بيىلعى جىلدان باستاپ «التىن بەلگىنى» بەرۋ قۇقىعى مەكتەپتەرگە بەرىلگەنى بەلگىلى.
مايراش تايكەنوۆانىڭ ايتۋىنشا, مينيسترلىك «التىن بەلگى» يەگەرلەرىنىڭ سانىنا, ولاردىڭ جوعارى وقۋ ورىندارىنداعى ۇلگەرىمدەرىنە تالداۋ جۇرگىزەتىن بولادى. سونداي-اق مەكتەپتەگى جۋرنالدان 11 جىل ىشىندە العان باعالارىن دا قارايدى.
«ەندى مەكتەپتەر «التىن بەلگىنى» اتتەستاتتاۋ قورىتىندىسى بويىنشا بەرەدى. ءبىلىم جانە عىلىم مينيسترلىگى مەكتەپتەرگە ۇلكەن سەنىم ارتىپ وتىر. «التىن بەلگىنى» بەرۋ كەزىندە سىبايلاس جەمقورلىقتى بولدىرماۋ ءۇشىن ۆيتسە-مينيستر, دەپارتامەنت باسشىلارى مەكتەپ ديرەكتورلارىمەن كەزدەسىپ, اڭگىمەلەسۋدە. ءبىلىم جانە عىلىم مينيسترلىگى تاراپىنان مىندەتتى تۇردە باقىلاۋ جۇرگىزىلەتىنى ايتىلىپ جاتىر. «التىن بەلگى» يەگەرى تومەن بالل الىپ, جوعارى وقۋ ورنىنا تۇسە الماي قالسا, وعان مەكتەپ ديرەكتورى جاۋاپتى بولادى, – دەدى ءمينيستردىڭ كەڭەسشىسى Tengrinews اگەنتتىگىنە بەرگەن سۇحباتىندا. – ءبىز اشىقتىقتى قامتاماسىز ەتۋ ءۇشىن ەلەكتروندىق فورماتقا اۋىسۋدى كوزدەپ وتىرمىز. وقۋشىنىڭ اتى-ءجونىن جازىپ, ونىڭ 11 جىل بويى قانداي باعا العانىن كورە الامىز. ەلەكتروندى كۇندەلىك ەنگىزىلگەن سوڭ, كەز-كەلگەن وقۋشىنىڭ ومىربايانىمەن تانىسۋعا مۇمكىندىك بولادى».
سونىمەن قاتار, مينيسترلىك وكىلى بيىل جوعارى وقۋ ورىندارىنا تاپسىرۋ كەزىندە 2017 جىلعى وليمپيادا جەڭىمپازدارى ءۇشىن باسىمدىق بولمايتىنىن اتاپ ءوتتى.
«بۇل جوو-عا تۇسۋدە بارلىعىنىڭ قۇقىقتارىن تەڭەستىرۋ ءۇشىن جاسالىپ جاتىر. ەندى ەڭ باستىسى – ءبىلىم. وقۋشىلار ۇلتتىق بىرىڭعاي تەستىلەۋدى تاپسىرۋىنا بايلانىستى ءتيىستى باللدارىن الادى», – دەدى م.تايكەنوۆا.
ول سونداي-اق وسى جىلى ۇبت تاپسىرۋ ۋاقىتى ۇزارتىلعانىن, سۇراقتار كوبەيگەنىن جەتكىزدى. بۇرىن ءۇش ساعات بولسا, ەندى ءۇش ساعات وتىز مينۋت. بۇرىنعى 120 سۇراقتىڭ ورنىنا, ەندى 140 سۇراق بولادى.
مينيستر كەڭەسشىسىنىڭ ايتۋىنشا, بۇدان بىلاي اتتەستاتتى تەك قورىتىندى ەمتيحان تاپسىرعاننان كەيىن عانا الۋعا بولادى.
«بيىلعا دەيىن وقۋشىلاردىڭ ءبىر بولىگى ۇبت تاپسىرماعان, ايلادا, قورىتىندى باعالارىنا سايكەس اتتەستاتتارىن الىپ وتىرعان. بارلىعى ءۇشىن بىردەي قورىتىندى ەمتيحان وتكىزىلمەگەن. ۇبت تاپسىرۋدان باس تارتقان وقۋشى اتتەستاتىن الىپ كەتە بەرگەن. ەندى مۇنداي وقۋشىلار دا ەمتيحانعا دايىندالاتىن بولادى. بارلىعى قورىتىندى اتتەستاتتاۋدان وتەدى», – دەدى ول.
سونداي-اق ۇستىمىزدەگى جىلى گرانتتار سانى كوبەيەتىنى بەلگىلى بولدى.
«ەگەر وتكەن جىلى مەملەكەتتەن 37 932 گرانت بولىنسە, بيىل ولاردىڭ سانى 40 مىڭنان اسادى. باكالاۆرعا بولىنەتىن گرانتتار سانى بۇرىنعىدان 3,5 مىڭعا كوپ. سونداي-اق پەداگوگيكالىق ماماندىقتارعا گرانتتار كوبەيتىلدى, – دەپ مالىمدەدى م.تايكەنوۆا.
