باتىرحان قۇرمانسەيىت 1975 جىلى تۋعان, ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن, ورتالىق-ازيا ۋنيۆەرسيتەتىن بىتىرگەن. ماماندىعى بويىنشا شىعىستانۋشى-فيلولوگ, جاپون ادەبيەتى ءپانىنىڭ وقىتۋشىسى, زاڭگەر, PhD دوكتورى, ءى حاتشى ديپلوماتيالىق دارەجەسى بار.
ەڭبەك جولىن «NIKA SERVICE-1» جشس مەكەمەسىندە ديرەكتور بولىپ باستاعان. 2008-2014 جىلدارى قازاقستان رەسپۋبليكاسى سىرتقى ىستەر مينيستىرلىگى ازيا جانە افريكا دەپارتامەنتىنىڭ ەكىنشى حاتشىسى, قازاقستان رەسپۋبليكاسىنىڭ جاپونياداعى ەلشىلىگىنىڭ ەكىنشى, ءبىرىنشى حاتشىسى, كەڭەسشىسى, كەڭەسشى-ۋاكىلى, قازاقستان رەسپۋبليكاسى پرەزيدەنتى اكىمشىلىگى سىرتقى ساياسات ورتالىعىنىڭ ينسپەكتورى, ۇكپ «اتامەكەن» سىرتقى ساۋدا پالاتاسى حالىقارالىق ىنتىماقتاستىق دەپارتامەنتى سەكتورىنىڭ مەڭگەرۋشىسى لاۋازىمدارىندا, 2015-2016 جىلدارى «New & Rare Resources» جشس باس ديرەكتورى قىزمەتىن اتقارعان.
