وتىراردا بالاباقشا اشىلدى

ەل تاۋەلسىزدىگىنىڭ 25 جىلدىعى جانە « ۇلى دالانىڭ 25 جۇلدىزدى كۇنى - ءبىلىم» اكتسياسى اياسىندا وتىرار اۋدانىنىڭ ارىس اۋىلىندا «ءبيبى - اجار» بالاباقشاسى اشىلدى, دەپ حابارلايدى اۋدان اكىمدىگىنىڭ ءباسپاسوز قىزمەتى. تاۋەلسىزدىك مەرەكەسىنە تارتۋ رەتىندە اشىلعان بالاباقشانىڭ اشىلۋىنا اۋدان اكىمىنىڭ ورىنباسارى رىسكەلدى ءالىش قاتىسىپ, كوپشىلىكتى مەرەكەمەن قۇتتىقتادى. قۇتتىقتاۋ سوزىندە اۋدان اكىمىنىڭ ورىنباسارى «ەل بولامىن دەسەڭ - بەسىگىڭدى تۇزە» دەپ, ۇلى جازۋشى م.اۋەزوۆ ايتقانداي وتانىن سۇيۋگە, اتا-اناسىن سىيلاۋعا, ءوز ەلىن قادىرلەۋگە بالانى كىشكەنتاي كەزىنەن باستاپ باۋلۋ كەرەك. بۇلدىرشىندەردىڭ تاربيەسىنە دۇرىس كوڭىل بولەتىن بولساق, بولاشاقتا ءبىلىم مەن تاربيە ەگىز بولىپ, ەلدىڭ بولاشاعىن كوركەيتەتىن ازاماتتار ءوسىپ شىعادى. بۇگىنگى كۇنى «بالاپان» باعدارلاماسىمەن اۋدانىمىزدا 20 مەملەكەتتىك, 5 جەكەمەنشىك بالاباقشالار ءوز جۇمىستارىن جاساۋدا. بۇگىنگى بالاباقشانىڭ اشىلۋى جانە قۋانىشتارىڭىز قۇتتى بولسىن!» دەدى. بالاباقشانىڭ اشىلۋ ساتىندە اۋىل اقساقالدارى مەن اۋدان اكىمىنىڭ ورىنباسارى رىسكەلدى ءالىش سالتاناتتى تۇردە لەنتاسىن قيسا, مىرزاحمەت تەمىربەكوۆ اق باتاسىن بەردى.