شىمكەنتتە «نۇرلى جول» ارقىلى جاتاحانا سالىنۋدا

شىمكەنت قالاسىندا 297 جۇمىسشىعا ارنالىپ, جاتاقحانا سالىنۋدا, دەپ حابارلايدى قالا اكىمدىگىنىڭ ءباسپاسوز قىزمەتى. بيىل ەلىمىزدە «نۇرلى جول» باعدارلاماسى بويىنشا 400 مىڭ شارشى مەتر تۇرعىنۇي پايدالانۋعا بەرىلەدى. بۇل 65 مىڭعا جۋىق وتباسى باسپانامەن قامتىلادى دەگەن ءسوز. ودان بولەك, جالدامالى پاتەرلەر مەن جاتاقحانالار سالۋ دا جوسپارلانعان. وسى جوبا اياسىندا شىمكەنتتە 297 جۇمىسشىعا ارنالىپ, جاتاقحانا سالىنىپ جاتىر. «نۇرلى جول» باعدارلاماسى ارقىلى قارجىلاندىرىلعان قۇرىلىستىڭ قازىر ءبىراز جۇمىسى ءبىتتى. بۇگىندە ءۇيدىڭ تەك جيھازدارىن ورناتىپ, تازالاۋ جۇمىستارى جۇرگىزىلۋدە. جاڭا اكىمشىلىك ىسكەرلىك ورتالىعىنان بوي تىكتەگەن نىساندا تۇرعىندار ءۇشىن قاجەتتى جاعدايدىڭ ءبارى جاسالعان. جاتاقحانا شىمكەنتتەگى 500 ادامنان كەم ەمەس جۇمىسشىسى بار ءوندىرىس ورىندارىنا بەرىلەدى. باستى تالاپ – قىزمەتكەرلەردىڭ قالادا باسپاناسى بولماۋى شارت. وسىنى راستاعان جاعدايدا ارنايى كوميسسيانىڭ شەشىمى نەگىزىندە جاتىن ورىنعا قول جەتكىزەدى. جاتاقحانا – اقىسىز. تەك تۇرعىندار كوممۋنالدىق شىعىنداردى تولەيدى.