ءار وقۋشى – ءبىر الەم

زاماناۋي باعىتتا جۇمىس ىستەۋ جۇيەسى قالىپتاسقان ءبىلىم وشاقتارىنىڭ اراسىندا بيدايىق ورتا مەكتەبىنىڭ ورنى بولەك. ۇجىم بيىل «ۇزدىك مەكتەپ» اتالىمى بويىنشا 17 ميلليون تەڭگەنىڭ سەرتيفيكاتىن جەڭىپ الدى. مۇنداي قۇرمەت ۇستازدار قاۋىمى ءۇشىن زور مارتەبە ءارى زور جاۋاپكەرشىلىك جۇكتەيدى. ەلىمىز ەگەمەندىگىن العاننان بەرگى كەزەڭدە ءبىلىم ورداسى ۋاقىت اعىمىنا ساي جاڭا كەلبەتىن قالىپتاستىرىپ, وقۋ مەن ءتاجىري­بەنى تەرەڭ ۇشتاستىرىپ كەلەدى. ۇستازدار قاۋىمىنا جاڭاشىل­دىق قاسيەتتەر ءتان. وقۋ كابينەتتەرى قازىرگى تالاپتارعا ساي جابدىق­تالعان. پەداگوگتاردىڭ كاسىبي دامۋى جەتە ەسكەرىلىپ, اقپارات­تىق-كوممۋنيكاتسيالىق تەحنولوگيالار وقۋ-تاربيە ۇدەرى­سىنە بەلسەندى تۇردە ەنگىزىلەدى. جاڭاشا وقۋ, مودۋلدىك تەحنو­لوگيا, سىني تۇرعىدان ويلاۋ, جوبالاۋ تەحنولوگيالارى كەڭىنەن قول­دانىلادى. سەمينارلاردا, پەداگوگيكالىق وقۋلاردا, شەبەرلىك سىنىپتارىندا ءىس-تاجىريبەلەر جان-جاقتى تانىستىرىلادى. بيدايىق ورتا مەكتەبى سوڭعى ءۇش جىلدا ۇلكەن جەتىستىكتەرگە قول جەتكىزدى. 2013 جىلى ۇلتتىق بىرىڭعاي تەستىلەۋدىڭ ءناتي­جەسى بويىنشا وبلىستىڭ ون ۇزدىك مەكتەبىنىڭ قاتارىنا ەندى. كەلەسى جىلى «ءتيىمدى اۋىل مەكتەبى» اتتى قاشىقتىق باي­قاۋى­نىڭ ءۇشىنشى دارەجەلى ديپلومىمەن ماراپاتتالدى. ون ۇستاز «وقۋ ۇدەرىسىنىڭ وزىق ءادىسى – جاپپاي ءبىلىم بەرۋ ساپاسىنىڭ نەگىزى» اتتى سىناما جوباعا قاتىستى. قازاقستان رەسپۋبليكاسى تاۋەلسىزدىگىنىڭ 25 جىل­دىعىنا ارنالعان «سەنى جىرعا قوسامىن, تۋعان ولكەم!» اۋداندىق كوركەمونەرپازدار بايقاۋىندا ۇجىم باس جۇلدەگە يە بولدى. ءار وقۋشى – ءبىر الەم. ولاردىڭ ارقايسىسىنا جەكە تۇلعا رەتىندە قاراپ, باعالاپ, تالانتىن اشىپ, وزىنە ارتىلعان جۇكتى ابىروي­مەن ورىنداپ جۇرگەن ۇستازدار از ەمەس. باستاۋىش سىنىپ مۇعا­لىمى ءۇمىتجان نۇرعازينا رەسپۋبليكالىق سايىستا «ۇزدىك شەبەرلىك سىنىبى» اتالىمىن جەڭىپ الدى. ءزۇلفيرا تىلەۋقا­بىلوۆا «جىلدىڭ ۇزدىك پەداگوگ-پسيحولوگى» اتانسا, تاريح ءپانى­نىڭ مۇعالىمى داۋرەن ىسقاقوۆ رەسپۋبليكالىق «ۇزدىك جاس مامان» بايقاۋىنىڭ جەڭىمپازى بولدى. ۇستاز الدىنان ءتالىم-تاربيە الىپ, ەڭبەگىن اقتاپ, مەكتەپتىڭ اتىن شىعارىپ جۇرگەن تۇلەكتەرىمىز كوپ-اق. مەكتەبىمىزدە رەسپۋبليكالىق «زەردە» عىلىمي جوبالار بايقا­ۋىنىڭ اعىلشىن ءتىلى مەن ماتەماتيكا ءپان­دەرىنەن وتكەن قاشىقتىق وليمپيادالارىنىڭ جەڭىمپازدارى وقيدى. وقۋشىلاردىڭ تالانتىن جان-جاقتى ۇشتايتىن «ەركە قىز», «ۇكىلى دومبىرا», «جاس تالاپ», «قول ونەرى» ۇيىرمەلەرى جۇمىس ىستەيدى. وبلىستىق, اۋدان­دىق سپورتتىق جارىس­تاردا مەكتەپ نامىسىن قورعايتىن وقۋشى­لارىمىزدى دەنە ءتار­بيەسى ءپانىنىڭ مۇعالىمدەرى دۋلات مۇحامە­دياروۆ پەن ارمان شايسۇلتانوۆ شىڭدايدى. ءوز ىسىنە اركەز ۇلكەن جاۋاپ­كەر­­شىلىكپەن قارايتىن مۇنداي جاس ماماندارىمىزدىڭ ەرتەڭى­نەن مول ءۇمىت كۇتەمىز. اتا-انالار دا ۇرپاق تاربيەسىنەن شەت قالمايدى. اۋىلدىق ءبىلىم وشاقتارى اراسىندا ءبىرىنشى بولىپ «ۇزدىك مەكتەپ» اتاعىن جەڭىپ الۋىمىز ءبىراز جايتتى اڭعارتسا كەرەك. مۇنىڭ ءوزى ۇجىمنىڭ قويان-قولتىق اتقارعان جۇمىسىنىڭ جانە تاۋەلسىزدىك جىلدارىندا اۋىلدىق مەكتەپتەرگە بارلىق جاعدايلاردىڭ جاسالۋىنىڭ ناتيجەسى دەپ بىلەمىز.  رايسا كارىمجانوۆا, بيدايىق ورتا مەكتەبىنىڭ ديرەكتورى سولتۇستىك قازاقستان وبلىسى, ءۋاليحانوۆ اۋدانى