وسىمەن ون ءۇشىنشى رەت وتكىزىلىپ وتىرعان وتاندىق PR-سالانىڭ وسىناۋ ىرى وقيعاسى اياسىندا ەكى كۇن قاتارىنان قازاقستانداعى جانە الەمدەگى كوممۋنيكاتسيالىق يندۋستريا ترەندتەرى, ماسەلەلەرى مەن مىندەتتەرى ورتاعا سالىنادى.
ءداستۇرلى فورۋمعا ادەتتەگىدەي ەلىمىزدىڭ PR-سالاسىنىڭ جەتەكشى ماماندارى, مەملەكەتتىك جانە بيزنەس-قۇرىلىمداردىڭ توپ-مەنەدجەرلەرى, ماركەتولوگتار, جۋرناليستەر قاتىسادى. پىكىر الماسادى, جاڭا جارناما بەرۋشىلەرىن تابادى, مىقتى PR-شىلارمەن ديدارلاسادى.
بۇگىن باستالعان فورۋم سوڭعى الەمدىك ترەندتەر مەن حالىقارالىق PR-نارىقتىڭ سىن-تەگەۋرىندەرىنە, ەل مەن بيزنەستىڭ بەت-بەينەسى مەن ابىروي-اتاعىن باسقارۋ ماسەلەلەرىنە, حالىقارالىق برەندتەردىڭ جاھاندانۋى مەن لوكاليزاتسياسىنا, جەرگىلىكتى ەرەكشەلىكتەرگە قاراي ىلگەرىلەۋدىڭ تيىمدى قۇرالدارىنا ارنالماق.
قازىر نارىقتىڭ جەتەكشى ماماندارى قوعامدىق كامپانيالار, زەرتتەۋلەردى ۇيىمداستىرۋ, الەۋمەتتىك جەلىلەردەگى جۇمىس ەرەكشەلىكتەرى ماسەلەلەرىن ورتاعا سالىپ, وتكەن جىلى PR-ورتادا جانە ودان تىس تا كەڭىنەن تانىمال بولعان PR-كەيستەردى قاراستىرۋدا. بۇل جىلى PR-فورۋمعا ICCO پرەزيدەنتى ماكسيم بەحار قوناق بولىپ, PR نارىقتىڭ حالىقارالىق ترەندتەرى تۋراسىندا اڭگىمە قوزعايدى.
«بۇل جىلى فورۋم تاقىرىبى ازداپ قورقىنىش شاقىراتىنداي كورىنۋى دە مۇمكىن. كىبىسە جىل – PR سالاسى ءۇشىن سىناققا تولى بولدى, - دەيدى PG 2 Communications باسقارۋشى سەرىكتەسى, PR-شى كلۋبىنىڭ ورتاق قۇرىلتايشىسى جانە قر قبۇق كەڭەسىنىڭ ءتورايىمى اسەل قاراۋىلوۆا.
– جىل تەك كۇنتىزبەك بويىنشا عانا ەمەس, نارىق ءۇشىن دە كۇردەلى بولىپ شىقتى. PR-بيۋدجەتتەردى قىسقارتۋدان بولەك, ءبىز PR جانە داعدارىستاردى باسقارۋ سالالارىندا جەتكىلىكتى تۇردە ويلاستىرىلماعان جۇمىستىڭ ناتيجەسى بولعان كوممۋنيكاتسيالىق «ساتسىزدىكتەردىڭ» ەداۋىر جاعدايلارىنىڭ كۋاسى بولدىق. جالپى, ءبىزدىڭ ءسالا بىرشاما «داۋىلدى جاعدايدى» باستان وتكەرىپ جاتىر, جانە فورۋم ساراپشىلارى ونى تۇراقتاندىرۋ بويىنشا وزدەرىنىڭ كاسىبي ۇسىنىستارىن العا تارتادى».
فورۋمنىڭ اشىلۋ سالتاناتىندا PR-شى كلۋبىنىڭ پرەزيدەنتى ايدا دوساەۆا: ء«بىزدىڭ كلۋب PR-فورۋمدى وسىمەن ون ءۇشىنشى رەت قاتارىنان ۇيىمداستىرىپ جاتىر, ول كوممۋنيكاتسيالار سالاسىنداعى ەڭ نەگىزگى جانە اسىعا كۇتەتىن ۋاقيعاعا اينالدى. بۇگىنگى تاڭدا PR-شى كلۋبى الماتى مەن استانادا بەلسەندى تۇردە قىزمەت ەتە وتىرىپ, كاسىبي نارىقتى دامىتۋدا جانە سالانىڭ ستاندارتتارىن تۇزۋدە», - دەدى
بيىلعى فورۋمنىڭ ماڭىزدى تاقىرىپتارى قاتارىنا جەلىدەگى داعدارىستى باسقارۋ, كومپانيالارداعى PR مەن نR ءوزارا ىقپالداستىعى, مادەنيەت سالاسىنداعى كوممۋنيكاتسيالار, جاڭالىق كونتەنتىن قۇرۋ, ۆيرۋستى كونتەنت, جەلىدەگى تروللينگ جانە كوپتەگەن باسقا دا ماسەلەلەر كىرەدى.
بيىل العاش رەت GR – government relations تاقىرىبى بارىنشا تولىق اشىلىپ كورسەتىلمەك. ساراپشىلار بۇل تاقىرىپتى تۇستەن كەيىن, قازاقستانداعى قالاي قابىلداناتىنى مەن ەرەكشەلىگىن تالقىعا سالادى. پيارشىلار ۇشىن پسيحولوگيالىق لايفحاكتار ۇسىنىلادى. بۇل ءوز برەندىمەن تولىق ينتەگراتسيالانعاندار ءۇشىن اسا پايدالى. كاسىبي پسيحولوگ اسا جوعارى پسيحولوگيالىق جۇكتى قالاي جەڭىلدەتۋگە بولاتىنى تۋراسىندا تاجىريبەلىك كەڭەستەرىن بەرەدى.
جىل سايىن وتەتىن ءىس-شارانى – قازاقستان رەسپۋبليكاسىنىڭ قوعاممەن بايلانىس جونىندەگى ۇلتتىق قاۋىمداستىق (قر قبۇق) مەن ICCO (International Communication Consultancy Organization) قولداۋىمەن قازاقستاندىق PR-3 كاسىپقويلارىنىڭ بەيرەسمي كلۋبى «PR-شى», PG Communications اگەنتتىگى تۇراقتى تۇردە ۇيىمداستىرىپ كەلەدى.
ايناش ەسالي,
«ەگەمەن قازاقستان».
الماتى
