شاراعا تەك ءتارتىپ ساقشىلارى عانا ەمەس, سۋدا قۇتقارۋشىلار مەن بالالار مەن ستۋدەنت جاستار قاتىستى. كاسپي تەڭىزىن باستى ساحنا ەتىپ العان ءتارتىپ ساقشىلارى سۋدا قۇتقارۋشىلاردىڭ كومەگىمەن تەڭىزدە پوليتسيا بەلگىسى سالىنعان الىپ باننەردى كوتەردى. جاعالاۋدا پارۋس جاسوسپىرىمدەر مەكتەبىنىڭ وقۋشىلارى پارۋستارىمەن «25» سانىن بەينەلەدى. شارا تەڭىزدەگى ياحتادا جالعاسىپ, ءتارتىپ ساقشىلارى پاتريوتتىق تاقىرىپتا ءان شىرقاپ, كوككە 50 كوگەرشىن ۇشىردى. ءدال وسى ۋاقىتتا اقتاۋلىق ستۋدەنتتەر تەڭىز جاعاسىندا جەردىڭ سيمۆوليكالىق كەسكىنىن جاسادى. جەر «ىشىندە» جەرگىلىكتى جوو اسكەري كافەدرا ستۋدەنتتەرى «25 جىل» دەپ جازىپ كورسەتتى. اسەرلى وتكەن شاراعا 350 ادام قاتىستى.
«بۇل اۋقىمدى شارادا ءبىز ءتارتىپ ساقشىلارىنىڭ تەك جان-جاقتىلىعىن اشىپ كورسەتكىمىز كەلدى. ولاردىڭ تەك قوعام ءتارتىبى مەن ادام قۇقىقتارىن ساقتاپ قانا قويماي, ءان ايتىپ, بيلەپ, بەيبىت ەلدىڭ تىنىشتىعىنا ءان-جىرمەن دە ۇلەس قوسا الاتىنىن دالەلدەدىك», – دەيدى ماڭعىستاۋ وبلىستىق ءىىد ينسپەكتورى ت.ازيزاەۆ.
گۇلايىم شىنتەمىرقىزى,
«ەگەمەن قازاقستان».
اقتاۋ
