ەلى مەن جەرى ءۇشىن جانىن پيدا ەتكەن باتىردى كەيىنگى ۇرپاقتىڭ ساناسىنا ءسىڭىرىپ, تالانتتى جانداردىڭ اقىندىق قابىلەتىن شىڭداپ, ءوز شىعارماشىلىعىن كورسەتۋگە مۇمكىندىك بەرۋ ماقساتىندا ۇيىمداستىرىلعان بايقاۋدىڭ مىنانداي شارتتارى بار:
- ولەڭدەر كولەمى 15 شۋماقتان كەم بولماۋى ءتيىس;
- ولەڭ جولدارى, اۆتوردىڭ تولىق اتى-ءجونى جانە ءوزى تۋرالى قىسقاشا مالىمەت فوتوسۋرەتىمەن, بايلانىس تەلەفوندارى كومپيۋتەردە 14-ولشەمدى (Microsoft Word – Times New Roman) ارىپتەرىمەن تەرىلىپ, ەلەكتروندى جانە قاعاز نۇسقادا جولدانىلۋى ءتيىس.- بايقاۋعا 16 جاستان جوعارى ۇمىتكەرلەر قاتىسا الادى.
بايقاۋعا ماتەريالدار 2017 جىلدىڭ 20 ماۋسىمىنا دەيىن قابىلدانادى.
بايقاۋ جەڭىمپازدارىن انىقتاۋ ماقساتىندا ارنايى كوميسسيا قۇرىلادى. ول تۇسكەن شىعارمالاردى جان-جاقتى قاراپ, ولەڭ مازمۇنىنا باسا نازار اۋدارىپ, ۇزدىك دەپ تانىلعان ولەڭدەردى ىرىكتەپ الادى.
قورىتىندى ءىس-شارا 2017 جىلدىڭ شىلدە ايىنىڭ ءىى ونكۇندىگىندە وتكىزىلەدى.
بايقاۋعا قاتىسۋشىلار ارنايى ديپلوممەن ماراپاتتالادى, جەڭىمپازدارعا اقشالاي سىيلىقتار تابىس ەتىلەدى:
ءى ورىن – 300 000 تەڭگە;
ءىى ورىن – 200 000 تەڭگە;
ءىىى ورىن – 100 000 تەڭگە.
بارلىق قاتىسۋشىلاردىڭ ولەڭدەرىنەن ارنايى جيناق شىعارىلىپ, ول كەيكى باتىردىڭ سۇيەگىن جەرلەۋ ءراسىمى وتكىزىلەتىن ءىس-شارا قاتىسۋشىلارىنا تاراتىلاتىن بولادى.
مۇشايراعا قاتىسۋشىلاردىڭ ماتەريالدارى 2017 جىلدىڭ 20 ماۋسىمىنا دەيىن امانگەلدى اۋدانىنىڭ ىشكى ساياسات بولىمىنە پوشتالىق مەكەن-جاي بويىنشا (قوستاناي وبلىسى, امانگەلدى اۋدانى, امانگەلدى سەلوسى, ب. مايلين كوشەسى, 14 ءۇي, 110200 يند) نەمەسە sayasat_amangeldi@mail.ru ەلەكتروندى مەكەن-جايىنا جولدانۋى ءتيىس.
قوسىمشا مالىمەتتەردى 8(71440) 22020 تەلەفون نومەرىنە حابارلاسۋ ارقىلى بىلە الاسىزدار.
