بايقاۋشىلارمەن كەزدەستى

كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ بۇگىن ءوز مارەسىنە جەتەتىن ساياسي ناۋقان – سەنات دەپۋتاتتارىن سايلاۋ ۇدەرىسىن باقىلاۋعا كەلگەن حالىقارالىق بايقاۋشىلاردىڭ بىرقاتار وكىلدەرىمەن كەزدەسۋ وتكىزدى. ورتالىق سايلاۋ كوميسسيا­سى­نىڭ توراعاسى ءبىرىنشى كەزەكتە تاۋەلسىز مەملەكەتتەر دوستاس­تى­عى ەلدەرىنەن كەلگەن بايقاۋ­شى­لار ميسسياسىنىڭ باسشىسى سەرگەي لەبەدەۆ باستاعان دەلەگاتسيامەن كەزدەستى. بايقاۋشىلاردى سەنات دەپۋتاتتارىن سايلاۋ با­رى­سىمەن تانىستىرعان وسك ءتور­اعا­­سى بايقاۋشىلارعا قازاق­ستان­دىق­تار­دىڭ شاقىرۋىن قابىل ال­عا­نى ءۇشىن العىسىن جەتكىزدى. «ءتاۋ­ەلسىز مەملەكەتتەر دوستاستى­عى­نىڭ ميس­سياسى قازاقستانداعى بارلىق ساي­لاۋ شارالارىنا قاتى­سىپ ءجۇر­گەن جالعىز حالىقارالىق ۇيىم. وسى­عان بايلانىستى قا­زاق­ستاننىڭ سايلاۋ زاڭناما­لا­رى­نا ەنگىزىلگەن وزگەرىستەردىڭ باسىم بولىگى وسى تمد بايقاۋ­شى­لارى­نىڭ اقىل-كەڭەستەرىنە نەگىزدەلگەن», دەدى ق.تۇرعانقۇلوۆ. بۇدان كەيىنگى كەزەكتە ول ورتالىق سايلاۋ كوميس­سياسىنىڭ سەنات دەپۋ­تات­تارىنىڭ سايلاۋىن وتكىزۋگە ساقاداي ساي ەكەندىگىنە توقتالدى. «ءبىز وسى ۋاقىتتا سەنات دە­پۋ­تاتتارىنىڭ سايلاۋىن وتكىزۋمەن اينالىساتىن ورتالىق سايلاۋ كو­ميسسياسىنىڭ ايماقتاعى وكىل­دىك­تەرىنەن ءتيىستى اقپاراتتاردى ال­دىق. ولار سايلاۋ وتكىزۋگە تولىق­تاي دايىن. سايلاۋدىڭ باستا­لا­تىن ۋاقىتى دا بەلگىلەندى. ساي­لاۋ­دى وتكىزۋگە قاجەتتى ورىندار بار جانە ولاردىڭ بارلىعى ار­نايى تالاپقا ساي جاراقتالعان. ال سايلاۋدى ۇيىمداستىرۋشى نە­گىزگى ورگان رەتىندە ءبىز سايلاۋمەن بايلانىستى شارالاردىڭ بار­لىعىن قارجىلاندىرىپ, ماتە­ريال­دىق قاجەتتىلىكتەرمەن قامتا­ما­سىز ەتتىك. سونداي-اق, ادىستە­مە­ل­ىك ماتەريالدار مەن پلاكاتتار سياقتى قاجەتتىلىكتەر دە تولىعى­مەن ورىندالدى. ياعني, ءبىزدىڭ ساي­لاۋعا دايىندىعىمىز 100 پايىز», دەدى وسك توراعاسى. ءوز كەزەگىندە سەنات دەپۋتات­تا­رى­نىڭ سايلاۋىن باقىلاۋعا شا­قى­رعاندارى ءۇشىن ورتالىق سايلاۋ كوميسسياسى وكىلدەرىنە العى­سىن بىلدىرگەن تمد بايقاۋ­شى­لارى ميسسياسىنىڭ باسشىسى س.لە­بەدەۆ سايلاۋدى باقىلاۋدىڭ ماڭىزدى شارا ەكەندىگىن اتاپ كور­سەتتى. «ءبىزدىڭ باستى ماقسا­تى­مىز – سىزدەرمەن بىرگە سايلاۋدىڭ بارىنشا اشىق وتۋىنە, قازاقستان­دىق­تاردىڭ ەركىن تاڭداۋ جاساۋ­لارىنا ىقپال ەتۋ. ءبىز ءۇشىن قا­زاق­ستاننىڭ دا, تمد-عا مۇشە وزگە مەملەكەتتەردىڭ دە سايلاۋ زاڭ­نامالارىنىڭ جەتىلدىرىلىپ وتى­راتىندىعى قۋانتادى. ءبىز الەمدىك قاۋىمداستىق مويىنداعان تالاپ­تارعا جاقىنداپ قالدىق. كەي جاعدايدا ءتىپتى بىرقاتار مەملە­كەت­تەردىڭ الدىنا شىعىپ وتىر­مىز. ەڭ باستىسى, ءبىز العا جىل­جىپ كەلەمىز», دەدى س.لەبەدەۆ. ونىڭ سوزىنە قاراعاندا, تمد ميسسياسىنىڭ وكىلدەرى ەلىمىزدە 11 تامىزدان باستاپ جۇمىس ىستەۋدە. ميسسيا قۇرامىنا تمد-نىڭ 9 مەملەكەتىنەن 60 ادام كىرگەن. «تمد-عا مۇشە 11 مەملەكەتتەن تەك مولدوۆا مەن ازەربايجان ەلدەرىنىڭ وكىلدەرى عانا كەلە الماي قالدى. ميسسيا قۇرامىندا ديپلوماتتار مەن قوعام قايرات­كەرلەرى, پارلامەنت دەپۋتاتتارى, ورتالىق سايلاۋ كوميسسيالارى­نىڭ مۇشەلەرى بار. ميسسيا وكىل­دە­رىنىڭ بارلىعى سايلاۋ شارا­لا­رى­نان كوپجىلدىق مول ءتاجىري­بەلەرى بار ازاماتتار», دەدى ميسسيا باسشىسى. بۇدان كەيىن قۋاندىق تۇر­عان­قۇلوۆ رەسەي فەدەراتسياسى مەن ۋكراينانىڭ باق وكىلدەرىمەن كەزدەستى. ماسەلەن, ورتالىق سايلاۋ كوميسسياسى توراعاسىمەن ءجۇز­دەسۋگە رەسەيدىڭ «يتار-تاسس», ريا «نوۆوستي», «گەروي ناشەگو ۆرەمەني», «دەلوۆىە مەديا» سەكىلدى اگەنتتىكتەر مەن باسىلىمداردىڭ, ««verkhoturov.info», ia-centr.ru» سىندى سايتتاردىڭ وكىلدەرى, ال ۋكراينادان «ۋريادوۆي كۋرەر», «گولوس ۋكراينى», «2000», «دەن» باسىلىمدارى مەن «ۋكراينفورم» اقپاراتتىق-ساراپتامالىق اگەنتتىگىنىڭ وكىلدەرى كەلىپتى. جيىن بارىسىندا ق.تۇرعان­قۇ­لوۆ جينالعاندارعا قازاقستان پارلامەنتىنىڭ ەكى پالاتادان, سەنات جانە ماجىلىستەن تۇراتىندى­عىن ايتا كەلە, پارلامەنت سە­ناتىنىڭ قۇرىلىمى مەن ەرەكشەلىگىنە كەڭىرەك توقتالىپ ءوتتى. «ءبىز ءۇشىن سەنات دەپۋتاتتارىنىڭ ساي­لاۋى وتە ماڭىزدى شارا. سەنات 47 دەپۋتاتتان تۇرادى. 32 دەپۋتاتتى قازاقستاننىڭ ءماسليحاتى سايلاي­دى. 15 دەپۋتاتتى قازاقستان پرەزيدەنتى تاعايىندايدى. ولاردىڭ وكىلەتتىلىك مەرزىمى 6 جىل», دەدى وسك توراعاسى. ول سونداي-اق, قازاقستاندا بۇگىندە 3 مىڭ 335 دەپۋتات بار ەكەنىن ايتا كەلە, 47 دەپۋتاتتىڭ ورنى ءتۇرلى سەبەپتەرمەن بوس تۇرعاندىقتان, ەرتەڭگى جيىنعا 3 مىڭ 228 دەپۋتات قاتى­سادى دەگەن ويىمەن ءبولىستى. «سەنات دەپۋتاتتىعىنان ۇمىتكەرلەر سايلاۋشىلاردىڭ 50 پايىزدان استام داۋسىن جيناعاندا عانا جە­ڭىس­كە جەتكەن بولىپ ەسەپتەلەدى. سەنات دەپۋتاتتارىنىڭ سايلاۋ ناۋقانى وتە بەلسەندى ءوتىپ جاتىر. مىسالى, سايلاۋ ناۋقانى باس­تال­عالى رەسپۋبليكا بويىنشا 98 ءۇمىت­كەر تىركەلدى. بۇل وتكەن ساي­لاۋداعى كورسەتكىشتەن 10 ادامعا كوپ», دەدى ق.تۇرعانقۇلوۆ. ول ءوز سوزىندە سايلاۋدا, ءاسى­رەسە, «نۇر وتان» پارتياسىنىڭ وكىلدەرى ەرەكشە بەلسەندىلىك تا­نىت­قانىن اتاپ ءوتتى. «سەنات دەپۋ­تات­تىعىنا كانديداتتاردىڭ ارا­سىندا «پاتريوتتار پارتياسى», «اۋىل», «رۋحانيات», «اق جول» سياقتى 4 پارتيانىڭ وكىلى بار. جالپى العاندا, سەنات دەپۋتات­تارىنىڭ سايلاۋىنا 39 كانديدات تىركەلگەن. قالعان ۇمىتكەرلەر زاڭدا كورسەتىلگەن تالاپتاردىڭ ءۇ­دەسىنە شىعا المادى», دەدى وسك توراعاسى. كەزدەسۋ سوڭىندا شەتەلدىك جۋر­ناليستەر قازاقستانداعى سايلاۋ ۇدەرىسىنە, ورتالىق سايلاۋ كوميسسياسىنىڭ جۇمىسىنا, بي­ىل­عى جىلعى سەنات دەپۋتات­تى­عى­نا ەڭ كوپ ۇمىتكەر تىركەلگەن ءوڭىر­لەرگە, دەپۋتاتتىققا ۇمىتكەرلەر­دىڭ ۇگىت-ناسيحات جۇمىستارىنا بولىنەتىن قارجى-قاراجاتتىڭ ءمول­شەرىنە قاتىستى وزدەرىن قى­زىق­تىرعان ساۋالدارعا جاۋاپ الدى. بۇل كۇنى قۋاندىق تۇرعان­قۇ­لوۆ تاۋەلسىز مەملەكەتتەر دوس­تاس­­تى­عىنا مۇشە مەملەكەت­تەر­دىڭ پارلامەنتتىك اسسامبلەيا­سى كەڭە­سىنىڭ باس حاتشىسى ميحايل كروتوۆپەن دە كەزدەسۋ وتكىزدى. جيىن بارىسىندا وسك توراعاسى پارلامەنتتىك اسسامبلەيا اتىنان كەلگەن دەلەگاتسيا وكىلدەرىن سەنات دە­پۋتاتتارىنىڭ سايلاۋىنا داي­ىندىق بارىسىمەن تانىستىردى. ال باس حاتشىنىڭ ايتۋىنشا, قازاقستاندا سەنات دەپۋتاتتارى سايلاۋىنىڭ بارىسىن باقىلاۋ ءۇشىن بايقاۋشىلارعا بارلىق مۇمكىندىكتەر جاسالعان. «ساي­لاۋ­دىڭ قالاي وتەتىنىن سايلاۋ كۇنى كورە جاتارمىز. ازىرگە سايلاۋعا دايىندىق تولىقتاي زاڭ اياسىندا, بارلىق تالاپتارعا ساي ءوتىپ جا­تىر. بۇگىن ءبىز قازاقستاننىڭ 4 ايماعىنداعى جاعدايعا مونيتورينگ جۇرگىزدىك. جالپى العاندا 7 ايماقتى قامتىساق دەگەن ويدا­مىز. وسىعان وراي, ءبىزدىڭ ميسسيا وكىلدەرى رەسپۋبليكانىڭ وزگە اي­ماقتارىن ارالاۋدا», دەدى م. كروتوۆ. سونىمەن, بۇگىن جۇمىس كۇنى­نىڭ سوڭىنا قاراي سايلاۋدىڭ ال­عاش­قى قورىتىندىلارى جاريا­لا­نا­دى. ال 22 تامىز كۇنى ساي­لاۋ­دىڭ تولىق قورىتىندىسى شىعا­رىل­ماق. ءلايلا ەدىلقىزى.