الماتى قالاسىنىڭ اكىمى باۋىرجان بايبەك ناۋرىزباي اۋدانىن دامىتۋ جونىندەگى وتكىزگەن كوشپەلى جيىندا قالا قىزمەتتەرىنىڭ نازارىن اۋدانداعى سالىنىپ جاتقان جولداردىڭ, ينجەنەرلىك جانە كوممۋنالدىق جەلىلەردىڭ بارىنشا ساپالى بولۋىنا ەرەكشە نازار اۋداردى اۋدان تۇرعىندارىن اۋىزسۋمەن قامتاماسىز ەتۋگە وراي 1 07,5 كم قۇبىر جەلىسى تارتىلىپ, اقساي, قارعالى ستانتسيالارىندا كۇردەلى سۋ تازارتقىش سالۋ جوسپارلانعان. قۇرىلىس اياقتالعان تۇستا اۋدانداعى تاۋسامالى, تاۋجولى, شۇعىلا, تاستىبۇلاق, اقجار, قۇرامىس, قارعالى, قاراعايلى, جايلاۋ ىقشام اۋداندارى قالانىڭ ورتالىقتاندىرىلعان سۋ جۇيەسىنە قوسىلادى.
قازىر اۋداندا اباي داڭعىلى مەن اۋەزوۆ كوشەسىنەن قالقامان ىقشام اۋدانىنىڭ قالا شەكاراسىنا دەيىنگى ارالىعىندا مەتروعا قاجەتتى ۇڭگىلەۋ, جاندوسوۆ كوشەسىنىڭ سايىن كوشەسى مەن تاۋسامالى پوسەلكەسىنە دەيىن اۋماعىندا كۇردەلى جول جوندەۋ جۇمىستارى جۇرۋدە. كوشەلەردىڭ قوزعالىس بولىگى ءتورت جولاققا كەڭەيدى. قارعالى وزەنىنىڭ ۇستىندەگى سەل بولىپ, سۋ تاسىعاندا (2015 جىل) شاماسى شەكتەلگەن كوپىر قايتا جاسالۋدا, جاڭادان ۆەلوجولدار مەن تروتۋارلار سالىنۋدا.
ءبىر سوزبەن ايتقاندا, قۇرىلىسشىلار قاۋىمى ناۋرىزباي اۋدانىنىڭ قۇرىلۋىنىڭ 3 جىلدىعىنا – 2017 جىلدىڭ 2 شىلدەسىنە دەيىن جوسپارداعى بارلىق ءىس-شارالاردى تولىعىمەن جۇزەگە اسىرۋ ءۇشىن ات سالىسۋدا.
تالعات ءسۇيىنباي,
«ەگەمەن قازاقستان»
