«قۇقىقتىق ءتارتىپ» جەدەل الدىن الۋ شاراسىن ورىنداۋ ماقساتىندا استانا قالاسى ءىىد جپق تابيعاتتى قورعاۋ پوليتسيا قىزمەتكەرلەرى اۋدان اكىمدىگىنىڭ اپپارات ماماندارىمەن بىرلەسىپ, قالانى اباتتاندىرۋ ەرەجەسىنىڭ تالاپتارىنا سايكەس قۇرىلىس الاڭدارى مەن ۋچاسكەلەرىنە كۇندەلىكتى تەكسەرىس جۇمىستارىن جۇرگىزۋدە.
ماسەلەن, اعىمداعى جىلدىڭ باسىنان قر اقبتك 505 بابىن «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى نىساندارىن بۇزۋ, جاسىل جەلەكتەردى جويۋ جانە ءبۇلدىرۋ» بۇزعان ياعني, ىرگەلەس اۋماقتاردى قاردان, مۇزدان, قوقىستاردان ۋاقىتىلى تازارتپاۋ, قۇرىلىس ۋچاسكەسىنىڭ تىس اۋلاسىنا قۇرىلىس قالدىقتارىن جيناماۋ, قورشاۋلاردى ورناتپاۋ, جۇك اۆتوكولىك دوڭگەلەكتەردى جۋ جانە ت. ب. بويىنشا 93 قۇرىلىس كومپانيالارى جاۋاپكەرشىلىككە تارتىلدى. ايىپپۇل كولەمىنىڭ جالپى سوماسى 6 ملن تەڭگەدەن اسادى.
