باسقوسۋدا «سامۇرىق-قازىنا» اق باسقارما توراعاسى ومىرزاق شوكەەۆ كومپانيانىڭ ەڭبەك اۋلەتتەرىن مەرەكەلەرىمەن قۇتتىقتادى. «سامۇرىق-قازىنادا» 300 مىڭعا تارتا ادام جۇمىس ىستەيدى. كومپانيا ۇجىمىنىڭ قىزمەتىنە كوپ نارسە بايلانىستى. ءبىز داعدارىستى ەڭسەرىپ, اۋقىمدى جوبالاردى قولعا الدىق. بۇل كۇندى حالىقارالىق وتباسى كۇنىمەن تۇسپا-تۇس كەلتىرىپ وتىرعانىمىز دا كەزدەيسوقتىق ەمەس. سەبەبى, بۇل – ءبىزدىڭ مەيرام», دەگەن باسقارما توراعاسى سالتاناتتى شاراعا قاتىسۋشىلارعا ساتتىلىك, شاڭىراقتارىنا بەرەكە تىلەدى. سونىمەن قاتار, ءار جۇمىسشىنىڭ كۇش-جىگەرىن, ەڭبەگىن اركەز باعالايتىندارىن ايتتى.
بيىل «قوردىڭ ەڭبەك اۋلەتى» مەدالدارىن باباشەۆتار, سايرامباەۆتار, ترۋبالار, كلوپوۆتار, پشەنيتسيندەر, ەلتاەۆتار, ماتسيۋكتەر, جامانكوزوۆتەر, كاكىمانوۆتار, مۇساعاليەۆتەر اۋلەتى يەلەندى. كەيبىر اۋلەتتەردىڭ ەڭبەك ءوتىلى 300 جىلدان اسادى. ايتالىق, «تاۋ-كەن سامۇرىق» كومپانياسىندا قىزمەت ەتەتىن باباشەۆتار اۋلەتىنىڭ ەڭبەك جولى 373 جىلعا جالعاسادى. ال سايرامباەۆتار وتباسى 317 جىلدان بەرى ۇرپاقتان ۇرپاققا مۇرا بولعان ءبىر سالانىڭ قىزمەتىن ورىستەتىپ كەلەدى.
ء«بىزدىڭ تەمىر جول سالاسىنداعى اۋلەتتىك ەڭبەك جولىن اكەمىز سايرامباي ماxانبەت سوناۋ 1928 جىلى باستاعان. سوندا 1974 جىلعا دەيىن ەڭبەك ەتتى. ءبىز التى بالا اكەمىزدىڭ جولىن قۋدىق. ءىزىن جالعاپ كەلەمىز. بۇگىن – اعا بۋىن ءۇشىن قۋانىشتى كۇن, ال جاستارىمىزعا ۇلگى. ءبىزدىڭ اۋلەتتىڭ ەڭبەك ءوتىلى 300 جىلدان اسادى, بۇل – ەرەكشە ماقتانىش», دەيدى «قازاقستان تەمىر جولى» ۇك ستاندارتتاۋ, سەرتيفيكاتتاۋ جانە مەترولوگيا ورتالىعىنىڭ باسشىسى ەسەنتۇر سايرامباەۆ.
اسحات رايقۇل,
«ەگەمەن قازاقستان»
سۋرەتتى تۇسىرگەن
ەرلان وماروۆ,
«ەگەمەن قازاقستان»
