىن» اتتى بايقاۋىنىڭ قورىتىن­دىسى بويىنشا بالالار شىعارماشى­لىعى كورمەسىنىڭ سالتاناتتى اشىلۋى ءوتتى. بايقاۋدى ۇيىمداستىرعان «ينديگو» بەينەلەۋ ونەرى ستۋدياسى مەن قازاقستانداعى «شەۆرون» كومپانياسى. ەكسپوزيتسيادا «ينديگو» بەينەلەۋ ونەرى ستۋديا­سىنىڭ, №1 جانە №2 بالالار ۇيلەرىنىڭ وقۋشى­لارى مەن الماتى قالاسىنداعى جالپى ءبىلىم بەرەتىن مەكتەپتەردىڭ وقۋشىلارىنىڭ جۇمىستارى قويىلدى. «ءبىزدىڭ كومپانيا – قازاقستانعا 1993 جىلى كەلىپ, جاس تاۋەلسىز مەملەكەتكە قولداۋ كورسەتىپ, سەنىم ارت­قان باتىستىق العاشقى ءىرى ينۆەستور. ءبىز تەك ەنەرگو­رەسۋر­ستاردى ءوندىرۋ سالاسىندا عانا ەمەس, قازاق­ستان­دىق­تاردىڭ, سونىڭ ىشىندە مەكتەپ وقۋشىلارىنىڭ زياتكەرلىك الەۋەتىن بار مۇمكىندىگىنشە اشۋعا كومەك­تە­سەتىن كوپتەگەن الەۋمەتتىك جوبالارعا ۇزاق جىلدار بويى سەرىكتەس بولعانىمىزدى ماقتانىش ەتەمىز», – دەدى  «شەۆرون» كومپانياسىنىڭ وكىلى لەيلا ايتمۇحانوۆا. «ماڭگىلىك ەل»  قۇندىلىقتارىنىڭ تۇجىرىم­داما­سىن قامتيتىن بۇل بايقاۋ 25 جەلتوقسانعا دەيىن جالعاسپاق. بايقاۋ ماقساتى – وتانسۇيگىشتىككە ءتار­بيەلەۋ, قازاقستان حالىقتارىنىڭ مادەنيەتى مەن داستۇرلەرىن ءسۇيىپ, قۇرمەتتەۋگە ۇيرەتۋ, رۋحاني بىرلىك پەن كەلىسىم يدەيالارىنىڭ جانە قوعامداعى تۇراق­تى­لىق­تىڭ قالىپتاسىپ, تارالۋىنا, سونداي-اق, شىعار­ماشى­لىق داعدى مەن بەينەلەۋ ونەرىن كوپشىلىككە تانىتىپ, دارىپتەۋدى دامىتۋ. بايقاۋعا قاتىسۋشىلار بەينەلەۋ قۇرالدارىمەن تۋعان جەردىڭ تابيعاتىن, سۇيىكتى قالاسىن, ساۋلەتتىك جەتىستىكتەردى, ءتۇرلى حالىقتار مەن ۇلىستاردىڭ ءوزارا قارىم-قاتىناسى مەن مادەنيەتىن, بۇكىل قازاق­ستان­دىقتاردىڭ ورتاق ءۇيى – استانانى قالاي ەلەستەتەتىنىن بەينەلەپ كورسەتۋگە تىرىسقان. بايقاۋ جەڭىمپازدارىن ماراپاتتاۋ راسىمىنەن وزگە, كيىز باسۋدان, قىش قۇيۋدان, كەسكىندەمەدەن شەبەرلىك سا­باق­تارى وتكىزىلىپ, مۋزەي زالدارى بويىنشا ەكسكۋرسيالار جۇرگىزىلىپ, قۋىرشاق تەاترىنىڭ قويىلىمى كورسەتىلدى. ميرا بايبەك, «ەگەمەن قازاقستان» الماتى اقادىر كەنتى