وسى ورايدا, قازاقستاننىڭ بىرەگەيلىگى ەلباسى نۇرسۇلتان نازارباەۆتىڭ ءوز ۇلتىن توتاليتارلىق ساياسي جۇيەدەن دەموكراتيالىق جۇيەگە, جوسپارلىدان نارىقتىق ەكونوميكاعا, ءداستۇرلى مادەنيەتتەن مودەرنيستىك مادەنيەتكە جەتەلەپ, دامىتقانىنا نەگىزدەلەدى. پرەزيدەنتتىڭ جۇرگىزىپ كەلە جاتقان سىرتقى ساياساتىنىڭ ارقاسىندا ءبىزدىڭ ەلىمىز ايماق دەڭگەيىندە عانا ەمەس, بارلىق الەمگە ىقپالدى مەملەكەتكە اينالدى.
ەلباسى بەرگەن انىقتاما بويىنشا سىرتقى ساياسات سالاسىنداعى قازاقستاندىق ۇلگىنىڭ ءۇش سيپاتتاماسىن ءبولىپ كورسەتۋگە بولادى.
بىرىنشىدەن, قازاقستان ءاردايىم ءوزىنىڭ گەوگرافيالىق ورنالاسۋىن ۇتىمدى پايدالانىپ وتىردى. ءبىر جاعىنان, قازاقستان كوپورتالىقتى ەۋرازيانىڭ پروەكتسياسىنا اينالدى. سونىمەن قاتار, قازاقستان ءوزىن ورتالىق ازيانىڭ ءبىر بولىگى رەتىندە قاراستىردى. ول ادەتتە ورتالىق ازيا ەلدەرىمەن بايلانىستى العا شىعارۋعا, ولارمەن ءوزارا جاۋاپكەرشىلىكتى قاتىناستار قۇرۋعا, اۋعانستانعا كومەك كورسەتۋ سياقتى گۋمانيتارلىق ماقساتتارىن ىسكە اسىرۋعا نەگىزدەلدى.
ورتالىق ازيا الەمدىك وركەنيەت كەڭىستىگىنىڭ ماڭىزدى ايماعىنا اينالا ءبىلدى. بۇگىنگى كۇنى ورتالىق ازيا – بيزنەس پەن قارجى اعىمدارىنىڭ ءبىر بولىگى. وسى ءوڭىر نەگىزىندە حالىقارالىق قارجى قورىن قۇرۋعا بولادى, ال ونى استانا حالىقارالىق قارجى ورتالىعى جوباسىنىڭ شەڭبەرىندە جۇزەگە اسىرۋعا مۇمكىندىك بار. قازاقستان ايماقتاعى ەلدەرمەن ارىپتەستىك قۇرۋداعى وڭتايلى سىرتقى ساياساتىنىڭ ارقاسىندا ەلشىلىك حابتىڭ ءرولىن اتقارىپ وتىر. مۇندا حالىقارالىق ۇيىمداردىڭ نەگىزگى كەڭسەلەرى ورنالاسقان. قازاقستان ينۆەستيتسيالار مەن يننوۆاتسيالاردى تارتىپ, ولاردى ۇتىمدى يگەرۋدىڭ ورتالىعىنا اينالدى. وسى ورايدا زامان تالاپتارىنا ساي ءبىلىم بەرۋ جانە مەديتسينا مەكەمەلەرى قۇرىلدى.
ورتالىق ازيانىڭ مۇددەلەرىن قورعاۋ ماقساتىندا ازياداعى ءوزارا ءىس-قيمىل جانە سەنىم شارالارى جونىندەگى كەڭەس, شانحاي ىنتىماقتاستىق ۇيىمى, ەۋرازيالىق ەكونوميكالىق وداق جوبالارىنا دا باستاماشىلىق تانىتىلعان بولاتىن. مۇنىڭ بارلىعى بۇگىندە ءساتتى جۇزەگە اسىپ, ورتالىق ازيانىڭ سۋبەكتىلىگىن, ونىڭ ەۋرازيا مەن بۇكىل الەمدەگى ماڭىزدىلىعىن جوعارىلاتىپ وتىر.
ەكىنشىدەن, قازاقستان كەڭىستىكتى دۇرىس ترانسفورماتسيالاپ, ونى الەمنىڭ وڭتايلى قابىلداۋىنا جول اشاتىن ءىس-قيمىل جاساي ءبىلدى.
وسى ورايدا, س.حانتينگتىڭ بارشاعا ءمالىم وركەنيەتتەر قاقتىعىسىن قاراستىرىپ وتۋگە بولادى. قازاقستان ءوز تاۋەلسىزدىگىنىڭ العاشقى جىلدارىندا-اق كوپۇلتتى قۇرامىمەن جانجالدار ايماعى دەپ قابىلداندى. بىراق بۇل بولجام مۇلدە تەرىسكە شىقتى. ول تۇرماق, ءبىزدىڭ ەلىمىز جاڭا تاۋەلسىز مەملەكەتتەردىڭ ءوزارا قاتىناستارىن ترانسفورماتسيالاپ, بەيبىت وزگەرىستەر ەنگىزۋگە مۇمكىندىك بەرگەن تمد-نى قۇرۋ تۋرالى كەلىسىمنىڭ جاسالۋىنا ۇيىتقى بولدى. ءسويتىپ, تمد پوستكەڭەستىك مەملەكەتتەردىڭ قايتا بىرىگۋىنىڭ قۇرالىنا اينالدى. وسىلايشا دوستاستىقتىڭ قۇرىلۋى ورتالىق ازيا ەلدەرى اراسىنداعى بايلانىستاردىڭ ۇزىلۋىنە دە جول بەرمەدى.
ۇشىنشىدەن, قازاقستان مادەنيەت, ساۋدا مەن كوممۋنيكاتسيالار سالاسىن جاڭا قۇرامداستارمەن تولىقتىرا ءتۇستى. سونىمەن قاتار, ەلىمىز تاريحي ۇلى جىبەك جولىنىڭ اۋماعى رەتىندە ءوزىنىڭ كوممۋنيكاتسيالىق ءرولىن مۇمكىندىگىنشە قايتا قالپىنا كەلتىرە الدى. بۇل جەردە ەڭ الدىمەن, قازاقستان جاڭا ەنەرگەتيكالىق جانە ازىق-ت ۇلىك ورتالىعى بولا العانىن دا ايتا كەتۋ كەرەك. اسىرەسە, «باتىس ەۋروپا – باتىس قىتاي» اۆتوجولىن سالۋ ارقىلى كونە جىبەك جولىنىڭ كولىكتىك ماگيسترالى قالپىنا كەلتىرىلدى. سوندىقتان قازاقستان ەندىگى جەردە ايماقتىق بيگ داتا ورتالىعىنا اينالعالى وتىر دەپ نىق سەنىممەن ايتا الامىز.
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى, ۇعا
كوررەسپوندەنت مۇشەسى
