اقپارات الۋ قولجەتىمدى بولۋى ءتيىس

«نۇر وتان» پارتياسىنىڭ جانىنداعى قۇقىقتىق كەڭەستىڭ كەڭەيتىلگەن وتىرىسى ءوتىپ, وندا «اقپاراتقا قولجەتىمدىلىك تۋرالى», «قوعامدىق كەڭەستەر تۋرالى» جانە «سىبايلاس جەمقورلىققا قارسى ءىس-قيمىل تۋرالى» زاڭداردى ىسكە اسىرۋدىڭ ءبىرىنشى جىلىنىڭ العاشقى ناتيجەلەرى تالقىلاندى. ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى, «نۇر وتان» پارتياسى جانىن­داعى قۇقىقتىق كەڭەس ءتور­اعاسى نۇرلان ءابدىروۆ جەتەك­شىلىك ەتكەن باسقوسۋدا «اقپاراتقا قولجەتىمدىلىك تۋرالى» زاڭنىڭ قىزمەتى جان-جاقتى سارالانىپ, وسى زاڭ اياسىندا «مودەلدى الاڭقاي» قىز­مەتىن ىسكە قوسۋ قاجەتتىلىگى دە ءسوز بولدى. ءماجىلىس دەپۋتاتتارى مەن «نۇر وتان» پارتياسىنىڭ جانىنداعى قۇقىقتىق كەڭەستىڭ مۇشەلەرى, مەملەكەتتىك ورگانداردىڭ وكىلدەرى, قازاقستانداعى بۇۇ دب, ەقىۇ-نىڭ استاناداعى باعدارلامالار كەڭسەسى, گۋمانيتارلىق زەرتتەۋلەر مەن جوبالار ينستيتۋتى, استانا, پاۆلودار, وسكەمەن قالالارىنىڭ جانە قاراعاندى وبلىسىنىڭ قوعامدىق كەڭەستەرىنىڭ وكىلدەرى قاتىسقان جيىندا اقپارات جانە كوممۋنيكاتسيالار ۆيتسە-ءمينيسترى الان اجىباەۆ قولدانىسقا ەنگەن زاڭنىڭ العاشقى جىلىنىڭ الدىن الا قورىتىندىلارى جونىندە بايانداما جاسادى. «100 ناقتى قادام» ۇلت جوس­پارىن ىسكە اسىرۋدىڭ نەگىزگى بولىگىن قۇرايتىن وسى زاڭداردى مۇددەلى تاراپ­تاردىڭ كەڭ وتىرىسىندا تال­قى­­لاۋدىڭ ماڭىزدىلىعىنا توق­تال­­عان ۆيتسە-مينيستر, بۇگىن­گە دەيىن ورىندالعان شارۋا­لار­دىڭ ءبىر­قاتارىن اتاپ ءوتتى. «ازامات­تاردىڭ اقپاراتقا قولجەتىمدىلىگىن قامتاماسىز ەتۋ ماقساتىندا مي­نيستر­لىك اعىمداعى جىلدا حالىق­ارا­لىق ۇيىمدارمەن بىرلەسە وتى­رىپ, ايماقتارداعى باق وكىل­دەرى ءۇشىن سەمينار-كەڭەستەردى وتە ءساتتى وتكىزدى. سونداي-اق, نورماتيۆتىك-قۇقىقتىق اكتىلەردىڭ بازاسى دا جاساقتالدى. سونىڭ نەگىزىندە ازا­مات­تاردىڭ ارىز-شاعىم, ءوتىنىش-تىلەكتەرىنىڭ 73 پايىزىنا دەر كەزىن­دە جاۋاپ بەرىلدى», دەدى الان عازيز­ ۇلى. سونداي-اق, ول مينيسترلىك سوڭ­عى كەزدەرى ۇكىمەت وتىرىسىن ون­لاين-ترانسلياتسيا ارقىلى وتكىزۋدى بەل­سەندى قولعا العانىن تىلگە تيەك ەتتى. نەگىزگى باياندامادان سوڭ ءسوز العانداردىڭ كەيبىرى مي­نيستر­لىك تاراپىنان جاقسى كورسەت­كىشتەر بولعانىمەن, اقپاراتقا قولجەتىمدىلىكتى قامتاماسىز ەتۋدە ءتۇيىندى ماسەلەلەر بار ەكەندىگىن اي­تىپ قالىپ جاتتى. جالپى, اق­پا­راتقا قول جەتكىزۋدىڭ ءبىر ەمەس, ءبىر­نەشە ءادىس-ءتاسىلى بار دەسەك تە, ونىڭ بارلىعى قالىپتى جاعدايدا ەمەس ەكەندىگى بەلگىلى بولدى. ماسە­لەن, وسى كۇندەرى مەملەكەتتىك ور­گان­نان تەلەفون شالۋ, جازباشا ءوتى­نىش جازۋ, ەلەكتروندى بايلانىس قۇرال­دارى ارقىلى نەمەسە «ەلەكتروندى ۇكى­مەتتىڭ» ارنايى ءتورت پورتالى ار­قى­لى اقپاراتتار الۋعا بولادى ەكەن. الايدا, قازىر بۇل قىزمەتتەردى سارالاپ شىعىپ, ولاردى ءالى دە بولسا جەتىلدىرۋ قاجەت دەگەن ويعا كەلدىك. سەبەبى, جوعارىدا اتالعان اقپارات الۋدىڭ 5-6 ءادىسىنىڭ ىشىندەگى تەلەفون شالۋ ارقىلى قانداي دا ءبىر مالىمەتكە قول جەتكىزۋ تەتىگى جۇمىس ىستەمەي تۇرعانىن بايقاۋعا بولادى, دەدى ءماجىلىس دەپۋتاتى ماۋلەن اشىمباەۆ. ودان كەيىنگى ءسوز مەملەكەتتىك ورگانداردىڭ سايتتارى جونىندە ءوربىدى. قازىر وركەنيەتتىڭ كەڭ ءورىس الىپ, ينتەرنەتتىڭ ءتىلىن مەڭگەرگەن ازاماتتار سانى ارتقان كەز دەسەك تە, كەيبىر مەملەكەتتىك ورگاندار بۇل ماسەلەگە ءمان بەرمەيتىن سەكىلدى. ويتكەنى, قايسىبىر مەكەمەلەر جەكە سايتى ارقىلى ءبىراز ساۋالعا جاۋاپ بەرۋ مۇمكىندىگى بولا تۇرا, ونى جۇيەلى تۇردە شىنايى اقپا­راتتارمەن دەر كەزىندە قامتاماسىز ەتە الماي وتىر. سودان كەيىنگى ءبىر ءادىس – ازاماتتاردىڭ ارنايى حات جازۋ ارقىلى 10-15 كۇن ىشىندە رەسمي جاۋاپ الۋعا قاتىستى جاعدايدى باياندايتىن بولساق, بۇل مىندەتتىڭ دە ۇدەسىنەن شىعىپ, ءمىنسىز اتقارىپ وتىرعان ورگاندار ساناۋلى عانا. مىنە, وسىدان كەيىن «اقپاراتقا قولجەتىمدىلىك تۋرالى» زاڭ ءتيىستى دەڭگەيدە قولدانىلىپ وتىر دەپ ايتۋعا اۋىز بارمايتىنداي. ايتا كەتەيىك, اقپاراتقا قولجە­تىم­دىلىك زاڭى جۇرتشىلىققا كەرەك مالىمەتتەردى جەتكىزۋدى قامتا­ما­سىز ەتۋمەن عانا شەكتەلمەيدى. بۇل – ەلدەگى دەموكراتيالىق ءۇردىس­تەر­دىڭ دامۋىنا, سىبايلاس جەمقور­لىققا قارسى كۇرەسكە, مەملە­كەت­ت­ىك ورگانداردىڭ اشىقتىعىن قا­لىپتاستىرۋعا, ازا­ماتتار قۇقىعى­نىڭ ساقتالۋىنا تىكەلەي اسەر ەتە­تىن, سوعان كومەكتە­سە­تىن تەتىك. ياعني, وسى زاڭ­­نىڭ تالاپ­تارى تياناقتى ورىن­­­دالۋ ارقىلى حالىق اراسىندا مەم­­­لە­كەت­تىك بيلىك­تىڭ بەدەلى ارتا­تىن­د­ى­عى ءسوزسىز. سوندىقتان دا بۇل ماسە­لە­گە بەيجاي قاراۋعا بولمايدى. نۇرلىبەك دوسىباي, «ەگەمەن قازاقستان»