وقۋشىلار تاربيەسىنە ءمان بەرۋدى اتاپ ءوتتى

جاڭا وقۋ جىلىنىڭ باستا­لۋى­نا دا ساناۋلى كۇندەر قالدى. سو­عان وراي دايىندىق ماسەلەسى قان­داي دە­گەن نيەتپەن ءبىلىم جانە عى­لىم ءمينيسترى باقىتجان جۇما­عۇ­لوۆ وتا­نىمىزدىڭ بارلىق ءوڭىر­لەرىن­دەگى جاعدايدى ءجىتى نازاردا ۇستاپ, كەيبىر ءبىلىم ۇيالارىندا بولىپ, ۇس­تازدار قاۋىمىمەن, اتا-انالارمەن پىكىر الماسۋدا. سونىڭ ءبىر دالەلى, مينيستر وتكەن سارسەنبى كۇنى استانا قالاسىنداعى «نۇر وردا» قازاق-تۇرىك ليتسەيى مەن «نۇر وردا» حا­لىق­ارالىق مەكتەبىندە بولدى. ول ءبى­لىم ۇيالا­رىن­دا­عى جاڭا وقۋ جى­لى­­­نا دايىندىق­تىڭ بارىسىن ءوز كو­­زىمەن كورگەن سوڭ قازاق-تۇرىك لي­تسەي­­لەرىنىڭ باس­شىلارىمەن كەزدەستى. كەزدەسۋ ۇستىندە بىرىنشىدەن, قا­­زاق-تۇرىك ليتسەيلەرىنىڭ وقۋ جوس­پار­لارى مەن باعدارلامالارى قا­زاق ەلىنىڭ مەملەكەتتىك ءبىلىم بەرۋ ستان­دارتتارىنىڭ تالابىنا ءساي­كەس­تىگى ايتىلدى. ونىڭ مازمۇنى مەن قۇ­رىلىمىنا تالداۋ جۇرگى­زى­لىپ وتى­را­تىنى دا نازاردان تىس قالمادى. ەكىنشىدەن, وقۋ ورىن­دا­رىنىڭ كادر­لىق الەۋەتى ءسوز بولدى. بۇل جا­عى­نان كەلگەندە مۇعالىم­دەردىڭ 90 پا­يىزى – قازاقستان ازا­ماتتارى, 10 پايىزى ءتۇر­كيا­لىق مۇعالىمدەر ەكەن. وسى جەردە مينيستر قازاق-تۇرىك ليتسەيلەرىندەگى مۇعالىم­دەر­دىڭ كاسىبي بىلىكتىلىگىن ارتتىرۋ ءىسىن ءبىر جۇيەگە كەلتىرۋگە, سونىڭ ىشىندە تالاپكەر­لەر­دىڭ «بولاشاق» باعدار­لاماسى بوي­ىنشا شەتەلدە ءتاجىري­بەدەن ءوتۋ جايىنا ەرەكشە توقتال­دى. ءۇشىن­شى­دەن, مەكتەپ وقۋشىلا­رىنىڭ ءتار­­بيەسىنە ەرەكشە ءمان بەرۋ كەرەكتىگىن تىلگە تيەك ەتىپ, ولاردى ەكسترە­ميستىك, ءداستۇرلى ەمەس ءدىن­دەر­دىڭ اعىمىنان الشاق ۇستاۋ, وتان­شىل­دىق رۋحقا باۋلۋ ماسە­لە­سى­نە كەلگەندە قىراعى بولۋدى ەسكەرتتى. كەزدەسۋگە «KATEV» حالىق­ارا­لىق قوعامدىق قورىنىڭ پرەزيدەنتى مەسۋت اتا ارنايى شا­قى­رىلدى. ءاڭ­گىمە بارىسىندا ب.جۇ­ماعۇلوۆ جو­عارىدا ايتىلعان وزەك­تى ماسە­لە­لەرگە كوڭىل اۋداردى. سون­داي-اق, قا­زاق-تۇرىك ليتسەيلە­رىنىڭ قىزمەتى ءبىلىم جانە عىلىم مينيسترلىگىنىڭ ۇدايى قاداعالاۋ­ىن­دا بولاتىنىن اتاپ ءوتتى. سۇلەيمەن مامەت.