استانادا «پارىز» كونكۋرسىنىڭ جەڭىمپازدارى ماراپاتتالدى

استانادا مەملەكەت باسشىسىنىڭ قاتىسۋىمەن بيزنەستىڭ الەۋمەتتىك جاۋاپكەرشىلىگى جونىندەگى «پارىز» رەسپۋبليكالىق كونكۋرسىنىڭ جەڭىمپازدارىن ماراپاتتاۋ ءراسىمى ءوتتى, دەپ حابارلايدى ەلوردا اكىمدىگىنىڭ ءباسپاسوز قىزمەتى. بيزنەستىڭ الەۋمەتتىك جاۋاپكەرشىلىگى جونىندەگى «پارىز» كونكۋرسى حالىقتىڭ ءال-اۋقاتىن ودان ءارى جاقسارتۋ ءۇشىن جەكە كاسىپكەرلىك سۋبەكتىلەرىنىڭ قوعام الدىنداعى ءوزىنىڭ كورپوراتيۆتىك الەۋمەتتىك جاۋاپكەرشىلىگىن قالىپتاستىرۋعا جانە ارتتىرۋعا باعىتتالعان. بيىل كونكۋرسقا قاتىسۋ ءۇشىن استانا قالاسىنىڭ  18 كاسىپكەرلىك سۋبەكتىسىنەن ءوتىنىم ۇسىنىلدى, ونىڭ ىشىندە مىنا نوميناتسيالار بويىنشا: «ۇزدىك الەۋمەتتىك جاۋاپتى كاسىپورىن» - 6, «ەڭبەكتى قورعاۋ سالاسىنداعى ۇزدىك كاسىپورىن» - 4, «ۇزدىك ۇجىمدىق شارت» - 5, «ەكولوگياعا قوسقان ۇلەسى ءۇشىن» - 3. بيزنەستىڭ الەۋمەتتىك جاۋاپكەرشىلىگى جونىندەگى «پارىز» كونكۋرسىنىڭ لاۋرەاتتارى اتاقتارىن بەرۋ جونىندەگى كوميسسيا شەشىمىنە سايكەس, كونكۋرسقا قاتىسقان ەلوردامىزدىڭ كاسىپكەرلەرى ىشىنەن «ۇزدىك الەۋمەتتىك جاۋاپتى كاسىپورىن» نوميناتسياسى بويىنشا «BI HoIding» جشس 1-ورىن, «ەڭبەكتى قورعاۋ سالاسىنداعى ۇزدىك كاسىپورىن» نوميناتسياسى بويىنشا Amitech Astana جشس 3-ورىن الدى.