ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى اسقار ءماميننىڭ توراعالىعىمەن دۇنيەجۇزى قازاقتارىنىڭ V قۇرىلتايىن وتكىزۋگە دايىندىق بويىنشا ۇيىمداستىرۋ كوميتەتىنىڭ ءبىرىنشى وتىرىسى ءوتتى. ا.مامين 1992 جىلدان بەرى بەس جىلدا ءبىر رەت قۇرىلتاي وتكىزىلەتىندىگىن ايتتى. بيىل IV قۇرىلتاي 22-25 ماۋسىم ارالىعىندا استانادا وتەدى. شارانىڭ سالتاناتتى اشىلۋى 23 ماۋسىم كۇنى «نازارباەۆ ۋنيۆەرسيتەتىندە» بولادى.
وتىرىس بارىسىندا مادەنيەت جانە سپورت ۆيتسە-ءمينيسترى ا.رايىمقۇلوۆانىڭ, دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى ت.ماماشەۆتىڭ باياندامالارى تىڭدالدى.
ا.رايىمقۇلوۆانىڭ ايتۋىنشا, V قۇرىلتايعا الەمنىڭ 38 ەلىنەن قازاق دياسپوراسىنىڭ 350 شەتەلدىك وكىلى, 370 قازاقستاندىق ينتەلليگەنتسيا مەن دۇنيەجۇزى قازاقتارى قاۋىمداستىعىنىڭ وكىلدەرى قاتىسادى.
قۇرىلتاي اياسىندا «حاليفا التاي جانە تاريحتىڭ ورالۋى» حالىقارالىق كونفەرەنتسياسى وتەدى, دەلەگاتتار ءۇشىن استانانىڭ كورىكتى جەرلەرىنە, ەكسپو-2017 حالىقارالىق كورمەسىنە, «ەتنو-اۋىل» كەشەنىنە ساياحاتتار ۇيىمداستىرىلادى. بىرقاتار مينيسترلىكتەردە دوڭگەلەك ۇستەلدەر مەن سەمينارلار وتكىزىلەدى.
وتىرىس قورىتىندىسى بويىنشا پرەمەر-ءمينيستردىڭ ءبىرىنشى ورىنباسارى استانا جانە الماتى قالالارىنىڭ اكىمدىگى مەن مەملەكەتتىك ورگاندارعا بىرقاتار ناقتى تاپسىرما بەردى. ا.مامين قۇرىلتايدى جوعارى دەڭگەيدە وتكىزۋ كەرەكتىگىن اتاپ ءوتتى.
