ەل ەڭسەسىن كوتەرگەن – تاۋەلسىزدىك

تاۋەلسىزدىك جىلدارىندا مەم­لەكەت تاراپىنان ادەبيەت, ونەر, ءما­دەنيەت سالالارىنا, اقىن-جا­زۋشىلارعا ۇدايى قولداۋ كورسەتىلىپ كەلەدى. سونىڭ ناتيجەسىندە ەلى­مىزدىڭ رۋحاني ومىرىندە وڭ وزگە­رىستەر بولۋدا. ارينە, مۇنىڭ بار­لىعى ەلىمىزدەگى تىنىشتىق پەن ىنتىماقتىڭ جارقىن كورىنىسى. ەلباسى نۇرسۇلتان نازارباەۆ­تىڭ مەملەكەتىمىزدىڭ دامۋىنا ەلدىڭ تاتۋلىعى مەن بىرلىگى كەپىل بولىپ وتىرعانىن ۇنەمى ايتۋدان جا­لىققان ەمەس. شىندىعىندا دا ىنتىماعىمىز جاراسقاندا عانا ءبىز بيىك بەلەستەردى باعىندىرا الامىز. عىلىمعا ۇمتىلماعان, بىلىمگە ۇمتىلماعان, بۇگىنگى توقشىلىعىنا ءماز بولىپ, ەرتەڭگىسىن ويلاماعان ەل­دىڭ بولاشاعى ب ۇلىڭعىر. سول ءۇشىن دە مەملەكەتىمىز ىرگەمىزدى ءما­دە­نيەتپەن, بىلىممەن, عىلىممەن بەكى­تۋدى ۇدايى باستى نازاردا ۇستاپ كەلەدى. بۇگىندە قازاقستاندا رۋحاني قۇن­دىلىقتاردىڭ باعاسىن كوتەرىپ, ونى ەلگە ناسيحاتتاۋدا قىرۋار شا­رۋالار اتقارىلۋدا. مۇنىڭ بارلىعى مەملەكەت ساياساتىنىڭ وڭ باعىتتا جۇرگىزىلىپ وتىرعانىنىڭ جەمىسى. تاۋەلسىزدىكتىڭ 25 جىلىندا قول جەتكىزىلگەن وراسان زور تابىس­تارىمىز ءبىزدىڭ كەلەشەككە دەگەن سەنىمىمىزدى نىعايتا تۇسۋدە. ءوزىمىز كۇندەلىكتى ەستىپ, ءبىلىپ ءجۇر­گەندەي الەمنىڭ كەيبىر تۇس­تارىن­دا ءتۇرلى جاعدايلار ورىن الۋدا. سول ايماقتارداعى كەيبىر ەلدەر­دىڭ عاسىرلار بويى جيناقتاعان ابى­رويى, بەدەلى جوعالىپ, حالقى مۇڭايىپ, كىرىپتار كۇي كەشۋدە. بۇل جايت­تار­دىڭ بارلىعى بىزگە ساباق بولۋى ءتيىس. قازىرگى تاڭدا, قۇدايعا شۇكىر, قازاق­ستانىمىز وركەندەپ, ىرگەسىن نىعايتىپ, قۋاتتى ەلگە اينالدى. مۇ­نىڭ بارلىعى ەلىمىزدە جۇرگىزىلىپ وتىر­عان ساليقالى ساياساتتىڭ ارقاسى ەكەنى ءشۇباسىز. سوندىقتان, تاۋەل­سىز­دىگىمىز قۇتتى بولىپ, ورتاق وتا­نى­مىزدىڭ اشىق اسپانى اياسىنداعى بەرەكەلى تىرشىلىگىمىز جالعاسا بەرسىن. بەكسۇلتان نۇرجەكەەۆ, جازۋشى, مەملەكەتتىك سىيلىقتىڭ لاۋرەاتى