ميسسيا دەلەگاتسياسىمەن جۇزدەسۋ

كەشە پارلامەنت ءماجىلىسىنىڭ توراعاسى ورال مۇحامەدجا­نوۆ تمد پارلامەنتارالىق اسسامبلەياسىنىڭ بايقاۋشىلار ميس­سياسى دەلەگاتسياسىن قابىلدادى. پالاتا توراعاسى تمد پارلا­مەنتارالىق اسسامبلەياسى باي­قاۋ­شىلار ميسسياسىنىڭ مۇشە­لە­رىن جىلى شىرايمەن قارسى الىپ, قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ ۇدەرىسىنە بايقاۋشى رەتىندە قاتىسىپ وتىرعاندارىنا ري­زا­شىلىعىن ءبىلدىردى. ءوز كەزەگىندە اتالعان ميس­سيا­نىڭ وكىلى – رەسەي فەدەراتسياسى فەدەرالدى جينالىسى فەدەراتسيا كەڭەسىنىڭ تمد ىستەرى ءجو­نىندەگى كوميتەتىنىڭ مۇشەسى ۆاديم گۋستوۆ قازاقستانداعى سايلاۋ ناۋقانىنىڭ ۇيىمداس­تى­رى­لۋى تۋرالى وڭ كوزقاراسىن جەتكىزە كەلىپ, ءماجىلىس توراعاسىنا پار­لامەنت سەناتىنىڭ دەپۋ­تات­تا­رىن سايلاۋعا ازىرلىكتى زەردەلەپ, ءبىر اي ىشىندە دايىندالعان ساراپشى توپتىڭ ەسەبىن تابىس ەتتى. «قازاقستاندا سايلاۋ جۇيەسى جولعا قويىلعان», – دەپ اتاپ ءوتتى ۆ.گۋستوۆ. ءماجىلىس توراعاسى بيىل كوك­تەمدە بولعان قازاقستان رەسپۋب­لي­كاسى پرەزيدەنتىنىڭ كەزەكتەن تىس سايلاۋىنا دايىندىق بارىسى مەن وتكىزىلگەنى جونىندە تمد باي­قاۋشىلار ميسسياسىنىڭ شى­عار­عان قورىتىندىسىندا ءادىل باعالانعانى ءۇشىن ريزاشىلىعىن جەتكىزدى. كەزدەسۋ بارىسىندا پارلامەنتتىك سايلاۋ ۇدەرىسى ساياسي تۇ­راقتى جاعدايدا, قازاقستانداعى الەۋمەتتىك-ەكونوميكالىق ءبىر قا­لىپ­تى دەڭگەيدە ءوتىپ جاتقانى ءاڭ­گىمە بولدى. ال سايلاۋ تۋرالى زاڭ­ناما سايلاۋ ۇدەرىسىنىڭ اشىق تۇردە ءوتۋىن قامتاماسىز ەتەدى. ورال مۇحامەدجانوۆ ءماجى­لىس­تىڭ قىزمەتى جونىندە ايتا كەلىپ, الەمدىك قارجى داعدارى­سى­نىڭ ىقپالىن ازايتىپ, ەل ەكو­نو­ميكاسىنىڭ تۇراقتىلىعىن ساق­تاۋ­دا پارلامەنتتىڭ ۇلكەن ءرول ات­قارعانىن تىلگە تيەك ەتتى. وسى ورايدا داعدارىستىڭ الدىن الۋ باعىتىندا ەكونوميكالىق قاتى­ناس­تاردى, سالىق سالۋ مەن الەۋ­مەتتىك قامتاماسىز ەتۋ جۇيەسىن جاقسارتۋدى كوزدەيتىن زاڭدار توپ­تاماسى دەر كەزىندە قابىل­دا­ن­عا­نىن اتاپ ءوتتى. ەنەرگيا كوز­دە­رىن ۇنەمدەۋگە جانە سۋ رە­سۋرس­تارىن ءتيىمدى پايدالانۋعا نەگىز بولاتىن زاڭدار ومىرگە كەلدى, دەدى ءماجىلىس توراعاسى. بۇگىنگى تاڭدا ءماجىلىس دەپۋتاتتارى قازاق­ستان­نىڭ 2020 جىلعا دەيىنگى كەزەڭدى قامتيتىن ۇدەمەلى يننوۆاتسيالىق يندۋستريالاندىرۋ باعدارلاما­سىن زاڭنامالىق قامتاماسىز ەتۋ ماسەلەسىنە باسىمدىق بەرىپ وتىر. كەزدەسۋدە پارلامەنتارالىق ىنتىماقتاستىقتى دامىتۋدىڭ جول­دارى, تمد پاا شەڭبەرىندە نەگىزىنەن ساياسي, ەكونوميكالىق, ءما­دەني-گۋمانيتارلىق ىنتىماق­تاس­تىققا باعىتتالعان ءوزارا ىق­پال­داستىقتى ارتتىرۋ ماسەلەلەرى ءسوز بولدى. سونىمەن قاتار, تاراپتار قازاقستاننىڭ سىرتقى سايا­ساتى, كورشى ەلدەرمەن قارىم-قا­تىناسى تۋرالى ويلارىمەن ءبو­لىستى. ايتالىق, ەلىمىزدىڭ سترا­تە­گيال­ىق ارىپتەسى – رەسەي فەدەرا­تسيا­سىمەن اراداعى ساۋدا-ەكونو­مي­كالىق, مادەني-گۋمانيتارلىق باي­لانىس تۇراقتى دامىپ كەلەدى. قا­زاقستاننىڭ سىرتقى ساۋدا اينا­لى­مىنىڭ 20 پايىزداي ۇلەسىن رەسەي قۇراپ وتىر. 2010 جىلدىڭ قورى­تىن­دىسى بويىنشا ەكى ەل ارا­سىن­داعى ساۋدا اينالىمى 17,4 ملرد. اقش دوللارىنا تەڭ بولدى (ەكس­پورت – 5,4 ملرد. اقش دوللارى, يمپورت 12 ملرد. اقش دوللارى). بۇل جەردە كەدەن وداعى شەڭ­بەرىندەگى ساۋدا اينالىمى بوي­ىن­شا 2010 جىلدىڭ ەكىنشى جار­تى جىلدىعىنداعى مالىمەت ەسەپكە الىنعان. ال 2011 جىلدىڭ ءبىرىنشى جارتى جىلدىعىندا قوس مەملەكەت اراسىنداعى ساۋدا اي­نا­لىمى 11,2 ملرد. اقش دوللارىن قۇرادى, بۇل وتكەن جىلدىڭ وسى كەزەڭىمەن سالىستىرعاندا 44,5 پايىزعا ءوسىپ وتىر. قازاقستان مەن قىرعىز رەس­پۋب­ليكاسى اراسىنداعى قارىم-قاتىناس تا وڭ ۇردىسپەن دامۋدا. 2010 جىلى ەكى ەل اراسىنداعى ساۋدا اينالىمى 589,9 ملن. اقش دوللارىن قۇرادى, ونىڭ ىشىندە ەكسپورت 424,2 ملن. دوللار, يمپورت 165,7 ملن. دوللار. ءۇستى­مىز­دەگى جىلدىڭ ءبىرىنشى جارتى جىلدىعىندا ساۋدا اينالىمى 300 ملن. 821 مىڭ اقش دوللارى كولەمىندە بولدى. ءماجىلىس توراعاسى مەيماندارعا رەسەي مەن قىرعىز رەسپۋبليكا­سىن­دا الداعى ۋاقىتتا بولاتىن پرەزيدەنتتىك جانە پارلامەنتتىك سايلاۋ­لار­دىڭ تابىستى وتۋىنە تىلەكتەستىگىن ءبىلدىردى. «ەگەمەن-اقپارات».