كوسوۆوعا 700 اسكەر جىبەرىلمەك

سەربيا مەن كوسوۆونىڭ اراسىنداعى شەكاراداعى احۋالدىڭ شيەلەنىسە تۇسۋىنە بايلانىستى گەرمانيا حالىقارالىق بىتىمگەرشىلىك كونتينگەنتتى كۇشەيتۋ ءۇشىن وڭىرگە 550 اسكەري قىزمەتشى جىبەرمەك. وعان قوسا اۆستريانىڭ دا 150 اسكەري قىزمەتشىنى جىبەرەتىنى بەلگىلى بولىپ وتىر. نەمىستەر مەن اۆستريالىقتار وپەراتيۆتى رەزەرۆ باتالونىنىڭ قۇرامىنا ەنبەكشى. وپەراتسيا 30 كۇنگە ەسەپتەلگەن. بىراق جاعداي ناشارلاي تۇسسە, ونىڭ مەرزىمى ۇزارتىلاتىن بولادى. قازىرگى ۋاقىتتا كوسوۆودا ناتو-نىڭ 5500 اسكەريلەرى بار, ولاردىڭ 900-ءى نەمىستەر.   ەرەۋىلشىلەرگە اقشا نە ءۇشىن بەرىلدى؟ فرانتسۋز ۇكىمەتىنە ليۆيا باسشىسى مۋامار كاددافيگە تيەسىلى 259 ميلليون دول­لاردى ەرەۋىلشىلەرگە بەرىپ جىبە­رۋدىڭ قان­شا­­لىقتى زاڭدى ەكەنىن ءدا­لەل­دەۋگە تۋرا كەلەدى. ليۆيا ۇكىمەتىنىڭ مۇددەسىن قورعايتىن فرانتسۋز ادۆوكاتتارى رولان ديۋما مەن جاك ۆەرگەس فرانتسيا سىرتقى ىستەر ءمينيسترى الەن جيۋپپەگە وسىنداي تالاپ قوي­ىل­عان رەسمي ساۋال جىبەرگەن. جاقىندا ءوت­پەلى ۇلتتىق كەڭەس وكىلى مانسۋر سەيف ان-ناسرمەن پاريجدەگى كەزدەسۋدە الەن جيۋپپە كاددافيدىڭ ەسەپ-شوت­تارىن «بوساتۋ» ۇدە­رى­سىنىڭ اياق­تال­عانىن ايتقان بولاتىن. سونداي-اق, ول 259 ميلليون دول­لاردىڭ ەرەۋىلشىلەرگە بەرىلەتىنىن راستاعان. ال ادۆوكاتتار بولسا بۇۇ شەشىمىمەن «تىيىم سالىنعان» قار­جىنىڭ ەرەۋىلشىلەرگە قانداي نەگىزدە بەرىلگەنىن ءتۇسىندىرۋدى تالاپ ەتۋدە.   ۇشاق اپاتقا ۇشىرادى برازيليانىڭ سانتا-كاتارينا شتاتىندا ۇشاق­تىڭ قۇلاۋى سالدارىنان 5 ادام قازا تاپقان. كولىك قۇرالىنىڭ بورتىندا بولعان تاعى 3 ادامنىڭ تاع­دىرى ازىرگە بەلگىسىز كۇيىندە قالىپ وتىر. اپاتقا ۇشىراعان ۇشاق برازيليا قارۋلى كۇشتەرىنە تيەسىلى كورىنەدى. اپات كولىك قۇرالى حالىق از قونىستانعان تاۋلى ايماقتىڭ ءۇس­تى­نەن ۇشىپ بارا جاتقان كەزدە ورىن العان. وقيعانىڭ انىق-قا­نى­عىن ەل استاناسىنان كەلگەن ماماندار انىقتايتىن بولادى.   تۇركيا ازەربايجاندى جاقتايدى تۇركيا تاۋلى قاراباق ماسەلەسىندە ازەرباي­جان­مەن بىرگە بولعان جانە بولا بەرەدى, جانجال رەتتەلگەنگە دەيىن ارمەنيامەن اراداعى شەكارانى اش­پاي­دى, دەپ مالىمدەگەن تۇركيانىڭ ازەربايجانداعى ەلشىسى حۋلۋسي كىلىچ. تۇركيا ازەربايجاننىڭ باسىپ الىنعان اۋماقتارىن بوساتۋدى تالاپ ەتەدى, بۇل تەك ءبىزدىڭ عانا ەمەس, سونىمەن بىرگە بۇكىل حالىقارالىق قوعامداستىقتىڭ تالابى. ازەر­باي­جاننىڭ باسىپ الىنعان اۋماعىن بوساتۋعا قاتىستى بۇۇ-نىڭ 4 قارارى بار, ءبىز ارمەنيانى وزگە ەشتەڭە ەمەس, تەك سول قاراردى ورىنداۋعا شاقىرامىز, دەپ اتاپ كورسەتكەن كىلىچ.   ەۋروپانى ناتسيزمنەن قۇتقارعان كىم؟ كەڭەس وداعى ەۋروپانى اسقان ز ۇلىمدىق – گەرما­نيانىڭ ناتسيستىك رەجىمىنەن قۇتقاردى, دەپ اتاپ كور­سەتكەن قازىرگى زامانعى دامۋ ينستي­تۋتىنىڭ باس­قار­ما توراعاسى يگور يۋرگەنس «روسسيسكيە ۆەستي» اپ­تا­لىعىنا بەرگەن سۇحباتىندا. ونىڭ ايتۋىنشا, بىرقاتار ەۋروپالىق ەلدەردىڭ كسرو-داعى ستاليندىك رەجىمدى گەرمانيانىڭ ناتسيستىك رەجىمىمەن سالىستىرۋى بارىنشا ساياسيلاندىرىلعان, تاريحي شىن­دىققا نەگىزدەلمەگەن مالىمدەمە. شىندىعىندا گەرمانيا بيلىگىنە ناتسيستەر كەلگەن ساتتەن باستاپ, ماسكەۋ بەرلين رەجىمىنە ۇنەمى قارسى شىعىپ وتىرعان. 1838-39 جىلدارى ماسكەۋ فاشيستىك گەرمانياعا قارسى اليانس تا ۇيىم­داستىرماق بولعان. بىراق فرانتسيا مەن ۇلىبريتانيا ونداي قادامنان باس تارتقان.   اپات قۇرباندارىنا وتەماقى تولەنەدى جاپونيا پارلامەنتى اتوم اپاتى قۇرباندارىنا وتەماقى تولەۋگە ءتيىس «فۋكۋسيما» اەس-ءنىڭ وپەراتور كوم­پانياسى TEPCO-عا كومەك كورسەتۋ جوسپارىن قۋاتتادى. ۇكىمەت ءوز تۇرعىن ۇيلەرىن تاستاپ شىعۋعا ءماجبۇر بولعان جانە باسقا دا زارداپ شەككەن 80 مىڭ ادامعا وتەماقى تولەۋ ءۇشىن جاڭا قور قۇرماقشى. زاڭ جوباسىنا جاپون ۇكىمەتى دە, وپپوزيتسيا دا بىردەي قولداۋ كورسەتكەن. قابىلدانعان قۇ­جات­تىڭ ماقساتى توكيو قالاسىن ەلەكتر جارىعىنان اجى­راتپاي-اق قۇرباندارعا وتەماقى تولەۋدى قامتاماسىز ەتۋ.   بەتتى بۇركەمەلەۋگە تىيىم سالماقشى يتاليا پارلامەنتىنىڭ كوميتەتى ايەلدەردىڭ بوگدە ادامدار بار جەردە بەتتەرىن جابۋىنا تىيىم سالا­تىن زاڭ جوباسىنا قولداۋ كورسەتتى. پرەمەر-مينيستر سيلۆيو بەرلۋس­كو­نيدىڭ وڭشىل ورتا كواليتسياسىنان قولداۋ تاۋىپ, وپپوزيتسيانىڭ قارسىلىعىنا كەزىككەن زاڭ بەتتى جاباتىن بارلىق كيىمدەردى كيۋگە تىيىم سالادى. يتاليا پارلامەنتى ونى جازعى دەمالىستان كەيىن قاراماقشى. زاڭ قابىلدانعان جاعدايدا ونى بۇرمالا­عان­دارعا 150-300 ەۋرو كولەمىندە ايىپپۇل سالىنىپ, سونىمەن بىرگە قوعامدىق جۇمىستارعا جىبەرىلمەك.   «كەدەرگىسىز ورتا» ۇكىمەت ۇيىنەن باستالماق رەسەي پرەمەر-ءمينيسترى ۆلاديمير پۋتين ءمۇم­كىن­دىكتەرى شەكتەۋلى جاندار ءۇشىن كەدەرگىسىز ورتا قۇرۋدى ۇكىمەت ءۇيى عيماراتىنان باستاۋ جونىندە تاپسىرما بەردى. سونىمەن بىرگە پۋتين وسى ءىس-شارانى ۇكىمەتتىڭ رەزەرۆتىك قورىنان قارجىلاندىرۋ جونىندە قارجى مينيسترلىگىنە تاپ­سىرما دا بەردى. رەسەي ۇكى­­مەتىنىڭ باسشىسى مۇنداي تاپسىرمانى دەنساۋلىق ساقتاۋ جانە الەۋمەتتىك دامۋ ءمينيسترى ت.گولي­كو­ۆانىڭ 2011-2015 جىلدارعا ارنالعان «قول­جەتىمدى ورتا» مەملەكەتتىك باعدارلاماسىنىڭ ورىندالۋى تۋرالى بايانداماسىنان كەيىن بەرىپ وتىر. ينتەرنەت ماتەريالدارى نەگىزىندە ازىرلەندى.