بۇل – ناعىز ادامگەرشىلىك اكتسياسى

مەن راقىمشىلىق اكتسياسىن قىلمىس جاساپ, جازاسىن وتەۋ ۇستىندەگى ادامدارعا عانا ەمەس, سول ادامداردىڭ وتباسى وكىلدەرىنە جاسالىپ جاتقان مەيىرىمدىلىك اكتسياسى دەپ سانايمىن. «جاڭىلمايتىن جاق, سۇرىنبەيتىن تۇياق جوق» دەيدى قازاق. كەزىندە جاڭىلىستان قاتە باسىپ, قىلمىسقا بارعان ادامداردى قوعامنان ءبىرجولاتا الاستاۋعا بولمايدى عوي. مىنا ۇلى مەيرامىمىزدىڭ الدىندا وسىنداي راقىمشىلىق اكتسياسىن جاساۋ – ەلباسىنىڭ كورەگەندىگى. ەكىنشىدەن, وسى اكتسيا قامتىعان ادامداردىڭ ەسىندە تاۋەلسىزدىك مەرەكەسى ماڭگىلىك قالاتىن بولادى. اكەمىز نەمەسە اپامىز ءبىر قاتەلەسكەننەن قىلمىس جاساعان ەدى, ەندى تاۋەلسىزدىكتىڭ 25 جىلدىعىنىڭ ارقاسىندا بوستاندىققا شىقتى دەپ تالاي ادام ايتىپ, تالاي ادام ريزاشىلىعىن بىلدىرەرى ءسوزسىز. جالپى, ەتنو­س­ارالىق جىلدارىندا قازاقستان 8-ءشى رەت امنيستيا جاساپ وتىر. كەيبىر كورشىلەرىمىزدە امنيستيا جىل سايىن دا جاسالادى. ونىڭ ۇستىنە, بۇل راقىمشىلىق اكتسياسى بارشاعا بىردەي قاتىستى ەمەس, بۇل ءبارىن دە ساراپتاپ, بىلمەستىكپەن قىلمىس جاساعاندارعا, اۋىر ەمەس قىلمىس جاساعاندارعا جانە ءبىرىنشى رەت جاڭساق باسقاندارعا عانا ارنالعان گۋمانيستىك اكت بولىپ تابىلادى. راقىمشىلىق اكتسياسى باس بوستاندىعىنان ايىرىلعانداردىڭ اراسىنان 1500-دەي ادامدى عانا بوستاندىققا شىعارادى. سونىمەن قاتار, كەيبىر قىلمىسكەرلەردىڭ جازاسى موينىنداعى قارىزدارىن وتەۋىنە بايلانىستى جەڭىل جازالارعا اۋىستىرىلادى. بوستاندىققا شىققانداردىڭ تاعى ءبىر پاراسى پروباتسيا قىزمەتتەرىنىڭ باقىلاۋىندا بولادى. جالپى, حالىقتىڭ جاعدايىمەن ساناسىپ, ولارعا جاقسىلىق جاساۋ اكتسيالارىن بارلىق ازاماتتارىمىز دا قولدايدى عوي دەپ ويلايمىن. باقىتجان ابدىرايىم, پارلامەنت ءماجىلىسىنىڭ دەپۋتاتى, زاڭگەر